ఉద్యోగం మారుతున్నారా అయితే పీఎఫ్ అమౌంట్ ఎలా?

పీఎఫ్ కొనసాగించడమే మేలు

సాధారణంగా ఉద్యోగాలు చేసే వారు ఇన్‌కమ్ ట్యాక్స్‌ను తప్పించుకునేందుకు గాను రుణం తీసుకుంటుంటారు. మీకు అలాంటి రుణాలు ఏమైనా ఉంటే ముందుగా వాటిని తీర్చేయాలి. దీంతో పాటు 13 శాతం వడ్డీతో వ్యక్తిగత రుణం ఉంటే వెంటనే ఆ రుణాన్ని కూడా తీర్చేయండి.

ఇంటి రుణంపై చెల్లించే వడ్డీ

ఇక ఇంటి రుణంపై చెల్లించే వడ్డీ దాదాపు 10 శాతం కంటే ప్రావిడెండ్ ఫండ్ నిల్వపై వచ్చే వడ్డీ 8.7 శాతం తక్కువ. కాబట్టి ఆదాయపు పన్ను చెల్లించే వారు ఈ రుణాన్ని తీర్చకుండా పదవీ విరమణ తర్వాత ప్రావిడెండ్ ఫండ్‌ను కొనసాగించడం మంచిది.

వయసు పైబడిన వారు

ముఖ్యంగా వయసు పైబడిన వారు చేయాల్సిన పని. మీ పీఎఫ్ నగదుని మ్యూచువల్ ఫండ్స్‌లోని బాండ్ పథకాల్లో మదుపు చేస్తే మంచిది. వీటి నుంచి ప్రతినెలా కొంత మొత్తం ఈక్విటీ ఫండ్లలోకి ఎస్‌టీపీ ద్వారా మళ్లించండి. ఇలా చేయడం వల్ల ప్రావిడెంట్ ఫండ్‌లో వచ్చే 8.7 శాతం రాబడి కంటే దీర్గకాలంలో ఈక్విటీ మ్యూచవల్ ఫండ్‌లో ఎక్కువ రాబడి పొందే వీలుంది.

కొత్తగా వ్యాపారం

కొత్తగా వ్యాపారం ప్రారంభించడానికి బదులు మంచి ఉద్యోగం దొరికే అవకాశం ఉంటే మాత్రం పీఎఫ్‌ సొమ్మును ఈక్విటీలో మదుపు చేయండి. కాదు వ్యాపారమే చేయాలనుకుంటే మాత్రం పీఎఫ్ సొమ్మును సురక్షిత పథకాల్లో ఉంచుకొని అవసరానికి వ్యాపారంలో వినియోగించుకునేలా చేసుకోండి.