లోడ్ లేదా నో లోడ్ మ్యూచువల్ ఫండ్స్ అంటే ఏమిటి?

మ్యూచువల్ ఫండ్స్: మదుపరులకు వాటాలు జారీ చేసి తద్వారా ఆర్ధిక వనరులను సమీకరించుకునే ప్రక్రియనే మ్యూచువల్ ఫండ్స్ అని అంటారు. అలా సమీకరించిన ఫండ్స్‌ను షేర్ మార్కెట్ , బాండ్స్, ప్రభుత్వ సెక్యూరిటీలు, డిబెంచర్లు, డేట్స్, బంగారం మొదలగున వాటిలో పెట్టుబడి పెడతారు. ఈ మ్యూచువల్ ఫండ్స్, పెట్టుబడికి సంబంధించిన వివిధ రకాల ఫండ్స్‌లలో ఆదాయాన్ని పెట్టుబడిగా పెట్టి మ్యూచువల్ ఫండ్స్ పథకాల యూనిట్లను కొనుగోలు చేస్తారు. మ్యూచువల్ ఫండ్స్‌లో సాధారణంగా లోడ్ ఫండ్, నో లోడ్ ఫండ్ అనే పదాలను ఉపయోగిస్తారు. ఆవేమిటో చూద్దాం.

లోడ్ ఫండ్: మ్యూచువల్ ఫండ్స్ పథకంలో చేరడానికి లేదా ఆ పథకం నుండి బయటకు వచ్చేయడానికి కొంత డబ్బుని వసూలు చేసే విధానాన్ని లోడ్ ఫండ్ అంటారు. ఈ లోడ్ ఫండ్స్‌లో వాటా కొనుగోలుకు లేదా అమ్మకం చేసే ప్రతి దానికి కొంత చార్జీలు చెల్లించాల్సి ఉంటుంది. మన వద్ద నుండి వసూలు చేసిన చార్జీలను మ్యూచువల్ ఫండ్స్ మార్కెటింగ్ ఖర్చులుగా ఉపయోగిస్తారు.

ఉదా: ఒక వాటా ఎన్ఎవి పదిరూపాయలుకాగా ఈ పథకంలో చేరేందుకు లేదా పథకం నుండి బయటకు వచ్చేందుకు లోడ్ చార్జీలుగా 1 శాతం వసూలు చేస్తారు. అప్పుడు వాటా కొనుగోలు చేసే మదుపరులు 10 రూపాయలకు 10 పైసలను లోడ్ చార్జీగాచెల్లించాలి. మ్యూచువల్ ఫండ్స్‌కు తమ వాటాను తిరిగి కొనుగోలు చేసేందుకు అవకాశం కల్పించే మదుపరులు 9 రూపాయలకు 90 పైసలు ప్రతీ ఒక్క యూనిట్‌కు పొందుతారు. కాబట్టి మదుపరులు మదుపు చేసే సమయంలో ఈ లోడ్ చార్జీలను పరిగణనలోనికి తీసుకుని తమకు వచ్చే లాభాలు / ఆదాయం పై వీటి ప్రభావం ఉంటుంది.

నో లోడ్ ఫండ్: మ్యూచువల్ ఫండ్స్ లోని స్కీమ్‌ల నుండి బయటకు రావడానికి లేదా స్కీమ్‌లో చేరేందుకు ఎటువంటి చార్జీలు వసూలు చేయక పోతే వాటిని నో లోడ్ ఫండ్ అని అంటారు. అంటే ఈ ఫండ్ లోని పథకాల్లో చేరడానికి మదుపరులు ఎన్ఎవి ధర మీద చేరవచ్చు. మదుపరులు కొనుగోలు లేదా అమ్మకం చేసే వాటాలపై ఎటువంటి అదనపు చార్జీలు చెల్లించాల్సిన పని లేదు.

వన్ఇండియా తెలుగు మనీ