For Quick Alerts
ALLOW NOTIFICATIONS  
For Daily Alerts

GST hike: జనవరి 1 నుండి వీటి ధరలు పెరుగుతున్నాయి

|

2022 క్యాలెండర్ ఏడాది నుండి జీఎస్టీ పన్నుల్లో పలు మార్పులు చోటు చేసుకోనున్నాయి. కొన్ని వస్తువులపై సవరించిన ధరలు వచ్చే ఏడాది ప్రారంభం నుండి అంటే జనవరి 1వ తేదీ నుండి అమల్లోకి రానున్నాయి. దీంతో ఆయా వస్తువుల ధరలు పెరిగే అవకాశాలు మెండుగా ఉన్నాయి. జీఎస్టీ రిటర్న్స్ దాఖలుకు సంబంధించిన ప్రక్రియలోను కొన్ని మార్పులు చోటు చేసుకుంటున్నాయి. ఇవీ 2022 నుండి అమలు చేయనున్నారు. 2017లో ప్రవేశపెట్టిన జీఎస్టీ పన్ను విధానం కొత్త ఏడాది నుండి కఠినతరం కానుంది. ఇందులో భాగంగా పలు ఉత్పత్తుల ధరలు పెరగనున్నాయి.

 జనవరి 1 నుండి మరింత ప్రియం

జనవరి 1 నుండి మరింత ప్రియం

ఇప్పటికే పెరిగిన ధరలతో ఇబ్బంది పడుతున్న సామాన్యుడికి జనవరి 1వ తేదీ నుండి మరింత ఆర్థిక భారం పడనుంది. దుస్తులు, పాదరక్షలు కాస్త ప్రియం కానున్నాయి. సెంట్రల్ బోర్డ్ ఆఫ్ ఇండైరెక్ట్ ట్యాక్సెస్ వీటి పైన జీఎస్టీని 5 శాతం నుండి 12 శాతానికి పెంచింది. అలాగే కేంద్రం సింతటిక్ ఫైబర్, నూలుపై జీఎస్టీని 18 శాతం నుండి 12 శాతానికి తగ్గించింది. సెప్టెంబర్ నెలలో జరిగిన జీఎస్టీ కౌన్సిల్ సమావేశంలో టెక్స్ టైల్, ఫుట్ వేర్ పైన విధించే జీఎస్టీని సవరించారు. కాటన్ మినహా రెడీమేడ్ దుస్తులతో పాటు అన్ని రకాల వస్త్ర ఉత్పత్తులపై 12 శాతం జీఎస్టీ చెల్లించవలసి ఉంటుంది.

ఈ-కామర్స్ సేవలపై జీఎస్టీ

ఈ-కామర్స్ సేవలపై జీఎస్టీ

ఈ-కామర్స్ సంస్థల సేవలపై కూడా జనవరి 1వ తేదీ నుండి జీఎస్టీ చెల్లించాలి. క్యాబ్, ఆటో, బైక్స్ ద్వారా ఆన్ లైన్‌లో ప్రయాణీకులకు సేవలు అందించే ఉబర్, ఓలా, ర్యాపిడో సంస్థలు ఐదు శాతం పన్నులు చెల్లించవలసి ఉంటుంది. అయితే ఆఫ్ లైన్ బుకింగ్ చేస్తే జీఎస్టీ మినహాయింపు ఉంది. ఫుడ్ డెలివరీ ప్లాట్ ఫామ్ స్విగ్గీ, జొమాటో జనవరి 1వ తేదీ నుండి కస్టమర్ నుండి నేరుగా జీఎస్టీ వసూలు చేసి ప్రభుత్వానికి జమ చేయాలి. గతంలో రెస్టారెంట్లు జీఎస్టీని వసూలు చేసేవి. ఇప్పటి వరకు రెస్టారెంట్స్ నిర్వహించిన బాధ్యతను ఇక ఫుడ్ డెలివరీ యాప్స్ నిర్వహిస్తాయి.

ఆధార్ అనుసంధానం

ఆధార్ అనుసంధానం

పన్ను చెల్లింపుదారులు జీఎస్టీ రీఫండ్స్ క్లెయిమ్ చేసుకోవడానికి కొత్త ఏడాది నుండి ఆధార్ ధృవీకరణను ప్రభుత్వం తప్పనిసరి చేసింది. జీఎస్టీ రిజిస్ట్రేషన్ సమయంలో ఇచ్చిన పాన్ నెంబర్‌కు అనుసంధానమైన బ్యాంకు ఖాతాల్లోనే జీఎస్టీ రీఫండ్స్ వేసేలా చర్యలు చేపట్టింది. పన్ను ఎగవేతల నియంత్రణలో భాగంగా ఈ నిర్ణయాలు తీసుకుంది. ఇందుకు జీఎస్టీకి సంబంధించి వివిధ నిబంధనల్లో కేంద్ర పరోక్ష పన్నులు, కస్టమ్స్ బోర్డు సవరణలు చేసింది.

గత నెలకు సంబంధించి జీఎస్టీఆర్-3బీ రిటర్న్స్ దాఖలు చేయని వారు జనవరి 1 నుండి జీఎస్టీఆర్-1లో బయటకు పంపే సరఫరాలను నమోదు చేయడానికి వీలుండదని జీఎస్టీఎన్ స్పష్టం చేసింది. ఏదైనా నెలకు సంబంధించిన జీఎస్టీఆర్-1ను దాఖలు చేయడానికి తర్వాత నెలలో 11వ రోజు వరకు గడువు ఉంటుంది.

English summary

GST hike from January 1: How hard will the changes hit textile & handloom industry?

On the recommendations of the GST Council, the Central Board of Indirect Taxes and Customs (CBIC) announced that the GST rate on garments, textiles, and footwear would be raised from 5% to 12% with effect from January 1, 2022.
Story first published: Tuesday, December 28, 2021, 18:56 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X