For Quick Alerts
ALLOW NOTIFICATIONS  
For Daily Alerts

బాగా నడవండి, చెప్పింది తినండి! 80%-100% వరకు ఆఫర్, వారు చెప్పింది చేస్తే ఆఫర్లు

|

కరోనా వైరస్ నేపథ్యంలో ప్రస్తుతం చాలామంది హెల్త్ ఇన్సురెన్స్‌కు మొగ్గు చూపుతున్నారు. ఇన్సురెన్స్‌కు గతంలో లేనివిధంగా డిమాండ్ పెరిగింది. ఇదే సమయంలో ప్రయివేటు హెల్త్ ఇన్సురెన్స్ కంపెనీలు కూడా బీమాను ప్రోత్సహించేందుకు పలు ప్రోత్సాహకాలు అందిస్తున్నాయి. ఇందులో భాగంగా తాజాగా ఆదిత్య బిర్లా హెల్త్ ఇన్సురెన్స్, ఫ్యూచర్ జనరాలి మంచి ఆఫర్లు ఇచ్చాయి. పాలసీదారుల ఆరోగ్యం కోణంలోను ఆఫర్లు ప్రకటించాయి.

LIC సరికొత్త 'బీమా జ్యోతి' ప్లాన్: కనీస పాలసీ రూ.1,00,000, ఎన్నో ప్రయోజనాలు...

80 శాతం నుండి 100 శాతం

80 శాతం నుండి 100 శాతం

ఆరోగ్యవంత జీవనం గడిపే కస్టమర్లకు పాలసీల పునరుద్ధరణ (రెన్యువల్) ప్రీమియంపై 80 శాతం నుండి 100 శాతం ప్రోత్సాహకాలు ఇవ్వడానికి ప్రయివేటు హెల్త్ ఇన్సురెన్స్ సంస్థలు ముందుకు వస్తున్నాయి. గిఫ్ట్స్, ఇతర ప్రయోజనాలు అందిస్తున్నాయి. సాధారణంగా హెల్త్ ఇన్సురెన్స్ సంస్థలు క్లెయిమ్ చేయని సంవత్సరాల్లో నో క్లెయిమ్ బోనస్ కింద 25 శాతం నుండి 50 శాతం ఆఫర్ ఇస్తాయి. ఇప్పుడు కొన్ని ప్రయివేటు హెల్త్ ఇన్సురెన్స్ సంస్థలు అంతకుమించి ఇస్తుండటం గమనార్హం.

ఆదిత్య బిర్లా హెల్త్ ఇన్సురెన్స్ స్కీం

ఆదిత్య బిర్లా హెల్త్ ఇన్సురెన్స్ స్కీం

ఆదిత్య బిర్లా హెల్త్ ఇన్సూరెన్స్ ఇటీవల సరికొత్త బీమా పథకాన్ని తీసుకు వచ్చింది. ఏడాది కాలంలో తగినన్ని రోజుల పాటు రోజూ 10వేల అడుగుల చొప్పున నడిచినా లేదా తాము సూచించిన వ్యాయామం రోజూ 30 నిమిషాల పాటు చేసినా, ఆరు నెలలకు ఓసారి ఫిట్‌నెస్ పరీక్ష చేయించుకున్నా, మరుసటి ఏడాది పాలసీ పునరుద్ధరణ ప్రీమియంపై 100 శాతం వరకు హెల్త్ రిటర్న్స్ ఇవ్వడానికి సిద్ధమైంది. మెడిసిన్ కొనుగోళ్లు, రోగ నిర్థారణ పరీక్షలు, ఓపీ ఖర్చులు, ప్రత్యామ్నాయ చికిత్సలకు, భవిష్యత్తు ప్రీమియం చెల్లింపులకు వీటిని వినియోగించుకోవచ్చు.

పాలసీదారు జీవనశైలిని యాక్టివ్ హెల్త్ యాప్ ద్వారా ఆదిత్య బిర్లా హెల్త్ ఇన్సురెన్స్ పరిశీలిస్తుంది. పాలసీదారు ఏడాదికి కొనుగోలుచేసిన ప్రీమియం మొత్తంలో 50 శాతం చొప్పున నె క్లెయిమ్ బోనస్ కింద తిరిగి వస్తుంది. అంతేకాదు, రెండేళ్ల పాటు క్లెయిమ్ చేయకుంటే బీమా పాలసీ ప్రీమియం మొత్తం వెనక్కి తిరిగి ఇస్తారు.

ఫ్యూచర్ జనరాలీ

ఫ్యూచర్ జనరాలీ

మరో ప్రయివేటు హెల్త్ ఇన్సురెన్స్ కంపెనీ ఫ్యూచర్ జనరాలీ కూడా 80 రాయితీతో కొత్త పాలసీని ప్రారంభించింది. మొదటి, రెండు సంవత్సరాల్లో ఎలాంటి క్లెయిమ్స్ లేకుంటే ఇది వర్తిస్తుంది. దీనిని సూపర్ సేవర్ పాలసీగా చెబుతున్నారు. ఇందులో 1X, 2X పేరుతో రెండు ఆప్షన్స్ ఉన్నాయి. 1Xలో క్రితం సంవత్సరం ఎలాంటి క్లెయిమ్ చేయకుంటే మరుసటి రెన్యూవల్ ప్రీమియంపై 80 శాతం డిస్కౌంట్ ఉంటుంది. 2Xలో రెండేళ్ల పాటు క్లెయిమ్స్ లేకుంటే తదుపరి రెండు సంవత్సరాల ప్రీమియంలో 80 శాతం తక్కువ ఉంటుంది.

English summary

Private health insurers offering 80-100 percent discounts on renewal premia

Private health insurers are encouraging their customers to lead healthy and active lives by offering steep discounts on the renewal premia between 80 and 100 per cent, along with a host of other rewards and benefits.
Story first published: Monday, March 1, 2021, 9:51 [IST]
Company Search