సేఫ్‌సైడ్: నెట్ బ్యాంకింగ్ యాక్సెస్ లాక్-అన్‌లాక్ ఎలాగో తెలుసుకోండి?

నెట్ బ్యాకింగ్ సేవల ప్రయోజనం

బ్యాంకులు సాధారణంగా ఉదయం గం.9 లేదా గం.10 నుంచి సాయంత్రం నాలుగైదు గంటల వరకు మాత్రమే ఉంటాయి. నెట్ బ్యాంకింగ్ వల్ల మనకు ఎన్నో ప్రయోజనాలున్నాయి. 24x7 ఈ సేవలు అందుబాటులో ఉంటాయి. అలాగే, దగ్గరలోని బ్యాంకులను విజిట్ చేసే అవసరం లేకుండా సమయాన్ని ఆదా చేస్తోంది. ఏ ఫైనాన్షియల్ ఉత్పత్తులను అయినా సులభంగా కొనుగోలు చేయవచ్చు. మ్యుచువల్ ఫండ్స్ ఐనా, ఇన్సురెన్స్ ఐనా.. మరే ఇతర ఫైనాన్షియల్ ఉత్పత్తులను ఐనా పర్చేజ్ చేయవచ్చు. నెట్ బ్యాంకింగ్ ద్వారా మనకు నచ్చిన ఇతర ఆఫర్లు ఏమైనా ఉంటే తెలుసుకునే సౌకర్యం ఉంది. బ్యాంక్ వెబ్ సైట్ లేదా యాప్ ద్వారా కూడా చేయవచ్చు.

ఆన్‌లైన్ మోసాలకు SBI 'లాక్' చెక్

అదే సమయంలో నెట్ బ్యాంకింగ్ రిస్క్‌లెస్ అని చెప్పలేం. అప్రమత్తంగా ఉంటే తప్ప ఇది రిస్క్‌తో కూడుకున్నదే. సైబర్ క్రిమినల్స్ ఎప్పటికి అప్పుడు తెలివి మీరుతున్నారు. కస్టమర్లను లక్ష్యంగా చేసుకొని, ఆన్ లైన్ మోసాలకు పాల్పడేవారి సంఖ్య రోజురోజుకు పెరుగుతోంది. ఈ నేపథ్యంలో స్టేట్ బ్యాంక్ ఆఫ్ ఇండియా (SBI) తమ కస్టమర్లు తమ నెట్ బ్యాంకింగ్ యాక్సెస్‌ను లాక్ చేయగల ఫీచర్‌ను ఇంట్రొడ్యూస్ చేసింది.

SBI నెట్ బ్యాంకింగ్‌ను లాక్ -అన్‌లాక్ ఎలా?

- కస్టమర్లు తమ SBI నెట్ బ్యాంకింగ్‌ను లాకింగ్ లేదా అన్-లాకింగ్ చేసుకోవచ్చు.

- https://www.onlinesbi.com/ వెబ్ సైట్‌కు వెళ్లాలి.

- PERSONAL BANKINGలోని Lock & Unlock user ను ఎంచుకోవాలి.

- అప్పుడు ఓ కొత్త విండో ఓపెన్ అవుతుంది.

- Select Lock or Unlock User Access ఆప్షన్‌ను ఎంచుకోవాలి.

- ఆ తర్వాత మీ వివరాలు ఫిల్ చేయాలి. ఇంటర్నెట్ బ్యాంకింగ్ యూజర్ నేమ్, అకౌంట్ నెంబర్, కాప్చా అడుగుతుంది.

- సబ్‌మిట్ చేసిన అనంతరం కొత్త పాపప్ వస్తుంది.

- అక్కడ కొన్ని ఆప్షన్స్ ఉంటాయి.

ఇంటర్నెట్ బ్యాంకింగ్ యాక్సెస్ లాక్

- మీ ఖాతాలోకి అనధికార యాక్సెస్ లేదా ట్రాన్సాక్షన్స్ ఉన్నట్లుగా కనిపిస్తే మీరు ఇంటర్నెట్ యాక్సెస్‌ను లాక్ చేసుకోవచ్చు.

- యూజర్ లేదా కస్టమర్ సెట్ చేసిన షెడ్యూల్డ్ ట్రాన్సాక్షన్స్, స్టాండింగ్ ట్రాన్సాక్షన్లు ఏమైనా ఉంటే యాక్టివ్‌గానే ఉంటాయి. యథావిథిగా కొనసాగుతాయి. ఈ ప్రాసెస్‌లో ఎలాంటి మార్పు ఉండదు.

- కస్టమర్ OK పైన క్లిక్ చేస్తే మీ రిజిస్టర్డ్ మొబైల్ నెంబర్‌కు ఓటీపీ వస్తుంది. మీకు వచ్చిన ఓటీపీని ఎంటర్ చేసి, ఓకే చేస్తే ఇంటర్నెట్ యాక్సెస్ లాక్ చేయబడుతుంది. ఇంటర్నెట్ బ్యాంకింగ్ యాక్సెస్ లాక్ చేయబడుతుంది.