For Quick Alerts
ALLOW NOTIFICATIONS  
For Daily Alerts

Yes Bank crisis: రెస్క్యూ లిస్ట్‌లో ఝున్‌ఝున్‌వాలా, డి-మార్ట్, ప్రైవేటు బ్యాంకులు...

|

తీవ్ర ఆర్థిక సంక్షోభంలో కొట్టుమిట్టాడుతున్న యస్ బ్యాంకును గట్టెక్కించేందుకు ప్రయివేటు ఈక్విటీ (PE)ల వైపు కూడా చూస్తున్నారు. యస్ బ్యాంకు రెస్క్యూ కన్సార్టియంలో చేరేందుకు ప్రముఖ ఇన్వెస్టర్ రాకేషన్ ఝున్‌ఝున్‌వాలా, డీమార్ట్ (అవెన్యూ సూపర్ మార్ట్స్) అధినేత రాధాకిషన్ ధమానీ, ప్రేమ్‌జీ ఈన్వెస్ట్ వైపు చూస్తున్నారు.

యస్ బ్యాంకు సంక్షోభం, మరిన్ని కథనాలు..

ఎక్కువమంది.. తక్కువ వాటా..

ఎక్కువమంది.. తక్కువ వాటా..

యస్ బ్యాంకు రీక్యాపిటలైజేషన్ ప్లాన్ కోసం ఎంపిక చేసిన ప్రయివేటు ఇన్వెస్టర్లలో దమానీ, ఝున్‌ఝున్‌వాలా ఉన్నట్లుగా వార్తలు వస్తున్నాయి. ఆర్థిక సంక్షోభంలో ఉన్న యస్ బ్యాంకులో ఎక్కువ మంది వాటాదారులు చేరేలా చూసి తద్వారా ఏ వాటాదారుకు 5 శాతానికి మించి లేకుండా చూడాలని సెంట్రల్ బ్యాంక్ భావిస్తోందట.

పెట్టుబడికి సిద్ధం..

పెట్టుబడికి సిద్ధం..

PSUల అంశాన్ని పక్కన పెడితే ప్రయివేటు ఈక్విటీ వైపు ఎక్కువగా దృష్టి సారిస్తున్నట్లుగా తెలుస్తోంది. అయితే యస్ బ్యాంకు టయర్ 2 బాండ్స్‌ను పూర్తిగా రద్దు చేయాలని కొన్ని సంస్థలు భావిస్తున్నాయట. ప్రయివేటు ఈక్విటీలు 1.7 బిలియన్ డాలర్ల మొత్తాన్ని యస్ బ్యాంకులో ఇన్వెస్ట్ చేసేందుకు సిద్ధంగా ఉన్నాయట.

ప్రయివేటు భాగస్వామ్యం...

ప్రయివేటు భాగస్వామ్యం...

యస్ బ్యాంకును పునరుద్ధరించే ప్రణాళికను ఆర్బీఐ దాదాపు ఖరారు చేసింది. మారటోరియం ఎత్తివేసినా నిధుల లభ్యతపరంగా ఎలాంటి సమస్యలు తలెత్తకుండా తగిన పరిష్కారమార్గాలు ఇందులో పొందుపరిచింది. దీని ప్రకారం పెట్టుబడి పెట్టేందుకు ఆసక్తిగా ఉన్న ప్రభుత్వరంగ ఎస్బీఐతో పాటు ఇతర బ్యాంకులను పరిగణలోకి తీసుకుంటుంది. దీనిపై ఆర్బీఐ మొదట ఓ ప్రకటన చేస్తుంది.

పెట్టుబడులు

పెట్టుబడులు

ఆర్బీఐ ప్రకటన వచ్చిన రెండోరోజున బ్యాంకులు దాదాపు రూ.20,000 కోట్ల నిధులను ఈక్విటీ కింద సమకూరుస్తాయి. మూడో రోజు PSUలు దాదాపు రూ.30,000 కోట్ల మొత్తాన్ని యస్ బ్యాంకు సర్టిఫికెట్స్ ఆఫ్ డిపాజిట్స్ (సీడీ)లో ఇన్వెస్ట్ చేస్తాయి. నాలుగో రోజున మారటోరియం తొలగిస్తారు. ఇన్వెస్ట్ చేస్తున్న బ్యాంకుల నుంచి హామీ వచ్చాక ఆర్బీఐ ప్రణాళికను ప్రకటిస్తుంది.

ప్రయివేటు బ్యాంకులు..

ప్రయివేటు బ్యాంకులు..

ఎస్బీఐతో పాటు HDFC బ్యాంకు, కొటక్ మహీంద్రా బ్యాంకు, ICICI బ్యాంకు వంటి ప్రయివేటు దిగ్గజాలు కూడా యస్ బ్యాంకులో ఇన్వెస్ట్ చేసే ప్రతిపాదనలు ఉన్నాయి. తద్వారా యస్ బ్యాంకు సామర్థ్యంపై నమ్మకం పెరిగి, ఇతర బ్యాంకులు కూడా పెట్టుబడి పెట్టేందుకు ముందుకు రావొచ్చని అంచనా. కొత్తగా జారీ చేసే ఈక్విటీలో రూ.20,000 కోట్లు ఇన్వెస్ట్ చేసే బ్యాంకులకు యస్ బ్యాంకులో 75% వాటా దక్కుతుంది. షేర్ల పరిమాణం భారీగా పెరగడంతో ప్రస్తుతమున్న షేర్ హోల్డర్ల వాటా నాలుగో వంతుగా ఉంటుంది.

English summary

Yes Bank stake buy: Jhunjhunwala, Damani, PEs, HDFC, Kotak and ICICI in fray

The Reserve Bank of India (RBI) has reportedly tapped market heavyweights Rakesh Jhunjhunwala, DMart (Avenue Supermarts) owner Radhakishan Damani and PremjiInvest to join the Yes Bank rescue consortium.
Story first published: Thursday, March 12, 2020, 13:04 [IST]
Company Search