ఎస్‌బీఐ ఖాతాను ఆన్‌లైన్‌లో ఒక శాఖ నుంచి మ‌రో శాఖ‌కు మార్చుకోవ‌డమెలా?

1. కాగిత ర‌హితంగా

ఇదివ‌ర‌కూ ఎస్బీఐ శాఖ‌ల్లో ఖాతా బ‌దిలీ అవాలంటే బ్రాంచి మేనేజర్‌ను అభ్య‌ర్థిస్తూ లేఖ ఇవ్వాల్సి వ‌చ్చేది. ఇక‌పై స్టేట్ బ్యాంకులో ఉన్న ఖాతాను టెక్నాల‌జీ తెలిసిన వారంతా ఆన్లైన్‌లో ఒక శాఖ నుంచి మ‌రో శాఖ‌కు బ‌దిలీ చేసుకోవ‌చ్చు. దీని ప్ర‌కారం ఎటువంటి ఖ‌ర్చే లేకుండా వారం రోజుల లోపు ఖాతా బ‌దిలీ పూర్త‌వుతుంది.

2. బ‌దిలీ విధానం

మొద‌ట www.onlinesbi.com వీక్షించండి

అందులో ప‌ర్స‌న‌ల్ బ్యాకింగ్‌ను ఎంచుకుని లాగిన్ వివ‌రాల‌ను న‌మోదు చేయండి

నెట్ బ్యాంకింగ్‌లో లాగిన్ అయిన త‌ర్వాత ఈ-స‌ర్వీసెస్ ఎంచుకోండి

అక్క‌డ అందుబాటులో ఉన్న సేవ‌ల్లో ట్రాన్స్‌ఫ‌ర్ ఆఫ్ సేవింగ్స్ అకౌంట్స్‌పై నొక్కండి.

ఇప్పుడు మీ ఖాతా నంబ‌రు, బ్రాంచీ వివ‌రాలు వంటివి ప్ర‌త్య‌క్ష‌మ‌వుతాయి.

3. శాఖ కోడ్‌

ఒక‌వేళ ఒక‌టి కంటే ఎక్కువ ఖాతాలున్నా ఆ వివ‌రాల‌న్నీ మీ ముందుంటాయి.

ఏ అకౌంట్‌ను వేరే బ్రాంచీకి మార్చాల‌నుకుంటున్నారో అక్క‌డ కొత్త‌ బ్రాంచీ కోడ్ ఎంట‌ర్ చేయండి.

కోడ్ ఆధారంగా బ్రాంచీ పేరు ప్ర‌త్య‌క్ష‌మ‌వుతుంది.

క‌న్‌ఫ‌ర్మ్ బ‌ట‌న్‌పై నొక్కితే, మీ న‌మోదిత మొబైల్ నంబ‌రుకు ఓటీపీ వ‌స్తుంది.

త‌ర్వాతి పేజీలో ఓటీపీ ఎంట‌ర్ చేసి క‌న్‌ఫ‌ర్మ్ నొక్కండి. అక్క‌డ తెర‌పై వ‌చ్చే సందేశంలో మీ బ్రాంచీ ట్రాన్స్‌ఫ‌ర్ అభ్యర్థ‌న విజ‌యవంతం అయిన‌ట్లు తెలుస్తుంది.

4. ప్రాసెస్ మొద‌లుపెట్టేముందు

పొదుపు ఖాతాల్లో మొబైల్ నంబ‌రు రిజిస్ట‌ర్ అయి ఉంటేనే ఖాతా బ‌దిలీ సాధ్య‌మ‌వుతుంది.

ఖాతా బ‌దిలీ ఆన్‌లైన్‌లో చేయాలంటే మీకు క‌చ్చితంగా నెట్ బ్యాంకింగ్ సౌక‌ర్యం ఉండాలి.

కేవైసీ వివ‌రాల వెరిఫికేష‌న్ కాని, ఇన్ఆప‌రేటివ్ ఖాతాల‌కు ఇది సాధ్య‌ప‌డ‌దు.

బ్రాంచీ కోడ్‌ను మొద‌టే సిద్దంగా ఉంచుకోవాలి.

ఇది తెలియ‌క‌పోతే https://www.sbi.co.in/corporate/branchlocator.htm. తెలుసుకోవచ్చు.

ప్ర‌ధాన మంత్రి ముద్రా యోజ‌న ద్వారా రూ.10 ల‌క్ష‌ల వ‌ర‌కూ రుణం

5. కొత్త ఐఎఫ్ఎస్‌సీ కోడ్

ఖాతా బ‌దిలీ అవాలంటే దాదాపు వారం రోజులు ప‌డుతుంది.

ఒక‌వేళ మ్యూచువ‌ల్ ఫండ్ సంస్థ‌ల‌కు,ఆదాయ‌పు ప‌న్ను శాఖ‌కు బ‌దిలీ చేస్తున్న ఖాతా వివ‌రాలు, ఐఎఫ్ఎస్‌సీ కోడ్ ఇచ్చి ఉంటే అక్క‌డ కొత్త ఐఎఫ్ఎస్‌సీ కోడ్‌ను అప్‌డేట్ చేయ‌డం మ‌ర‌వ‌కండి.

ఈసీఎస్‌, స్టాండింగ్ ఇన్‌స్ట్ర‌క్ష‌న్ విష‌యంలో సైతం కొత్త కోడ్‌ను మార్చాల్సి ఉంటుంది. ఇంటి వ‌ద్దే కూర్చొని ఆన్‌లైన్ ద్వారా డ‌బ్బు సంపాదించే 10 ఉత్త‌మ మార్గాలు

ఎస్‌బీఐ ఫ్లెక్సీ హం లోన్- త‌క్కువ జీతం ఉన్న వారి కోసం

బిట్ కాయిన్స్ గురించి త‌ప్ప‌క తెలుసుకోవాల్సిన 10 ముఖ్య విషయాలు