ఎల్ఐసీ కొత్త పథకం ‘జీవన్ సుగమ్’

న్యూఢిల్లీ: భారత ప్రభుత్వ బీమా రంగ సంస్ద అయినటువంటి ఎల్‌ఐసీ కొత్తగా ‘జీవన్ సుగమ్' అనే పేరుమీద సింగిల్ ప్రీమియం పథకాన్ని ప్రజల కోసం ప్రవేశపెట్టింది. ఈ పథకం పదేళ్ల కాల పరిమితిని కలిగి ఉండి ప్రీమియంపై 10 రెట్లతో పాటు రిస్క్ కవరేజిని కూడా అందిస్తుంది. 8 సంవత్సరాల నుండి 45 సంవత్సరాల లోపు వయసు కలిగిన వారు ఈ పథకాన్ని ఎంచుకోవచ్చు.

ఈ పథకం 45 రోజుల పాటు మాత్రమే అందుబాటులో ఉంటుంది. పన్ను ప్రయోజనాలతో పాటు లోన్ సదుపాయం కూడా ఉంటుంది. 8 ఏళ్ల నుంచి 45 ఏళ్లలోపు వారు దీనికి అర్హులని తెలిపారు. ఈ పాలసీ (ఫిక్స్‌డ్‌) కనీస మొత్తం పెట్టుబడిగా రూ.60,000 చెల్లించాల్సి ఉంటుందన్నారు. గరిష్ట పరిమితి లేదు. పెట్టుబడికి గరిష్ట పరిమితి లేదు. రూ. 1.5 లక్షలకు మించిన మెచ్యూరిటీ సమ్ అష్యూర్డ్‌కి అదనంగా మరో 3.5%, రూ.4 లక్షలు మించితే మరో 4.5% అదనంగా మెచ్యూరిటీ సమ్ అష్యూర్డ్‌ను చెల్లించనున్నట్లు ఎల్‌ఐసీ తెలిపింది.

పాలసీ తీసుకున్న 10 ఏళ్లలో మరణించినట్లయితే సింగిల్‌ ప్రీమియానికి పది రెట్లు సొమ్మును క్లెయిమ్‌గా అందిస్తామన్నారు. అదే ఐదేళ్ల అనంతరం మరణిస్తే సింగిల్‌ ప్రీమియం సొమ్ముకు పదింతలతో పాటు లాయల్టీ అడిషన్స్‌ను కూడా కలిపి క్లెయిమ్‌ మొత్తంగా చెల్లిస్తామని పేర్కొంది.

తెలుగు వన్ఇండియా