ఆధార్‌ను డ్రైవింగ్ లైసెన్స్‌తో అనుసంధానం చేయ‌డం ఎలా.?

ప్ర‌భుత్వం త్వ‌ర‌లో డ్రైవింగ్ లైసెన్స్‌తో ఆధార్ సంఖ్య‌ను అనుసంధానించ‌డం చేస్తుంద‌ని కేంద్ర న్యాయ శాఖా మంత్రి ర‌విశంక‌ర్ ప్ర‌సాద్ చెప్పారు. అందుకోసం ర‌వాణా శాఖా మంత్రి నితిన్ గ‌డ్క‌రీతో చ‌ర్చ‌లు జ‌రుపుతాన‌ని అన్నారు.

త్వ‌ర‌లో ఈ విధానాన్ని ప్ర‌వేశ‌పెట్ట‌నున్నారు. కాబ‌ట్టి ఆధార్ డ్రైవింగ్ అనుసంధానం సైతం త‌ప్ప‌నిస‌రి కాబోతున్న‌ది. ఈ నేప‌థ్యంలో ఈ అనుసంధానం ఎలా చేయాలో తెలుసుసుకుందాం.

Aadhaar driving licence link

ఆధార్‌తో డ్రైవింగ్ లైసెన్స్ అనుసంధానించ‌డం ఎలా?

అన్ని రాష్ట్ర ప్ర‌భుత్వాల ర‌వాణా శాఖ వెబ్‌సైట్ల‌లో ఆధార్ లింకింగ్ సేవ‌ను అందుబాటులో ఉంచారు.

• మొద‌ట ర‌వాణా శాఖ వెబ్‌సైట్లోకి వెళ్లండి.
• ఆధార్ నంబ‌రు ఎంట్రీని ఎంచుకోండి.
• సెర్చ్ ఎలిమెంట్ ద‌గ్గ‌ర రిజిస్ట్రేష‌న్ నంబ‌రు లేదా లైసెన్స్ ఎంచుకోవాలి.
• మీ రిజిస్ట్రేష‌న్ లేదా లైసెన్స్ నంబ‌రు ఎంచుకోవాలి.
• గెట్ డిటైల్స్ అనే ఐకాన్‌పై క్లిక్‌చేసి, వ‌చ్చిన వాహ‌న వివ‌రాలు చూసుకోవాలి.
• త‌ర్వాత మొబైల్ నంబ‌రు, ఆధార్ నంబ‌రు కాల‌మ్ క‌నిపిస్తుంది.
• 12 అంకెల ఆధార్ నంబ‌రు, ఫోన్ నంబ‌రు ఎంట‌ర్ చేయాలి
• స‌బ్‌మిట్ నొక్కగానే క‌న్ఫ‌ర్మేష‌న్ మెసేజ్ మీ మొబైల్‌లో ప్ర‌త్య‌క్ష‌మ‌వుతుంది.

దీన్ని ద‌శ‌ల‌వారీ అనుస‌రిస్తే మీరు ఆధార్ నంబ‌రును, డ్రైవింగ్ లైసెన్స్‌తో లింక్ చేయ‌వ‌చ్చు.
అయితే రాష్ట్ర అధికారిక ర‌వాణా వెబ్‌సైట్ను తెరిచి అక్క‌డే ఈ ప‌ని పూర్తిచేయాలి.