Pan Card: పాన్ కార్డులో తప్పు సమాచారం సరిచేయాలా..? ఇలా సింపుల్‌గా చేసుకోండి..

Pan Card Correction: ప్రభుత్వ పత్రాల్లో ముఖ్యమైనది పాన్ కార్డ్. బ్యాంక్ ఖాతా నిర్వహణ నుంచి పన్ను చెల్లింపు వరకు ఎలాంటి ఆర్థిక అవసరాలు పూర్తి చేయాలన్నా అందుకోసం పాన్ కార్డ్ తప్పనిసరిగా మారిపోయింది.

అధిక విలువ కలిగిన బ్యాంక్ ట్రాన్సాక్షన్ జరపటానికి సైతం పాన్ వివరాలు తప్పనిసరిగా అందించాలి. మీ బ్యాంక్ ఖాతాలో లేదా రూ.50,000 కంటే విలువైన నగదు చెల్లింపులు చేయాలన్నా సరే పాన్ కార్డ్ సమాచారం తప్పక పొందుపరచాల్సి ఉంటుంది. అయితే ఇందులోని వివరాలు తప్పుగా ఉన్నట్లయితే పెద్ద సమస్యలకు దారితీసే ప్రమాదం ఎక్కువగా ఉంటుంది. అందువల్ల వెంటనే తప్పుడు సమాచారాన్ని సవరించుకోవాల్సి ఉంటుంది.

చిరునామా, పేరు, పుట్టిన తేదీ వంటి వివరాలు తప్పుగా నమోదైనట్లయితే ఆన్‌లైన్‌లో వాటిని ఎలా సరిచేసుకోవాలో ఇప్పుడు తెలుసుకుందాం..

- ముందుగా పాన్ కార్డ్ అప్‌డేట్ కోసం NSDL ఇ-గవర్నెన్స్ వెబ్‌సైట్ పోర్టల్‌ని సందర్శించండి.

- ఆపై సేవల ట్యాబ్‌కు వెళ్లి.. డ్రాప్‌డౌన్ మెను నుంచి పాన్‌ని ఎంచుకోండి.
తదుపరి పాన్ కరెక్షన్ మెనుని కనుగొనడానికి క్రిందికి స్క్రోల్ చేసి ఎంపికను ఎంచుకోండి.

- తర్వాత పాన్ కరెక్షన్‌కి వెళ్లి అప్లైపై క్లిక్ చేయండి.

- ఆపై సబ్మిట్ ఆప్షన్‌ని ఎంచుకుని.. అక్కడ మీ పాన్ నంబర్‌ను నమోదు చేయండి. తర్వాత పాన్ కార్డ్ మోడ్ ఆప్షన్‌ని ఎంచుకుని సబ్‌మిట్‌పై క్లిక్ చేయండి.

- రిజిస్ట్రేషన్ ప్రక్రియ తర్వాత మీకు టోకెన్ నంబర్ వస్తుంది. దానిపై ఓకే క్లిక్ చేయండి.

- తర్వాత అక్కడ మీ పేరు, చిరునామాను పూరించండి. తర్వాత నెక్స్ట్ స్టెప్ పై క్లిక్ చేయండి.

- తర్వాత ధృవీకరణ కోసం అక్కడ పాన్ కార్డ్ నంబర్‌ను నమోదు చేసి నెక్స్ట్ ఆప్షన్‌పై క్లిక్ చేయండి.

- దీని తర్వాత వెబ్‌సైట్‌లో అవసరమైన పత్రాలను అప్‌లోడ్ చేసి సబ్‌మిట్ బటన్‌పై క్లిక్ చేయండి.

- ఈ ప్రక్రియ తర్వాత పాన్ కార్డ్ దిద్దుబాటు కోసం దాదాపు 15 రోజులు పడుతుంది. మీ పాన్ కార్డ్ పోస్ట్ ద్వారా పంపబడినప్పుడు ఆ సమాచారం మీకు ఫోన్‌కు మెసేజ్ ద్వారా వెల్లడించబడుతుంది.