ఇది మీకు తెలుసా?: ఏటీఎం కార్డుతో ఇన్సురెన్స్

ఏంటీఎం కార్డుతో బీమా కవర్ పొందవచ్చుననే విషయం మీకు తెలుసా? రూ.50వేల నుంచి రూ.10 లక్షల వరకు బీమా ఉంటుంది. ఏటీఎం కార్డుతో డబ్బులు విత్ డ్రా చేయడమే కాకుండా ఆన్ లైన్ షాపింగ్ సహా ఎన్నింటికో ఉపయోగపడుతుంది. అదే విధంగా బీమా సౌకర్యం కూడా అందిస్తోంది. పలు బ్యాంకులు ఏటీఎం కార్డుతో ఈ సౌకర్యం అందిస్తున్నాయి.

బ్యాంకులు అందించే బీమా కవర్.. కార్డు రకం, ప్రమాద తీవ్రతపై ఆధారపడి ఉంది. ఒక్కో బ్యాంకుకు ఒక్కో రకమైన నిబంధన ఉంది. కొన్ని ఏటీఎం కార్డులకు ఆటోమేటిక్‌గా ఈ ఆప్షన్ ఉంటే, మరికొన్నింటికి ఎంచుోకవాలి. అయితే కార్డు గత మూడు నెలల నుంచి యాక్టివ్‌గా ఉండాలి. మీ ఖాతా చాలా రోజులుగా యాక్టివ్‌గా లేకుంటే బీమా కవర్ సదుపాయం ఉండదు. చాలామందికి ఏటీఎం కార్డుతో బీమా కవర్ ఉంటుందనే విషయం తెలియదు.

మీ ఏటీఎం కార్డుకు బీమా కవర్ ఉందో లేదో బ్యాంకు అధికారులను అడిగి తెలుసుకోవాలి. కొంతమంది బీమా పాలసీల కోసం డబ్బు చెల్లించేందుకు ఆసక్తి చూపించరు. కానీ ఏటీఎం కార్డుతో వచ్చే బీమా ఉపయోగకరంగా ఉంటుంది.