For Quick Alerts
ALLOW NOTIFICATIONS  
For Daily Alerts

LIC షాక్: నవంబర్ 30 నుంచి ఎక్కువ బెనిఫిట్స్ కలిగిన ప్లాన్‌ల వెనక్కి, కారణమిదే!

|

న్యూఢిల్లీ: లైఫ్ ఇన్సురెన్స్ కార్పోరేషన్ ఆఫ్ ఇండియా (LIC) అంటే ఓ ధీమా! ఎల్ఐసీలో ఇన్వెస్ట్ చేయడం ద్వారా భవిష్యత్తులో తమకు, తమ కుటుంబానికి భరోసాగా ఉంటుంది. LICలో ఎన్నో ఆకర్షణీయ స్కీంలు ఉన్నాయి. ప్రత్యేకంగా కొన్ని అధిక ప్రయోజనాలు కలిగిన స్కీంల వైపు ఎక్కువమంది మొగ్గు చూపుతుంటారు. అయితే ఈ ప్రభుత్వరంగ అతిపెద్ద ఇన్సురెన్స్ కంపెనీ ఈ నెలాఖరులోగా కొన్ని పాలసీలను ఉపసహరించుకోనుందని తెలుస్తోంది. ఈ మేరకు మీడియాలో వార్తలు వస్తున్నాయి.

గుడ్‌న్యూస్: పాలసీదారులకు LIC సూపర్ ఆఫర్, 2 ఏళ్లకు పైన ల్యాప్స్ ఐతే పునరుద్ధరించుకోవచ్చు

నవంబర్ 30 నుంచి కొన్ని పాలసీలు క్లోజ్

నవంబర్ 30 నుంచి కొన్ని పాలసీలు క్లోజ్

దాదాపు ఇరవై నాలుగు వరకు ఇండివిడ్యువల్ ఇన్సురెన్స్ ప్రోడక్ట్స్‌ను ఉపసంహరించుకోనుందని తెలుస్తోంది. నవంబర్ 30వ తేదీ నుంచి కొన్ని పాలసీలు అందుబాటులో ఉండకపోవచ్చు. ఎనిమిది వరకు గ్రూప్ ఇన్సురెన్స్ ప్లాన్లు, ఏడెనిమిది రైడర్స్ ఇందులో ఉన్నాయి. జీవన్ ఆనందం, జీవన్ ఉమాంగ్, జీవన్ లక్ష్యా, జీవన్ లభ్ వంటి రిటైల్ ప్రోడక్ట్ పాలసీలు కూడా ఉపసంహరించుకునే అవకాశాలు లేకపోలేదని వార్తలు వస్తున్నాయి.

IRDA నిబంధనలకు అనుగుణంగా...

IRDA నిబంధనలకు అనుగుణంగా...

ఇన్సురెన్స్ రెగ్యులేటర్ IRDA నిబంధనలకు అనుగుణంగా LIC తన టర్మ్స్ అండ్ కండిషన్స్‌ను మార్చాలని చూస్తోంది. అందుకే పలు పాలసీలను ఉపసంహరించుకోవాలని భావిస్తోందని తెలుస్తోంది.

ఎక్కువ ప్రీమియం రేట్లు, తక్కువ బోనస్

ఎక్కువ ప్రీమియం రేట్లు, తక్కువ బోనస్

ఉపసంహరించుకునే ప్లాన్స్‌కు బదులు ఇన్సురెన్స్ రెగ్యులేటర్స్‌కు అనుగుణంగా కొత్త ప్లాన్స్‌ను తీసుకు వచ్చే అవకాశాలు ఉన్నాయి. అంటే ఈ ప్లాన్స్‌లలో కొన్ని మార్పులు చేర్పులు చేయవచ్చు. అలాగే కొత్త పేర్లు కూడా పెట్టవచ్చు. అయితే కొత్త ప్రోడక్ట్స్ వల్ల తక్కువ బోనస్ రేట్లు, ఎక్కువ ప్రీమియం రేట్లు ఉండే అవకాశాలు లేకపోలేదని అంటున్నారు.

80 వరకు ప్రోడక్ట్స్‌కు చెల్లుచీటి!

80 వరకు ప్రోడక్ట్స్‌కు చెల్లుచీటి!

ఇంగ్లీష్ మీడియాలో వస్తున్న వార్తల మేరకు IRDA నిబంధనలకు అనుగుణంగా లేని పలు ప్రోడక్ట్స్‌ను ఎల్ఐసీ ఉపసంహరించుకోవచ్చు. కొత్త IRDA నిబంధనలు జూలై 8, 2019న జారీ చేశారు. దాదాపు 75 నుంచి 80 వరకు ఇన్సురెన్స్ ప్రోడక్ట్స్ నవంబర్ 30వ తర్వాత నుంచి అందుబాటులో ఉండకపోవచ్చు. వివిధ ఉత్పత్తులను ఈ నెలాఖరులో క్లోజ్ చేస్తారనే ప్రచారం నేపథ్యంలో ఏజెంట్లు ఈ 30వ తేదీలోగా మరిన్ని ప్రోడక్ట్స్ కొనుగోలు చేయమని కస్టమర్లను అడుగుతున్నారట. ప్రోడక్ట్స్ ఉపసంహరణ పూర్తిగా ఉండదని కూడా అంటున్నారు. కొత్త నిబంధనల ప్రకారం తిరిగి ప్రారంభించవచ్చు.

ప్రీమియం రేట్లు తగ్గవచ్చు..

ప్రీమియం రేట్లు తగ్గవచ్చు..

మార్కెట్లో ఎలాంటి అంతరాయం లేదని, 80 వరకు ప్రోడక్ట్స్‌ను ఉపసంహరించుకోకపోవచ్చునని, కానీ డిసెంబర్ 1వ తేదీ నుంచి మార్పులతో కొన్ని ముందుకు రావొచ్చునని, కొన్ని ప్రోడక్ట్స్‌పై ప్రీమియం రేట్లు తగ్గవచ్చునని అధికారులు చెబుతున్నారట. ఇన్సురెన్స్ ప్రోడక్ట్స్‌ను సవరించడం పెద్ద టాస్క్ అని, ఛాలెంజింగ్ అంశమని అంటున్నారు.

పాలసీలు సవరిస్తే..

పాలసీలు సవరిస్తే..

బీమా పాలసీలను సవరిస్తే పాలసీ డాక్యుమెంట్స్ రెడీ చేయడం, పాలసీ ప్రయోజనాలు మార్చడం, సాఫ్టువేర్ మార్పులు, కొత్త పాలసీలను మార్కెట్లో విక్రయించేందుకు ఏజెంట్లకు ట్రెయినింగ్ వంటి ఇబ్బందులు ఉంటాయి.

English summary

LIC to withdraw multiple high yielding schemes from November 30

According to media reports, the state-owned insurance behemoth would revise these plans in line with the insurance regulator's revised customer-centric product guidelines.
Story first published: Tuesday, November 5, 2019, 12:50 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X