PM Kisan: పీఎం కిసాన్ డబ్బులు రావడం లేదా.. అయితే ఈ పని చేయండి..!

రైతులకు ఆర్థిక సాయం అందించేందుకు కేంద్ర ప్రభుత్వం 2019 ఫిబ్రవరి 24న పీఎం కిసాన్ సమ్మాన్ నిధి పథకాన్ని తీసుకొచ్చింది. ఈ పథకం కింద ప్రతి నాలుగు నెలలకు రూ.2 వేల చొప్పున రైతుల ఖాతాల్లో జమ అవుతున్నాయియి. అంటే సంవత్సరానికి రూ.6 వేలు అన్నదాతల ఖాతాల్లో జమ చేస్తున్నారు. ఇప్పటి వరకు 23 విడతలుగా పీఎం కిసాన్ నిధులు వచ్చాయి. ఇప్పటి వరకు రైతుల ఖాతాల్లో రూ.46 వేలు జమ అయ్యాయి. పీఎం కిసాన్ పథకంలో భాగంగా డబ్బులు ఖాతాల్లో జమ కావాలంటే తప్పనిసరిగా ఇకేవైసీ చేసుకోవాలి. ఇకేవైసీ చేస్తేనే అన్నదాతల ఖాతాల్లో డబ్బులు జమ అవుతాయని వ్యవసాయ శాఖ అధికారులు తేల్చి చెప్పారు.

ఇప్పటికీ కూడా ఇకేవైసీ చేసుకోని వారికి డబ్బులు జమ కాలేదు. రైతులు చాలా సులభంగా ఇకేవైసీ చేసుకోవచ్చు. మీసేవ కేంద్రాలు, సీఎస్సీలు, పీఎం కిసాన్ మొబైల్ యాప్ లో ఇకేవైసీ చేసుకోవచ్చు. బయోమెట్రిక్ ద్వారా ఇకేవైసీ చేసుకోవచ్చు. పీఎం కిసాన్ 23వ విడత నిధులు గత నెలలో అన్నదాతల బ్యాంక్ ఖాతాల్లో జమ అయ్యాయి. 24 వ విడతకు సంబంధించి సెప్టెంబర్ లో అప్డేట్ వచ్చే అవకాశం ఉంది. అయితే పీఎం కిసాన్ పథకం తీసుకొచ్చి 7 సంవత్సరాలు పూర్తయింది. అయినప్పటికీ పీఎం కిసాన్ కింద ఇచ్చే రూ.6 వేలను పెంచడం లేదు.