EPFO News: మీరు ఉద్యోగం మారారా..? వెంటనే పాత పీఎఫ్ ఖాతాను ఇలా విలీనం చేయండి..

EPFO News: ప్రైవేట్ సెక్టార్‌లో పనిచేసే వ్యక్తులు తమ కెరీర్ గ్రోత్ కోసం తరచుగా ఉద్యోగాలను మారుస్తూ ఉంటారు. గత కొన్నేళ్లుగా ఇందులో బూమ్ కూడా నమోదైంది. మీరు ఉద్యోగం మారినట్లయితే కొత్త కంపెనీలో చేరిన తర్వాత జాగ్రత్తగా ఒక పనిని పూర్తి చేయాల్సి ఉంటుంది. అదే మీ EPF ఖాతాను విలీనం చేయటం. అవును మీ పాత యూఏఎన్ నంబర్ నుంచి కొత్త పీఎఫ్ ఖాతా తెరబడుతుంది. అందులోనే కొత్త కంపెనీ పీఎఫ్ మెుత్తాన్ని జమ చేస్తుంది. కాబట్టి ఈపీఎఫ్ ఖాతాను ఎలా విలీనం చేయాలో ఇప్పుడు తెలుసుకోండి.

ఆన్ లైన్ ప్రక్రియ..

మీరు మీ PF ఖాతాను ఆన్‌లైన్‌లో సులభంగా విలీనం చేయవచ్చు. దీని కోసం మీరు EPFO ​​అధికారిక వెబ్‌సైట్‌కి వెళ్లాల్సి ఉంటుంది. అక్కడ సర్వీసెస్ ఆప్షన్ ను ఎంపిక చేయాలి. ఆ తర్వాత వన్ ఎంప్లాయీ వన్ ఈపీఎఫ్ ఖాతాపై క్లిక్ చేయాలి. దీని తర్వాత EPF ఖాతాను విలీనం చేయడానికి ఫారమ్ తెరవబడుతుంది. ఇక్కడ EPF ఖాతా నుండి రిజిస్టర్డ్ మొబైల్ నంబర్‌ను నమోదు చేయాలి. ఆపై UAN, ప్రస్తుత సభ్యుల IDని నమోదు చేయండి. పూర్తి వివరాలను పూరించిన తర్వాత.. ప్రమాణీకరణ కోసం OTP జనరేట్ చేయబడుతుంది. మీరు OTP నంబర్‌ను నమోదు చేసిన వెంటనే.. మీ పాత PF ఖాతాలు కనిపించడం ప్రారంభమవుతుంది.

UAN యాక్టివేషన్..

పై ప్రక్రియ పూర్తైన తర్వాత PF ఖాతా నంబర్‌ను పూరించి సబ్మిట్ బటన్‌పై క్లిక్ చేయండి. ఖాతా విలీనం కోసం రిక్వెస్ట్ ఆమోదించబడుతుంది. వెరిఫికేషన్ తర్వాత కొన్ని రోజుల్లో మీ ఖాతా విలీనం చేయబడుతుంది. అయితే ఆన్‌లైన్‌లో EPFకి సంబంధించిన ఏదైనా సదుపాయాన్ని పొందాలంటే.. మీరు తప్పనిసరిగా UAN అవసరమని గుర్తుంచుకోండి.

UAN నంబర్‌ను ఎలా తెలుసుకోవాలి..?

మీకు UAN తెలియకపోతే దానిని ఆన్‌లైన్‌ ద్వారా కూడా తెలుసుకోవచ్చు. దీని కోసం ముందుగా 'https://unifiedportal-mem.epfindia.gov.in/memberinterface/'కి వెళ్లాలి. ఆ తర్వాత కుడివైపున ఉన్న ఎంప్లాయీ లింక్డ్ సెక్షన్‌పై క్లిక్ చేసి, 'నో యువర్ యూఏఎన్' నంబర్‌పై క్లిక్ చేయండి. అప్పుడు మీరు రిజిస్టర్డ్ మొబైల్ నంబర్, క్యాప్చా కోడ్ ఫిల్ చేయాలి. దీని తర్వాత రిక్వెస్ట్ OTPపై క్లిక్ చేయండి. ఆ తర్వాత ఓపెన్ అయ్యే పేజీలో పీఎఫ్ ఖాతా నంబర్, క్యాప్చా వివరాలు నింపాలి. దీనికి తోడు పుట్టిన తేదీతో పాటు ఆధార్ లేదా పాన్ నంబర్ వివరాలను నమోదు చేయాల్సి ఉంటుంది. ఆ తర్వాత 'షో మై యూఏఎన్ నంబర్'పై క్లిక్ చేసి మీ UAN వివరాలను తెలుసుకోవచ్చు.