For Quick Alerts
ALLOW NOTIFICATIONS  
For Daily Alerts

హోమ్‌లోన్ వడ్డీ రేట్లపై కస్టమర్లకు కొటక్ మహీంద్రా గుడ్‌న్యూస్: అందుకే.. అలాగే

|

ప్రయివేటురంగ కొటక్ మహీంద్రా బ్యాంకు కస్టమర్లకు శుభవార్త చెప్పింది. ఇప్పటికే హోమ్ లోన్ వడ్డీ రేట్లను పరిమిత కాలంలో భారీగా తగ్గించిన ఈ బ్యాంకు దానిని మరికొంతకాలం కొనసాగిస్తున్నట్లు ప్రకటించింది. గత మార్చి నెలలో ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా(SBI), ప్రయివేటురంగ HDFC, ICICI, కొటక్ మహీంద్రా తదితర బ్యాంకులు పరిమిత కాలంలో హోమ్ లోన్ వడ్డీ రేట్లను తగ్గించాయి. మార్చి చివరి తేదీ వరకు ఈ ఆఫర్ వర్తించింది. ఎస్బీఐ ఆ తర్వాత వడ్డీ రేట్లు పెంచింది. అయితే కొటక్ మహీంద్రా గత నెలలో ప్రకటించిన ఆఫర్‌ను కొనసాగిస్తోంది.

ఎస్బీఐ కంటే చాలా తక్కువ

ఎస్బీఐ కంటే చాలా తక్కువ

వాస్తవానికి మార్చి 31వ తేదీతో ప్రత్యేక వడ్డీ రేట్ల ఆఫర్ ముగియాలి. కానీ కొటక్ మహీంద్రా మాత్రం వడ్డీ రేట్లను అలాగే కొనసాగిస్తోంది. హోమ్ లోన్ తీసుకోవాలని భావించే వారికి ఇది ఊరట కలిగించే అంశం. ప్రస్తుతం కొటక్ మహీంద్రలో హోమ్ లోన్ తీసుకుంటే వడ్డీ రేటు 6.65 శాతంగా ఉంది. మిగతా బ్యాంకుల్లో వడ్డీ రేట్ల కంటే ఇది తక్కువ. ఎస్బీఐ మార్చి నెలలో వడ్డీ రేటును 6.7 శాతానికి తగ్గించింది. అయితే ఈ ఆఫర్ పరిమిత కాలమే. ఏప్రిల్ నుండి వడ్డీ రేటును 6.95 శాతానికి పెంచింది. కొటక్‌లో మాత్రం 6.65 శాతంగా ఉంది.

కనిష్టస్థాయిలో...

కనిష్టస్థాయిలో...

హోమ్ లోన్ తీసుకోవాలని భావించే వారికి ఇది మంచి ఆఫర్. హోమ్ లోన్స్ పైన వడ్డీ రేట్లు పదిపదిహేనేళ్ల కనిష్టస్థాయిలో ఉన్నాయి. ఇప్పటికే ఎస్బీఐ వడ్డీ రేట్లను పెంచింది. మిగతా బ్యాంకులు ఇదే బాటలో నడిచే అవకాశాలు మెండుగా ఉన్నాయి. కాబట్టి అతి తక్కువ వడ్డీ రేట్లకు హోం లోన్ తీసుకోవడానికి ఇది సరైన సమయంగా చెబుతున్నారు.

అందుకే యథాతథంగా..

అందుకే యథాతథంగా..

కరోనా సహా పలు కారణాల వల్ల ఇటీవలి కాలంలో హోమ్ లోన్ వడ్డీ రేట్లు తగ్గాయని, హోమ్ లోన్ సేల్స్‌లో ఇటీవల రికవరీ కనిపిస్తోందని మార్కెట్ నిపుణులు చెబుతున్నారు. ప్రస్తుత పరిస్థితుల్లో సొంత ఇళ్ల కొనుగోలుకు చాలామంది ఆసక్తి కనబరుస్తున్నారు. హోమ్ లోన్ సేల్స్ భారీగా పెరిగాయని, ఈ ఒరవడి ఇలాగే కొనసాగుతుందని తాము భావిస్తున్నామని, ఇలాంటి పరిస్థితుల్లో కస్టమర్లకు అండగా ఉండేందుకు తమ వడ్డీ రేట్లు యథాతథంగా అమలు చేస్తున్నామని కొటక్ మహీంద్రా కన్స్యూమర్ అసెట్ ప్రెసిడెంట్ అంబుజ్ చందన్ అన్నారు.

English summary

Kotak Mahindra Bank retains concessional home loan rate

Private sector lender Kotak Mahindra Bank on Monday said it will retain the special interest rate of 6.65% on home loans beyond the original deadline of 31 March.
Story first published: Wednesday, April 14, 2021, 8:55 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X