Pan Card: పాన్ కార్డ్ పోగొట్టుకుంటే డూప్లికేట్ కోసం ఇలా దరఖాస్తు చేసుకోండి.. సులువుగా, సురక్షితంగా..

Pan Card: దేశంలోని పౌరులందరికీ పాన్ కార్డ్ చాలా ముఖ్యమైనది. ఆర్థికపరమైన లావాదేవీలను పూర్తి చేయటానికి ఇది అత్యంత అవసరం. ఒకవేళ పాన్ కార్డ్ పోగొట్టుకున్నట్లయితే ఇకపై ఆందోళన చెందాల్సిన అవసరం లేదు. ఇకపై ఆన్‌లైన్‌లో డూప్లికేట్ కార్డ్ కోసం సులువుగా అప్లై చేసుకోవచ్చు. ఐటి డిపార్ట్‌మెంట్ నుంచి డూప్లికేట్ పాన్ కార్డ్‌ని ఎలా పొందాలో ఇప్పుడు తెలుసుకుందాం..

డూప్లికేట్ పాన్ కార్డ్ దరఖాస్తు ప్రక్రియ..

ఈ డూప్లికేట్ డాక్యుమెంట్‌లో చట్టపరమైన ప్రక్రియ ఒరిజినల్ పాన్ కార్డ్ లాగానే ఉంటుంది. మీరు ఈ పాన్ కార్డ్‌ని ప్రతిచోటా ఎటువంటి సమస్య లేకుండా ఉపయోగించవచ్చు. అయితే, డూప్లికేట్ పాన్ కార్డు కోసం దరఖాస్తు ప్రక్రియ.. కొత్త పాన్ కార్డ్ కోసం దరఖాస్తు చేయడం కంటే సులువు.

దీని కోసం ముందుగా మీరు TI-NSDL అధికారిక పోర్టల్‌కి వెళ్లాలి. ఎడమవైపు ఆన్‌లైన్ పాన్ సేవను పొందడానికి క్లిక్ చేయండి. ఆ తర్వాత ఆప్షన్‌లో ఆన్‌లైన్ పాన్ సర్వీస్ ఎంచుకోవాలి. ఆ తర్వాత మీరు స్క్రీన్ చేసి పాన్ కార్డ్ రీప్రింట్‌పై క్లిక్ చేయాలి.

తరువాతి ప్రక్రియ..

ఆన్‌లైన్ పాన్ కార్డ్ పొందడానికి అవసరమైన మొత్తం సమాచారాన్ని నమోదు చేయాలి. ఆ తర్వాత మీరు క్యాప్చా కోడ్‌ను పూరించాలి. దరఖాస్తు ఫారమ్‌ను సమర్పించాలి. ఈ సమయంలో మీరు OTP కూడా పొందుతారు. దేశంలో పాన్ కార్డ్ డెలివరీ చేయాలంటే దాని ధర రూ.50గా ఉంది. అదే పాన్ కార్డ్‌ని దేశం వెలుపల డెలివరీ చేయటానికి రూ.959 రుసుము చెల్లించాల్సి ఉంటుంది. చెల్లింపు పూర్తైన తర్వాత మీకు రికార్డుగా నంబర్ ఇవ్వబడుతుంది.

డూప్లికేట్ పాన్ కార్డ్ కోసం ఎప్పుడు అప్లై చేయాలి..?

ఒరిజినల్ పాన్ కార్డ్ పోయిన సందర్భంలో మీరు డూప్లికేట్ పాన్ కార్డ్ కోసం దరఖాస్తు చేసుకోవచ్చు. మీరు కార్డులోని చిరునామా, సంతకం కాకుండా ఏదైనా మార్చాలనుకుంటే డూప్లికేట్ పాన్ కార్డ్ కోసం దరఖాస్తు చేసుకోవచ్చు.

గుర్తుంచుకోవలసిన విషయాలు..

పాన్ కార్డ్ పోయినా లేదా దొంగిలించబడినా ఈ పాయింట్‌లను గుర్తుంచుకోవాలి. దీని కోసం ముందుగా మీరు ఎఫ్‌ఐఆర్ నమోదు చేసుకోవాలి. మీరు డూప్లికేట్ పాన్ కార్డ్ కోసం ఆన్‌లైన్‌లో దరఖాస్తు చేసుకోవచ్చు లేదా మీ సమీప పోలీస్ స్టేషన్‌లో ఈ ప్రక్రియను పూర్తి చేసిన తర్వాత ఆఫ్‌లైన్‌లో కూడా దరఖాస్తు చేసుకోవచ్చు.