సెక్టార్ ప్రత్యేక ఫండ్స్(పథకాలు) అంటే ఏమిటి?

అమ్మకపు ఆహ్వాన పత్రాలలో పేర్కొన్న ప్రకారం ఆయా విభాగాలు లేదా పరిశ్రమల సెక్యూరిటీలలో మదుపుచేసే నిధులను లేదా పథకాలను సెక్టార్ ప్రత్యేక ఫండ్స్(పథకాలు) అంటారు. ఉదాహరణకు ఫార్మాస్యుటికల్స్ (మందుల తయారీ) పరిశ్రమ, సాఫ్ట్ వేర్ , ఫాస్ట్ మూవింగ్ కన్స్యూమర్ గూడ్స్, పెట్రోలియమ్ స్టాక్‌లు మొదలైనవి. సెక్టార్ ప్రత్యేక ఫండ్స్ మీద వచ్చే లాభాలు ఆయా విభాగాలు లేదా పరిశ్రమలు పనితీరు మీద ఆధారపడి ఉంటాయి.

ఈ సెక్టార్ ప్రత్యేక ఫండ్స్ మీద వచ్చే అధిక లాభాలు డైవర్శిఫైడ్ ఫండ్స్(అనేక రకాలుగా ఫండ్స్ ను పెట్టుబడులు పెట్టే ఫండ్స్) తో పోలిస్తే సాహసంతో కూడినవి లేదా రిస్క్ ఎక్కువగా ఉంటాయి. మదుపరులు ఈ పథకాలపై పెట్టుబడి పెట్టే ముందు ఈ పరిశ్రమల యొక్క పనితీరుపై దృష్టి సారించాల్సిన అవసరం చాలా ఉంది. కొన్ని సందర్బాల్లో సమయాన్ని బట్టి ఈ ఫండ్స్ నుంచి వైదొలగాల్సి ఉంటుంది. కొత్తగా మార్కెట్లోకి వచ్చిన వారు ఈ సెక్టార్ ప్రత్యేక ఫండ్స్(పథకాలు)పై పెట్టుబడి పెట్టేందుకు నిపుణుల సలహాలు తీసుకోవడం మంచిది.

వివిధ రకాల మ్యూచువల్ ఫండ్ పథకాలు:

* కాల పరిమితి లేనటువంటి ఫండ్స్
* కాల పరిమితి ఉన్నటువంటి ఫండ్స్
* పెట్టుబడి ఉద్దేశంతో ఏర్పాటు చేసిన పధకాలు
* ఈక్విటీ ఆధారిత పథకం
* ఆదాయం ఆధారిత పథకం
* బ్యాలెన్స్‌డ్ ఫండ్
* మనీ మార్కెట్ ఫండ్స్
* గిల్ట్ ఫండ్
* ఇండెక్స్ ఫండ్

వన్ఇండియా తెలుగు మనీ