ఐఎంపీఎస్ పేమెంట్ అంటే ఏమిటి?

ఒక‌ప్పుడు డ‌బ్బు పంపాలంటే రోజుల స‌మ‌యం ప‌ట్టేది. సాంకేతిక అభివృద్ది కార‌ణంగా ఇప్పుడంతా క్ష‌ణాల్లో జ‌రుతుతోంది. ఇంకా చాలా మందికి ఆన్‌లైన్ పేమెంట్ చేసేందుకు ఉన్న ఉత్త‌మ మార్గాల గురించి తెలియ‌దు. మీరు ల‌బ్దిదారుల‌కు స‌త్వ‌ర‌మే డ‌బ్బులు పంపాల‌నుకున్నారు. బ్యాంకుకు వెళ్ల‌లేని ప‌రిస్థితి. మీకు మొబైల్‌,ఇంట‌ర్నెట్ ఉంటే చాలు. ఐఎమ్‌పీఎస్ ద్వారా చాలా త్వ‌ర‌గా ఆన్‌లైన్ ట్రాన్స్‌ఫ‌ర్ చేయ‌వ‌చ్చు. దాని గురించి ఇక్క‌డ తెలుసుకుందాం.

imps for fund transfer

నెఫ్ట్‌, ఆర్‌టీజీఎస్ లా కాకుండా దీని ద్వారా డ‌బ్బుల‌ను వెంట‌నే పంపుకోవ‌చ్చు. అవ‌త‌లి వ్య‌క్తుల అకౌంట్ నంబ‌ర్, ఐఎఫ్ఎస్‌సీ కోడ్ లేదా ఎంఎంఐడీ ల‌ను ఎంట‌ర్ చేసి దీని ద్వారా వెంట‌నే డ‌బ్బులు పంపుకోవ‌చ్చు. అవ‌త‌లి వ్య‌క్తుల‌కు నిమిషం లోపే డ‌బ్బులు చేరిపోతాయి. అయితే దీని ద్వారా రోజుకు రూ.2 ల‌క్ష‌ల వ‌ర‌కు మాత్ర‌మే పంపుకునే వీలుంది. ప‌రిమితి దాటితే మ‌రొక రోజు వ‌ర‌కు ఆగాలి. నెఫ్ట్‌, ఆర్‌టీజీఎస్ లా కాకుండా రోజులో ఎప్పుడైనా పంపుకోవ‌చ్చు. అయితే ఒక్కో లావాదేవీకి రూ.5 రుసుము విధిస్తారు. మొబైల్ బ్యాంకింగ్‌, ఎన్‌యూయూపీ వంటి సేవ‌ల‌ను వాడేవారికి ఐఎంపీఎస్ ఉప‌యుక్తంగా ఉంటుంది. దీని వ‌ల్ల బెనిఫిషియ‌రీలను యాడ్ చేసుకోవాల్సిన ప‌ని లేదు. వెంట‌నే ఎవ‌రికి కావాలంటే వారికి న‌గ‌దు బ‌దిలీ చేయ‌వ‌చ్చు.