For Quick Alerts
ALLOW NOTIFICATIONS  
For Daily Alerts

రష్యా వ్యాక్సీన్, లాభాలకు వారు మొగ్గు: ఎగిసి 'పడిపోయిన' బంగారం

|

బంగారం ధరలు తగ్గుముఖం పడుతున్నాయి.. అయితే ఇది స్వల్పంగా మాత్రమే. మల్టీ కమోడిటీ ఎక్స్చేంజ్(MCX)లో ఉదయం 10 గ్రాముల అక్టోబర్ గోల్డ్ ఫ్యూచర్స్ 0.56 శాతం తగ్గి రూ.54,600 పైన పలికింది. వెండి ఫ్యూచర్స్ కిలో 0.77 శాతం తగ్గి రూ.74,816 పలికింది. గత కొద్ది రోజులుగా పెరుగుతున్న ధరలు వివిధ కారణాలతో మూడు రోజులుగా కొద్దిగా మాత్రమే క్షీణించాయి. పసిడి ధరలు తగ్గడానికి ఎన్నో కారణాలు ఉన్నాయి. హైదరాబాద్‌లో పసిడి ధర రూ.58,500కు కిందకు దిగి వచ్చింది. వెండి ధర కూడా కిలో రూ.2,300 తగ్గి రూ.74,000కు పడిపోయింది.

బలపడిన డాలర్.. భారీగా తగ్గిన బంగారం ధర: ఎంత తగ్గిందంటే?

రష్యా వ్యాక్సీన్ ప్రభావం

రష్యా వ్యాక్సీన్ ప్రభావం

ప్రపంచవ్యాప్తంగా, దేశీయంగా కరోనా రికవరీ పెరిగింది. దీని కంటే ముఖ్యమైన విషయం ఏమంటే రష్యా కరోనా వ్యాక్సీన్‌ను విడుదల చేసింది. ఈ రోజు విడుదల చేస్తామని ముందే ప్రకటించడంతో రెండు రోజులుగా ఈ ప్రభావం కనిపించిందని చెప్పవచ్చు. ఈ రోజు వ్యాక్సీన్ విడుదల చేసింది. వ్యాక్సీన్ ప్రభావం ఎలా ఉంటుందనే విషయం పక్కన పెడితే.. వ్యాక్సీన్ వచ్చిందనే అంశం పసిడిపై ఒత్తిడిని తగ్గించింది. మరో ఒకటి రెండు రోజులు కూడా పసిడిపై ఈ ప్రభావం ఉండవచ్చునని అంటున్నారు.

లాభాలకు మొగ్గుచూపిన ఇన్వెస్టర్లు

లాభాలకు మొగ్గుచూపిన ఇన్వెస్టర్లు

కరోనా నేపథ్యంలో గత కొద్దిరోజులుగా ఆచితూచి వ్యవహరిస్తున్న ఇన్వెస్టర్లు, రికవరీలు పెరగడం, వ్యాక్సీన్ రావడం వంటి వివిధ కారణాలతో లాభాలు స్వీకరించేందుకు మొగ్గు చూపినట్లుగా తెలుస్తోంది. దీంతో బంగారం ధరలు పడిపోయాయని బులియన్ మార్కెట్ నిపుణులు భావిస్తున్నారు.

అంతర్జాతీయ మార్కెట్లో భారీగా డౌన్

అంతర్జాతీయ మార్కెట్లో భారీగా డౌన్

అంతర్జాతీయ మార్కెట్లోను పసిడి ధరలు మరింతగా తగ్గాయి. ఓ సమయంలో ఔన్స్ 2,070 డాలర్లు దాటిన పసిడి రెండు రోజులుగా తగ్గుముఖం పట్టింది. స్పాట్ గోల్డ్ 0.5 శాతం తగ్గి 2,017.98 డాలర్లు పలికింది. యూఎస్ గోల్డ్ ఫ్యూచర్స్ కూడా 2,028 డాలర్లకు పడిపోయింది. వెండి 0.6 శాతం పడిపోయి 28.97 డాలర్లు, ప్లాటినమ్ 0.7 శాతం పడిపోయి 979.50 డాలర్లు, పల్లాడియం 0.5 శాతం ఎగిసి 2,231 డాలర్లు పలికింది. గత మూడు రోజుల్లో ఏకంగా దాదాపు 50 డాలర్లకు పైగా పడిపోయింది. ఇండియన్ కరెన్సీలో చెప్పాలంటే అంతర్జాతీయ మార్కెట్లో రూ.3,500కు పైగా తగ్గింది.

English summary

Gold prices today: Gold prices drop as traders book profits

Gold and silver slipped in early trade on Tuesday, thanks to a fresh bout of profit booking after a steep rally even as COVID-19 rampages throughout India, disrupting lives.
Story first published: Tuesday, August 11, 2020, 21:04 [IST]
Company Search