ఎస్సెమ్మెస్ ద్వారా పెట్రోల్, డీజిల్ ధరలు తెలుసుకోండి, ఇలా...

పెట్రోల్, డీజిల్ ధరలు భారీగా పెరుగుతున్నాయి. ఇటీవల మధ్యప్రదేశ్, గుజరాత్ రాష్ట్రాల్లోని కొన్ని ప్రాంతాల్లో పెట్రోల్ లీటర్ ధర రూ.100కు పైగా పెరిగింది. ఈ క్రమంలో వినియోగదారులకు ఇంధన రేట్లు ఎప్పటికప్పుడు తెలియజేయడం కోసం ఇండియన్ ఆయిల్ కార్పోరేషన్ లిమిటెడ్ ఎస్సెమ్మెస్ సేవలను అందుబాటులోకి తీసుకు వచ్చింది. ఈ సేవల ద్వారా దేశంలోని 41 ప్రాంతాల్లోని వినియోగదారులు క్షణాలలో మొబైల్ ద్వారా పెట్రోల్, డీజిల్ ధరలు తెలుసుకోవచ్చు.

అంతర్జాతీయ మార్కెట్‌కు అనుగుణంగా పెట్రోల్, డీజిల్ ధరలను ప్రతిరోజు ఉదయం 6 గంటలకు సవరిస్తారు. ఈ ధరలను కస్టమర్ ఫోన్ నెంబర్‌కు ఎస్సెమ్మెస్ సందేశం పంపించడం ద్వారా తెలుసుకోవచ్చు. 9224992249 ఫోన్ నెంబర్‌కు సందేశం పంపించడం ద్వారా ఈ ధరలు తెలుసుకోవచ్చు.

ఇండియన్ ఆయిల్ వెబ్ సైట్ నుండి డీలర్ కోడ్ తెలుసుకోవాలి. ఢిల్లీ RSP 102072, ముంబై RSP 108412, విశాఖపట్నం RSP 127290, విజయవాడ RSP 127611, హైదరాబాద్ RSP 134483 కోడ్ నెంబర్స్. ఈ కోడ్ నెంబర్ టైప్ చేసి 9224992249కు ఎస్సెమ్మెస్ చేయాలి. మీ మొబైల్ నెంబర్‌కు ఎస్సెమ్మెస్ రూపంలో పెట్రోల్, డీజిల్ ధరలు వస్తాయి.