క్యాష్ బ్యాక్ ప్లాన్ ప్రత్యేకలు

నిర్దిష్ట కాలపరిమితిలో క్రమం తప్పని రాబడులు అందిస్తూ బీమాదారుల ఆర్థిక లక్ష్యాలకు చేయూత అందించడం. పరిమిత కాలంలో చెల్లింపులు చేస్తూ దీర్ఘకాలానికి పెట్టుబడి ప్రయోజనాలు అందించడం. చెల్లిస్తున్న ప్రీమియంలు, అందుకుంటున్న ప్రయోజనాలు అన్నింటికీ పన్ను రాయితీలు అందించడం.

క్యాష్ బ్యాక్ ప్లాన్‌ ప్రధాన లక్షణం

పరిమిత కాల చెల్లింపులకే ప్లాన్‌ అమలు కోసం ఎంచుకున్న కాలపరిమితి మొత్తంలో నిర్దిష్ట విరామాల్లో కొంత సొమ్ము పాలసీదారులకు అందిస్తూ ఉండడం క్యాష్‌ బ్యాక్‌ ప్లాన్ల ప్రధాన లక్షణం. అంటే పాలసీదారుని సంపాదన సమయంలో ప్రీమియంల చెల్లింపునకు అవకాశం కల్పిస్తూ పాలసీ అమలులో ఉండే కాలపరిమితి అంతటా చెల్లింపులను విస్తరిస్తాయి.

అవసరాలకు పనికొస్తాయా?

ప్రతీ ఒక్కరికీ జీవితంలో చిన్నవి లేదా పెద్దవి లక్ష్యాలు కొన్ని ఉంటాయి. పాలసీదారుని వయసు, కుటుంబ ఆర్థిక స్థితి, భవిష్యత్‌ ఆధారంగా జీవితంలో కొన్ని మైలురాళ్లను నిర్దేశించుకుంటారు. జీవితంలో దీర్ఘకాలిక ప్రణాళికలతోపాటు స్వల్పకాలక ప్రణాళికలు కూడా ఎంతో ముఖ్యం. ఈ ప్రణాళికలకు మనకి ఆయా సమయాల్లో డబ్బు అవసరం అవుతుంది. ఇలాంటి సమయంలో క్యాష్‌ బ్యాక్‌ ప్లాన్స్ ఉపయోగపడతాయి.

పన్ను మినహాయింపు ఉంటుందా?

ప్రస్తుతం మార్కెట్లో ఉన్న క్యాష్ బ్యాక్ ప్లాన్స్ ఎక్కువగా ఆదాయపు పన్ను చట్టం 1961 పరిధిలోకి వస్తాయి గనుక సెక్షన్‌ 80 (సి) కింద ఈ పాలసీలపై చెల్లించే ప్రీమియంకు ఏడాదికి లక్షన్నర రూపాయల వరకు నూరు శాతం పన్ను మినహాయింపు ఉంటుంది. అలాగే మెచ్యూరిటీ ప్రయోజనాలపై కూడా పూర్తి స్థాయిలో పన్ను మినహాయింపు ఉంటుంది.