సీనియర్ సిటిజన్లు... ఈ పెన్షన్ ప్లాన్ తీసుకున్నారా..
సీనియర్ సిటిజన్లు మీకు ఈ పెన్షన్ ప్లాన్ గురించి తెలుసా? ప్రధాన మంత్రి వయ వందన యోజన (పీఎంవీవీవై) అనే పెన్షన్ ప్లాన్ మీ లాంటి వారి కోసం ప్రభుత్వం అందుబాటులోకి తెచ్చింది. ఈ పథకాన్ని భారతీయ జీవిత బీమా సంస్థ (ఎల్ఐసి) నిర్వహిస్తోంది. దీని ద్వారా హామీపూర్వక రిటర్న్ లభిస్తుంది. ఈ ప్లాన్ ద్వారా నెలవారీగా లేదా మూడు నెలలకు ఒకసారి లేదా ఆరు నెలలకు ఒకసారి పెన్షన్ ను పొందవచ్చు. ఇది ఎంతో ప్రయోజనాన్ని కల్పించే పింఛన్ పథకంగా చెప్పవచ్చు.
రూ.17,636 కోట్లు పెరిగిన ఇన్ఫోసిస్ మార్కెట్ విలువ
ఎవరు ఈ పథకంలో చేరవచ్చంటే...
- కనీస వయసు 60 ఏళ్ళు నిండిన స్త్రీ, పురుషులు ఏ ప్లాన్ ను కొనుగోలు చేయవచ్చు.
- గరిష్ట వయసు విషయంలో ఎలాంటి పరిమితి లేదు
- పాలసీ కాలపరిమితి 10 సంవత్సరాలు. పదేళ్ల పాటు పెన్షన్ ను చెల్లిస్తారు.
కాలపరిమితి
* 2020 మార్చి 31 వరకు ఈ పథకంలో చేరవచ్చు.
* ఎల్ఐసి కార్యాలయాన్ని సంప్రదించి లేదా ఎల్ఐసి వెబ్ సైట్ లోకి లాగ్ఇన్ అయి ఆన్ లైన్ ద్వారా కొనుగోలు చేయవచ్చు.
* పాలసీ నియమ నిభందనలు నచ్చనట్టయితే పాలసీ కొనుగోలు చేసిన 15 రోజుల తర్వాత వెనక్కి ఇవ్వవచ్చు. ఆన్ లైన్ ద్వారా కొనుగోలు చేస్తే 30 రోజుల గడువు ఉంటుంది.
ఎంత మొత్తం?
* ఈ పథకంలో గరిష్టంగా రూ. 15 లక్షల వరకు పెట్టుబడి పెట్టవచ్చు. భార్య భర్తలు వేర్వేరుగా ఇంత మొత్తానికి పెట్టుబడి పెట్టే అవకాశం ఉంది.
* ఇందులో నెలకు కనీసం రూ.1,000 పెన్షన్ పొందాలనుకుంటే కనీసం రూ. 1.5 లక్షల పెట్టుబడి పెట్టాల్సి ఉంటుంది.
* ఈ స్కీం లో కనీస పెన్షన్ నెలకు రూ . 1,000. నెలవారీ పెన్షన్ రూ. 10,000 వరకు కూడా ఉంటుంది. ఇది పాలసీని కొనుగోలు చేసిన మొత్తం పై ఆధారపడి ఉంటుంది.
* నెలవారీగా రూ.1,000 పెన్షన్ పొందాలనుకుంటే కనీస పెట్టుబడి మొత్తం రూ.1,50,000 ఉండాలి. గరిష్టంగా వచ్చే పెన్షన్ నెలవారీగా రూ.10,000 అందుకోవాలంటే పెట్టుబడి రూ. 15,00,000 ఉండాలి.
* వార్షికంగా రూ. 12,000 కనీస పెన్షన్ అందుకోవాలంటే రూ. 1,44,578, గరిష్టంగా రూ. 1,20,000 అందుకోవాలంటే రూ. 14,45,784 పెట్టుబడి పెట్టాల్సి ఉంటుంది.
* మూడు నెలలకు పెన్షన్ రూ. 3,000, ఆరు నెలలకు రూ. 6,000 ఉంటుంది.
ఎంత రిటర్న్ వస్తుంది?
* పీఎంవీవీవై కింద 8 శాతం రిటర్న్ అందడానికి అవకాశం ఉంటుంది. నెలవారీ పెన్షన్ స్కీం కు దరఖాస్తు చేరితే 8 శాతం వార్షిక రిటర్న్ అందుతుంది.
* పాలసీ కొనుగోలు చేసిన పదేళ్లకు ఎంత ప్రీమియంకు కొనుగోలు చేసామో ఆ మొత్తం చెల్లిస్తారు. అంతే కాకుండా పెన్షన్ చివరి వాయిదాను పొందుతారు.
* ఒకవేళ పాలసీ దారు పదేళ్ల లోపు మరణిస్తే పాలసీ కొనుగోలు మొత్తాన్ని నామినీకి చెల్లిస్తారు.
* ఈ పెన్షన్ ప్లాన్ లో ఎలాంటి వస్తుసేవల పన్ను లేదా సర్వీస్ ఛార్జ్ ఉండదు.
* ఈ ప్లాన్ ద్వారా వచ్చే రిటర్న్ పై పన్ను చెల్లించాల్సి ఉంటుంది.
రుణం పొందవచ్చు
* ఈ ప్లాన్ ను కొనుగోలు చేసిన వారు అవసరమైతే రుణాన్ని కూడా తీసుకునే అవకాశం ఉంటుంది. అయితే ఇందుకు మూడేళ్ళ కాలపరిమితి దాటాలి. పాలసీ కొనుగోలు అసలు మొత్తంలో 75 శాతాన్ని రుణం గా పొందవచ్చు.
* తీవ్రమైన అనారోగ్యానికి గురై పాలసీని సరెండర్ చేస్తే పాలసీ కొనుగోలు కోసం చెల్లించిన మొత్తంలో 98 శాతం వెనక్కి తీసుకోవచ్చు.
* మరింత సమాచారం కోసం ఎల్ఐసి వెబ్ సైట్ లేదా కార్యాలయాన్ని సంప్రదించవచ్చు.