దిగుమతి ద్రవ్యోల్బణం అంటే ఏమిటి?

సాధారణంగా భారత ఆర్థిక వ్యవస్థలో ద్రవ్యోల్బణం అంటే అందరికీ తెలిసే ఉంటుంది. అయితే దిగుమతి ద్రవ్యోల్బణం మాత్రం అంతగా తెలిసి ఉండకపోవచ్చు. దిగుమతి ద్రవ్యోల్బణం కూడా ద్రవ్యోల్బణంపై ప్రభావితం చూపుతుంది. వాస్తవంగా దిగుమతి ద్రవ్యోల్బణమంటే ఏమిటి?

అంతర్జాతీయ మార్కెట్ల నుంచి మన దేశం దిగుమతి చేసుకునే వస్తువుల ధరలు పెరగడాన్నే దిగుమతి ద్రవ్యోల్బణం అనవచ్చు. ఉదాహరణకు భారతదేశం దిగుమతి చేసుకునే సరుకులైన క్రూడ్ ఆయిల్, బంగారం ధరలు పెరగడం ద్రవ్యోల్బణాన్ని ప్రభావితం చేస్తుంది. ఈ విధంగా ఏర్పడిన ద్రవ్యోల్బణాన్నే దిగుమతి ద్రవ్యోల్బణం చెప్పవచ్చు.

దేశీయ కరెన్సీకి అంతర్జాతీయంగా డాలర్ విలువలో వచ్చే మార్పులు, తేడాలు కూడా దిగుమతి ద్రవ్యోల్బణానికి కారణమవుతాయి. గత సంవత్సరం డాలర్ మారకం విలువ పెరగడం వల్ల రూపాయి విలువ క్రమంగా క్షీణించడం జరిగింది. గత ఏడాది ఒక డాలర్‌కి 68లు రూపాయలుగా మారకం విలువ దిగజారింది. ప్రస్తుతం డాలర్‌తో రూపాయి మారకం విలువ రూ. 60 కొనసాగుతోంది. అదేవిధంగా దేశీయంగా దిగుమతి చేసుకునే క్రూడ్ ఆయిల్ ధరలు కూడా దిగుమతి ద్రవ్యోల్బణానికి కారణమవుతాయి.

ఒక ఆర్థిక వ్యవస్థలో వస్తువుల ధరల పెరుగుదల ద్రవ్యోల్బణానికి దారి తీస్తుంది. కేంద్ర బ్యాంకుతో కలిసి కేంద్ర ప్రభుత్వం ద్రవ్యోల్బణాన్ని నియంత్రించేందుకు ఏర్పాట్లు చేస్తుంది. ఫలితంగా దిగుమతి చేసుకునే సరుకుల, వస్తువుల ధరలు పెరుగుతాయి. ఈ పరిణామం ఆర్థిక వ్యవస్థ వ్యాప్తంగా ద్రవ్యోల్బణంపై ప్రభావం చూపుతుంది. ఈ నేపథ్యంలో కేంద్ర బ్యాంకు పాలసీ రేట్లను పెంచడం లేదా తగ్గించడం ద్వారా ద్రవ్యోల్బణాన్ని నియంత్రిస్తుంది.