ఆధార్ కార్డు పోయిందా, రీప్రింట్ ఇలా ఆర్డర్ చేయండి

ఆధార్ ప్రోగ్రాం కింద UIDAI 12 అంకెలు కలిగిన ఆధార్ కార్డును ఇస్తోంది. ఆధార్ కార్డు‌ను అప్ డేట్ చేసుకునే వెసులుబాటు కూడా ఉంది. మీ ఆధార్ కార్డు పోయిన సందర్భాలలో లేదా అప్ డేట్ అయిన సందర్భాలలో కొత్త ఆధార్ కార్డును పొందవచ్చు. దీనికి రూ.50 వసూలు చేస్తారు. జీఎస్టీ, స్పీడ్ పోస్ట్ ఛార్జీలు కలిపి దీనిని వసూలు చేస్తారు. అంటే మీరు మీ మరో ఆధార్ resident.uidai.gov.in/aadhaar-reprint ద్వారా కోరవచ్చు.

మరో ఆధార్ కార్డు కోసం మీరు ఇలా అప్లై చేసుకోవాలి. https://resident.uidai.gov.in/aadhaar-reprint లోకి వెళ్లాలి. పైన నోట్, వాలిడేషన్ ఆఫ్ ఓటీపీ వివరాలు కనిపిస్తాయి. దానికి కిందభాగాన పర్సనల్ డిటెయిల్స్ అని అడుగుతుంది. ఆధార్ మరో కాపీ కోసం ఆధార్ నెంబర్ లేదా వర్చువల్ ఐడెంటిఫికేషన్ నెంబర్ (వీఐడీ) అవసరం. ఆధార్ నెంబర్ లేదా వీఐడీ నెంబర్ ఇచ్చాక అక్కడ ఇచ్చిన సెక్యూరిటీ కోడ్ టైప్ చేయాలి. సెండ్ ఓటీపీ అని క్లిక్ చేయాలి. ఆ తర్వాత మీ రిజిస్టర్డ్ మొబైల్ నెంబర్‌కు ఓటీపీ వస్తుంది.

కుడివైపు భాగాన ఎంటర్ ఓటీపీ అని ఉంటుంది. మీ రిజిస్టర్డ్ మొబైల్‌కు వచ్చిన ఓటీని అక్కడ టైప్ చేయాలి. ఆ తర్వాత మీ వివరాలతో కూడిన ఆధార్ కార్డు కనిపిస్తుంది. కింది భాగాన Make Payment మరియు Cancel అని ఉంటుంది. మీరు మరో ఆధార్ కార్డును కోరుతున్నారు కాబట్టి మేక్ పేమెంట్‌ను క్లిక్ చేయాలి. ఆ తర్వాత మీరు ఎలా పేమెంట్ చేయాలనుకుంటున్నారో దాని వివరాలు అడుగుతుంది. అవి పూర్తి చేశాక pay now అని ఉంటుంది. ఆ మొత్తం పే చేయాలి.