గుండె ర‌క్ష‌ణ కోసం, క్యాన్స‌ర్ నుంచి ర‌క్ష‌ణ కోసం కొత్త పాల‌సీ

ఐసిఐసిఐ ప్రుడెన్షియల్‌ లైఫ్‌... హార్ట్‌/కేన్సర్‌ ప్రొటెక్ట్‌ పేరుతో కొత్త పథకాన్ని ప్ర‌వేశ‌పెట్టింది. పాలసీదారునికి ఒకవేళ గుండె/కేన్సర్‌ సంబంధిత వ్యాధులు ఉన్నట్లు వెల్లడైతే దానిక‌య్యే ఖ‌ర్చుల కోసం బీమా క‌వరేజీ నుంచి కొంత మొత్తాన్ని చెల్లిస్తారు.

అంతేకాకుండా చికిత్సకు సంబంధించి చెల్లింపులు చేపట్టిన తర్వాత ఎలాంటి భవిష్యత్‌ ప్రీమియంల‌ను పాలసీదారు చెల్లించకపోయినప్పటికీ పాలసీ యథాతథంగా కొనసాగుతుంది. పాలసీదారులు ఈ రెండు కవరేజీలలో ఏదో ఒక దానిని లేదా రెండింటినీ ఎంచుకోవచ్చు. 20 లక్షల రూపాయల కేన్సర్‌ కవరేజీ లేదా 10 లక్షల రూపాయల హార్ట్‌ కవరేజీకి ప్రతి నెల 100 రూపాయలు చెల్లించితే సరిపోతుంది. వినియోగదారులు ఏటా తమ కవరేజీ మొత్తాన్ని పెంచుకునే విధంగా హార్ట్‌/కేన్సర్‌ ప్రొడక్ట్‌ను ఐసిఐసిఐ ప్రుడెన్షియల్‌ తీసుకువచ్చింది. గుండె, కేన్సర్‌ వ్యాధుల చికిత్సలకు సంబంధించిన భారం వినియోగదారుడిపై పడకుండా ఐసిఐసిఐ ప్రుడెన్షియల్ ఈ ర‌క‌మైన పాల‌సీని రూపొందించింది.