వాట్సాప్ ద్వారా జియో యూజర్ల రీచార్జ్ చేసుకోవచ్చు... ఇలా చేయాలి

రిలయన్స్ జియో వినియోగదారులు ఇక నుండి వాట్సాప్ ద్వారా కూడా తమ మొబైల్ నెంబర్‌ను రీచార్జ్ చేసుకోవచ్చు. ఈ మేరకు ఈ టెలికం దిగ్గజం వాట్సాప్ బోట్ ద్వారా జియో యూజర్లు రీచార్జ్ చేసుకునే వెసులుబాటు కల్పించింది. ఈ సరికొత్త ఫ్యూచర్‌కు యాక్సెస్ కావడానికి రిలయన్స్ జియో యూజర్లు 7000770007 నెంబర్‌ను సేవ్ చేసుకోవాలి. ఈ నెంబర్‌ను సేవ్ చేసుకున్న అనంతరం Hi అని వాట్సాప్ ద్వారా సందేశం పంపించాలి.

అప్పుడు రిలయన్స్ జియో వాట్సాప్ బోట్ ఇందుకు సంబంధించిన ఆప్షన్లతో మెనూ సౌకర్యాన్ని కల్పిస్తుంది. అందులో రీచార్జ్ ఆప్షన్ ఎంచుకుంటే ప్లాన్స్ వివరాలు వస్తాయి. ఆ తర్వాత రీచార్జ్ చేసుకోవచ్చు. వాట్సాప్‌తో జియో అనుసంధానమై రీచార్జ్, ఇతర చెల్లింపులను వాట్సాప్ ద్వారా చేసుకునే సౌకర్యాన్ని తీసుకు వచ్చాయి.

కస్టమర్లు వాట్సాప్ ప్లాట్‌ఫాంను ఉపయోగించి ఫిర్యాదులు, ప్రశ్నలకు సమాధానాలు పొందవచ్చు. ఈ-వాలెట్లు, యూపీఐ, క్రెడిట్, డెబిట్ కార్డ్ వంటి అన్ని చెల్లింపులనూ వాట్సాప్ నుండి 70007 70007కు Hi అనే సందేశాన్ని పంపించి పలు సేవలను పొందవచ్చు. ప్రస్తుతం ఇవి ఇంగ్లీష్, హిందీ భాషల్లో అందుబాటులో ఉన్నాయి. రానున్న రోజుల్లో ఇతర భాషల్లో అందుబాటులోకి రానుంది.