How to download PAN: పాన్ కార్డ్ పోయిందా? ఆన్‌లైన్‌లో ఒరిజినల్ కాపీ ఇలా పొందొచ్చు!

How to download PAN:నేటి డిజిటల్ కాలంలో మన పర్సులో ఫిజికల్ కార్డ్ ఉంచుకోవడం కంటే మొబైల్‌లో డిజిటల్ కాపీ ఉంచుకోవడం చాలా సులభం , సురక్షితం. ముఖ్యంగా ఆదాయపు పన్ను చెల్లింపులు, బ్యాంక్ ఖాతా ప్రారంభించడం లేదా లోన్ కోసం దరఖాస్తు చేసే సమయంలో పాన్ కార్డ్ అత్యంత అవసరం. ఒకవేళ మీ ఒరిజినల్ కార్డు పోయినా లేదా మీరు ఎక్కడికైనా వెళ్ళినప్పుడు కార్డు వెంట తీసుకెళ్లడం మర్చిపోయినా, మీరు చింతించాల్సిన అవసరం లేదు. ఇప్పుడు ప్రభుత్వం మనకు e-PAN సదుపాయాన్ని కల్పించింది. దీనిని మీరు ఎప్పుడైనా, ఎక్కడి నుండైనా డౌన్‌లోడ్ చేసుకోవచ్చు. e-PAN కార్డును డౌన్‌లోడ్ చేసుకోవడానికి ప్రధానంగా మూడు పద్ధతులు ఉన్నాయి..

1. ఇన్‌కమ్ టాక్స్ ఇ-ఫైలింగ్ పోర్టల్ ద్వారా..

మీరు మీ పాన్ కార్డును ఆధార్ నంబర్ ఉపయోగించి (Instant PAN) పొంది ఉంటే, ఈ పద్ధతి మీకు చాలా సులభం.

• ముందుగా ఆదాయపు పన్ను శాఖ అధికారిక వెబ్‌సైట్ (www.incometax.gov.in) కు వెళ్ళండి.
• హోమ్ పేజీలో 'Quick Links' విభాగంలో 'Instant e-PAN' అనే ఆప్షన్ మీద క్లిక్ చేయండి.
• అక్కడ మీకు రెండు ఆప్షన్లు కనిపిస్తాయి. అందులో 'Check Status/ Download PAN' దగ్గర ఉన్న 'Continue' బటన్ నొక్కండి.
• ఇప్పుడు మీ 12 అంకెల ఆధార్ నంబర్‌ను నమోదు చేసి, సబ్మిట్ చేయండి.
• మీ ఆధార్ కార్డుకు లింక్ అయి ఉన్న మొబైల్ నంబర్‌కు ఒక OTP వస్తుంది. దానిని ఎంటర్ చేయండి.
• వెరిఫికేషన్ పూర్తయిన తర్వాత, మీ పాన్ కార్డు స్టేటస్ కనిపిస్తుంది. అక్కడే 'Download e-PAN' అనే బటన్ క్లిక్ చేసి మీ కార్డును సేవ్ చేసుకోవచ్చు.

2. NSDL (Protean) వెబ్‌సైట్ ద్వారా..

చాలా మంది పాన్ కార్డులు NSDL ద్వారా జారీ చేయబడతాయి. మీ కార్డు వెనుక NSDL అని ఉంటే ఈ పద్ధతి పాటించండి.

• NSDL అధికారిక పోర్టల్‌లోకి వెళ్లి 'Download e-PAN' సెక్షన్‌కు వెళ్ళండి.
• ఇక్కడ మీరు పాన్ నంబర్ లేదా అక్నాలెడ్జ్మెంట్ నంబర్ ద్వారా డౌన్‌లోడ్ చేసుకోవచ్చు.
• మీ పాన్ నంబర్, ఆధార్ నంబర్, పుట్టిన నెల , సంవత్సరం వివరాలను పూరించండి.
• అన్ని వివరాలు సరిచూసుకున్నాక 'Submit' నొక్కండి. అప్పుడు మీ రిజిస్టర్డ్ మొబైల్ నంబర్‌కు OTP వస్తుంది.
• ఆ OTP ఎంటర్ చేసిన తర్వాత మీరు e-PAN కార్డును PDF రూపంలో డౌన్‌లోడ్ చేసుకోవచ్చు.
• గమనిక: మీ పాన్ కార్డ్ జారీ చేసి లేదా అప్డేట్ చేసి 30 రోజులు దాటితే, డౌన్‌లోడ్ కోసం మీరు సుమారు రూ. 8.26 రుసుము చెల్లించాల్సి ఉంటుంది.

3. UTIITSL వెబ్‌సైట్ ద్వారా..

ఒకవేళ మీ కార్డు UTIITSL సంస్థ ద్వారా జారీ చేయబడితే, వారి వెబ్‌సైట్‌లోకి వెళ్లి 'PAN Card Services' మీద క్లిక్ చేయాలి. అక్కడ మీ పాన్ నంబర్ , పుట్టిన తేదీ వివరాలు ఇస్తే, మీ మొబైల్ లేదా ఈమెయిల్‌కు ఒక లింక్ వస్తుంది. ఆ లింక్ క్లిక్ చేసి మీరు కార్డును పొందవచ్చు.

ఈ-పాన్ కార్డు పాస్‌వర్డ్ ఏమిటి?

మీరు డౌన్‌లోడ్ చేసిన e-PAN ఫైల్ PDF రూపంలో ఉంటుంది , అది పాస్‌వర్డ్ ద్వారా లాక్ చేయబడి ఉంటుంది. ఈ పాస్‌వర్డ్ మరేదో కాదు, మీ పుట్టిన తేదీయే. దీనిని DDMMYYYY ఫార్మాట్‌లో ఎంటర్ చేయాలి. ఉదాహరణకు, మీ పుట్టిన తేదీ 22 ఫిబ్రవరి 1990 అయితే, మీ పాస్‌వర్డ్ '22021990' అవుతుంది. ఎటువంటి స్పేస్‌లు లేదా స్లాష్‌లు ఇవ్వకూడదని గుర్తుంచుకోండి.

ఈ డిజిటల్ కార్డు ఫిజికల్ కార్డుతో సమానంగా అన్ని చోట్లా చట్టబద్ధంగా చెల్లుబాటు అవుతుంది. కాబట్టి దీనిని ప్రింట్ తీసుకుని లామినేషన్ చేయించుకుని కూడా మీరు వాడుకోవచ్చు.