ప్రాపర్టీ గైడెన్స్ వాల్యూ అంటే ఏమిటి?

సాధారణంగా రాష్ట్ర ప్రభుత్వ మార్గదర్శక విలువ ప్రకారం ఆస్తులు, గృహాలపై కనీస ధరను నిర్ణయించడం జరుగుతుంది. ఆ ప్రాంతంలో వచ్చే మార్పులు అక్కడ ఉండే ఆస్తి విలువ ఎక్కువగా ఉంటుందా లేదా తక్కువగా ఉంటుందా నిర్ధారిస్తుంది. ఆస్తిని రిజిస్ట్రేషన్ చేసే సమయంలో రిజిష్ట్రేషన్ విలువలో 5శాతం స్టాంప్ డ్యూటీ, రిజిస్ట్రేషన్ విలువలో 1శాతం రిజిష్ట్రేషన్ ఫీజు చెల్లించాల్సి ఉంటుంది. నిజమైన ఆస్తి విలువ కొన్ని సందర్భాల్లో మాత్రమే తగ్గే అవకాశం ఉంటుంది. అంతేగానీ ఆ విలువలో మార్పులు తరచూ చోటుచేసుకునే అవకాశం ఉండదు.

ఒక నగరంలోని ప్రత్యేక ప్రాంతంలో ఉన్న ఆస్తి విలువను ఆ ప్రాంత సబ్ రిజిస్ట్రార్ కార్యాలయ అధికారుల నుంచి పొందవచ్చు. అయితే ఆస్తి మార్గదర్శక విలువ(గైడెన్స్ వాల్యూ) రిజిస్ట్రేషన్‌కు కనీస ధరను మాత్రమే సూచిస్తుంది. మార్కెట్ ధరను గానీ, ఆస్తిని అమ్మడానికి గల ధరను సూచించడం జరగదు. మార్కెట్ విలువ సూచించాలంటే దాని ఇతర అంశాల ప్రభావం కూడా ఉంటుంది. మార్కెట్ల ఆ ఆస్తికి ఉన్న డిమాండ్, ఆ ప్రాంతంలో జరుగుతున్న అభివృద్ధి లాంటి అంశాలు ప్రభావితం చూపిస్తాయి. ఒక వేళ అదే ప్రాంతంలో ఎయిర్ పోర్ట్ లాంటి భారీ ప్రాజెక్టు గానీ నెలకొల్పబడినట్లయితే ఆ ప్రాంత ఆస్తికి విలువ ఎక్కువగా ఉండే అవకాశం ఉంటుంది. కాబట్టి మార్కెట్ విలువ లేదా మార్గదర్శక విలువతో రిజిస్ట్రేషన్ చేయడం జరుగుతుంది.

మార్గదర్శక విలువలో కాలానుగత మార్పుల ప్రభావం

కాలానుగత మార్పుల ప్రభావం మార్గదర్శక విలువలో మార్పులు సంభవిస్తాయి. ఈ మార్పులు ఆస్తి విలువను తగ్గించడం గానీ, లేదా పెరగడానికి దోహదం చేస్తాయి. ఆ ప్రాంతంలో జరిగే అభివృద్ధి పనులు ఆస్తి విలువను పెంచేవిగా ఉంటాయి. అయితే ఆస్తి కొనుగోలు దారులు స్టాంప్ పేపర్స్, రిజిస్ట్రేషన్ కోసం భారీ మొత్తం చెల్లించాల్సి ఉంటుంది. అయితే కొన్ని సమయాల్లో మాత్రం ఆస్తుల విలువ తగ్గే అవకాశం ఉంటుంది. అయితే ఎక్కువగా ఈ అవకాశం ఉండదు. ఆస్తుల విలువ పెరిగినట్లయితే.. స్టాంప్ డ్యూటీ, రిజిస్ట్రేషన్ ద్వారా ప్రభుత్వ ఆదాయం కూడా పెరుగుతుంది.

నగరాల్లో ఇప్పుడిప్పుడే మార్గదర్శక అమలవుతోంది

దేశంలోని మెట్రో నగరాల్లో ఒకటైన బెంగళూరు నగరంలో చాలా ఆలస్యంగా మార్గదర్శక విలువ పెరగడం మొదలైంది. ప్రస్తుతం కొన్ని ప్రాంతాల్లో ఇది 100శాతంగా ఉంది. మార్గదర్శక విలువను అమలు చేసే ముందు చాలా మంది కొనుగోలు ద్వారా ఆస్తులను కొనుగోలు చేసేందుకు ఆసక్తి చూపారు. అంతేగాక స్టాంప్ డ్యూటీ, రిజిస్ట్రేషన్ ఫీజు పెరుగుతుందన్న ఆలోచనలో వారు ఆస్తులను కొనుగోలు చేసేందుకు చాలా మంది కొనుగోలుదారులు ముందుకు వచ్చారు.