యునిఫైడ్ పేమెంట్ ఇంట‌ర్‌ఫేస్ అంటే ఏమిటి?

యూనిఫైడ్‌ పేమెంట్‌ ఇంటర్‌ఫేస్‌... మన బ్యాంకు ఖాతాకు సంబంధించి పెద్ద వివరాలు లాంటివేమీ నమోదు చేయాల్సిన అవసరం లేకుండా చిటికెలో మన స్మార్ట్‌ ఫోన్‌ నుంచి ఎవరికైనా, ఏ ఇతర ఖాతాలకైనా నగదు పంపే సదుపాయం. ఇది ప్ర‌త్యేక స‌మ‌యాలు ఏమీ లేకుండా ఎప్పుడైనా త‌క్ష‌ణ న‌గ‌దు బ‌దిలీకి ఆస్కారం క‌ల్పిస్తుంది.

unified payment interface

గూగుల్‌ ప్లేస్టోర్‌లోకి వెళ్లి ఆయా బ్యాంకులు అందిస్తున్న ఐమొబైల్‌/పాకెట్స్‌ను డౌన్‌లోడ్‌ చేసుకుని అందులో మనకంటూ సొంత వర్చువల్‌ పేమెంట్‌ అడ్రస్‌ (వీపీఏ)ను ఏర్పాటు చేసుకోవాలి. దాన్ని మనం నగదు పంపాలనుకున్న బ్యాంకు ఖాతా నంబరుకు అనుసంధానం చేస్తే చాలు ఇట్టే నగదును బదలాయించే అవకాశం వీలుంటుంది. ఎవ‌రికైనా డ‌బ్బు పంపాల‌న్నా వారి వ‌ర్చువ‌ల్ పేమెంట్ అడ్ర‌స్ తెలిస్తే చాలు. క్ష‌ణాల్లో వారికి న‌గ‌దు బ‌దిలీని చేయ‌వ‌చ్చు.దీన్ని ఆర్‌బీఐ నేతృత్వంలో ప‌నిచేసే ఎన్‌పీసీఐ(నేష‌న‌ల్ పేమెంట్స్ కార్పొరేష‌న్‌) వారు త‌యారు చేశారు క‌నుక భ‌ద్ర‌త‌కు భ‌రోసా ఉంటుంది.