For Quick Alerts
ALLOW NOTIFICATIONS  
For Daily Alerts

జీ ఎంటర్‌టైన్‌మెంట్‌ ఛైర్మన్ పదవికి ‘సుభాష్ చంద్ర’ రాజీనామా!

|

జీ ఎంటర్‌టైన్‌మెంట్‌ ఎంటర్‌ప్రైజెస్ లిమిటెడ్ (జీల్) ఛైర్మన్‌ సుభాష్ చంద్ర రాజీనామా చేశారు. ఈ రాజీనామా తక్షణమే అమల్లోకి రానుంది. అయితే ఛైర్మన్ పదవికి రాజీనామా చేసినప్పటికీ బోర్డులో ఆయన నాన్‌-ఎగ్జిక్యూటివ్‌ డైరెక్టర్‌గా కొనసాగనున్నారు. ఎస్సెల్‌ గ్రూపు ప్రతినిధులుగా సుభాష్ చంద్రతోపాటు పునీత్‌ గోయంకా కూడా బోర్డులో కొనసాగుతారు.

అంతేకాదు, జీ ఎంటర్‌టైన్‌మెంట్‌ బోర్డును కొంతమేర పునర్యవస్థీకరించారు. కొత్తగా ఆరుగురిని ఇండిపెండెంట్‌ డైరెక్టర్లగా బోర్డు నియమించుకుంది. వాటాదారుల మార్పుల దృష్ట్యా, సుభాష్ చంద్ర బోర్డు ఛైర్మన్ పదవికి చేసిన రాజీనామాను బోర్డు వెంటనే అంగీకరించింది. తాజా ఒప్పందం ప్రకారం, రెగ్యులేషన్ 17 (ఎల్‌బీ) నిబంధనలకు అనుగుణంగా ఈ నిర్ణయం తీసుకున్నట్లు కంపెనీ రెగ్యులేటరీ ఫైలింగ్‌లో తెలిపింది.

జీ ఎంటర్‌టైన్‌మెంట్‌ ఛైర్మన్ పదవికి ‘సుభాష్ చంద్ర’ రాజీనామా!

అలాగే సింగపూర్ ప్రభుత్వం, సింగపూర్ మానిటరీ అథారిటీ సెకండరీ మార్కెట్ ప్లేస్‌మెంట్ ద్వారా తమ మొత్తం హోల్డింగ్‌ను 8.44 శాతానికి పెంచిందని కూడా జీ ఎంటర్‌టైన్‌మెంట్ రెగ్యులేటరీ ఫైలింగ్‌లో పేర్కొంది. నవంబర్ 21వ తేదీన జీల్‌లో 2.9 శాతానికి సమానమైన మొత్తం 2.85 కోట్ల విలువైన షేర్లను కొనుగోలు చేసినట్లు తెలిపింది.

రుణ సంక్షోభంలో 'జీ'...

రుణ సంక్షోభంలో చిక్కుకున్న జీ 16.5 శాతం వాటాను ఇన్వెస్కో-ఒపెన్‌ హైమర్ ఫండ్‌కు రూ.4,224 కోట్లకు విక్రయించన్నుట్లు ప్రకటించిన సంగతి తెలిసిందే. ఈ విక్రయం ద్వారా సమకూరిన నిధులను సంస్థ రుణాల చెల్లింపునకు వినియోగించుకోనుంది. ఈ 16.50 శాతంలో ఇన్వెస్కో ఒపెన్‌ హైమర్ డెవలపింగ్ మార్కెట్స్ ఫండ్ అనుబంధ సంస్థ ఓఎఫ్‌సీ గ్లోబల్‌ చైనా ఫండ్‌కు 2.3 శాతం వాటాను విక్రయించనుంది. ఈ సంస్థ ఇప్పటికే జీ లిమిటెడ్‌లో 8.7 శాతం వాటాను కలిగి ఉంది.

English summary

zee entertainment chairman subhash chandra resigns, board accepts

Zee Entertainment Enterprises' board has accepted the resignation of Chairman Subhash Chandra, the company said in a BSE filing on November 25. Chandra had expressed his intention to resign as the chairman in light of the changes in shareholding, the company said.
Story first published: Monday, November 25, 2019, 21:00 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more