త్వరలో నాన్ బ్యాకింగ్ సంస్దల ఎటిఎమ్‌లు: ఆర్‌బీఐ

కోల్‌కతా, జూన్ 21: నాన్ బ్యాంకింగ్ సంస్థలు సొంతంగా ఏటీఎంలను నిర్వహించుకోడానికి అనుమతి ఇవ్వాలని రిజర్వ్ బ్యాంక్ (ఆర్‌బీఐ) నిర్ణయించింది. అయితే అటువంటి సంస్థలకు కనీసం రూ100 కోట్ల నెట్‌వర్త్ ఉండాలని నిర్దేశించింది. టైర్1, టైర్ 2 సిటీలకు వెలుపల నాన్-బ్యాంకింగ్ సంస్థలు తమ ఏటీఎం సేవలను విస్తరిస్తాయని రిజర్వ్ బ్యాంక్ ఆఫ్ ఇండియా భావిస్తున్నట్లు అత్యున్నత స్థాయి వర్గాలు పేర్కోన్నాయి.

దాదాపు 90,000 కుపైగా ఏటీఎంల నెట్‌వర్క్‌ను నిర్వహిస్తున్న ప్రధాన వాణిజ్య బ్యాంకులు, వీటి ఏర్పాటు విషయంలో గ్రామీణ ప్రాంతాలను నిర్లక్ష్యం చేస్తున్నట్లు విమర్శలున్నాయి. ఈ లోటును ప్రతిపాదిత నాన్ బ్యాంకింగ్ సంస్థల ఏటీఎంలు భర్తీచేస్తాయని ఆర్‌బీఐ భావిస్తున్నట్లు ఉన్నత స్థాయి వర్గాలు వెల్లడించాయి. వైట్ లేబుల్ ఏటీఎంలుగా పిలిచే వీటి ద్వారా నాన్ బ్యాంక్ సంస్థలు బ్యాంకింగ్ కస్టమర్లకు కూడా సేవలను అందిస్తాయని ఆ వర్గాలు పేర్కొన్నాయి.

2012 సంవత్సరానికి ప్రతిష్టాత్మక డుఫ్రినోయ్ అవార్డును సొంతం చేసుకున్నట్లు రిజర్వ బ్యాంకు ఆఫ్ ఇండియా తెలిపింది. బాధ్యతాయుతమైన ఆర్థిక చొరవలకు సంబంధించి 225 సంవత్సరాల చరిత్ర కలిగిన గ్రాడ్యుయేట్ స్కూల్ -ది మైనెస్ పారిస్ టెక్ ఈ అవార్డులను ప్రదానం చేస్తోంది.

తెలుగు వన్ఇండియా