For Quick Alerts
ALLOW NOTIFICATIONS  
For Daily Alerts

పెరుగుతున్న నిరుద్యోగం, H1B వీసాలపై ట్రంప్ కీలక నిర్ణయం: టెంపరరీగా బ్యాన్ దిశగా..

|

కరోనా మహమ్మారి కారణంగా అమెరికా ఆర్థిక వ్యవస్థ అతలాకుతలమైంది. కోట్లాది మంది ఉద్యోగాలు కోల్పోయారు. కేవలం ఏప్రిల్ నెలలోనే 20.5 మిలియన్ల మంది ఉద్యోగాలు కోల్పోయారు. నిరుద్యోగిత రేటు 14.7 శాతానికి పెరిగింది. ప్రభుత్వం 1939 నుండి నిరుద్యోగ డేటాను ట్రాక్ చేస్తోంది. అప్పటి నుండి కేవలం ఒకే నెలలో ఇంతపెద్ద ఎత్తున ఉద్యోగాలు కోల్పోవడం ఈసారే కావడం గమనార్హం. 2008లో కూడా లక్షలాది మంది ఉద్యోగాలు కోల్పోయారు. ఆర్థిక వ్యవస్థ కోలుకోవడానికి సంవత్సరాలు పట్టింది. ఈ పదేళ్లలో 22.8 మిలియన్ల ఉద్యోగాలు కొత్తగా వచ్చాయి. ఇప్పుడు అంతకుమించి ఉద్యోగాలు పోతున్నాయి.

డాక్టర్లు, నర్సులకు అమెరికా గ్రీన్ కార్డులు.. అందుకే! ఇండియన్స్‌కు ప్రయోజనం

H1B వీసాలపై నిషేధం

H1B వీసాలపై నిషేధం

మార్చి నెలలో 8.7 మిలియన్ల మంది ఉద్యోగాలు కోల్పోగా, ఏప్రిల్ నెలలో రెట్టింపుకు మించి రికార్డ్ స్థాయిలో 20.5 మిలియన్ల మంది ఉద్యోగాలు కోల్పోయారు. కోట్లాది మంది నిరుద్యోగ భృతి కోసం దరఖాస్తు చేసుకున్నారు. సొంత దేశంలో కోట్లాది మంది ఉద్యోగాలు లేక అల్లాడుతున్న పరిస్థితుల్లో అమెరికా H1B వంటి వర్క్ వీసాలను తాత్కాలికంగా నిషేధించాలని భావిస్తోంది. ఇందుకు సంబంధించి ట్రంప్ అడ్మినిస్ట్రేషన్ అధికారులు రూపొందించే పనిలో ఉన్నారు. H1B అనేది నాన్-ఇమ్మిగ్రెంట్ వీసా.

H1B, H2B వీసాలు

H1B, H2B వీసాలు

H1B వీసాతో అమెరికాలో 5 లక్షలమంది వరకు పని చేస్తున్నారు. కొన్ని తాత్కాలిక, వర్క్ బేస్డ్ వీసాలపై నిషేధం విధించే దిశగా ఇమ్మిగ్రేషన్ అడ్వైజర్ వర్క్ చేస్తున్నారని, ఇందులో H1B, H2B ఉంటాయని చెబుతున్నారు. ఉద్యోగాల్లో తొలి ప్రాధాన్యత అమెరికన్లకు దక్కాలనే ఉద్దేశంతో H1B వర్కింగ్ వీసాలతో పాటు చదువుకునేందుకు వెళ్లి ఉద్యోగం చేసే అవకాశం కల్పించే H2Bలపై కూడా తాత్కాలిక నిషేధం విధించనున్నారని తెలుస్తోంది. చాలామంది విద్యార్థులు అక్కడ ఖర్చులకు అనుగుణంగా ఏదో ఉద్యోగం చేస్తూ చదువుకుంటారు. దీనిపై కూడా కఠిన నిర్ణయం తీసుకోనున్నారు.

మనపైనే ఎక్కువ ప్రభావం

మనపైనే ఎక్కువ ప్రభావం

కరోనా కారణంగా రెండో క్వార్టర్‌లో అమెరికా ఆర్థిక వ్యవస్థపై 15 శాతం నుండి 20 శాతం మేర ప్రతికూల ప్రభావం పడే అవకాశముందని ఐఎంఎఫ్, ప్రపంచ బ్యాంకు అంచనా వేస్తున్నాయి. ఉద్యోగాలు పోతున్న సమయంలో అమెరికా H1B, H2B వీసాలపై కఠిన నిర్ణయం తీసుకుంటోందంటున్నారు. H1B, H2B వీసాలను తాత్కాలికంగా నిలిపివేస్తే ఎక్కువగా భారతీయులపై ప్రభావం పడనుంది. ఈ వీసాలపై ఎక్కువగా ఉద్యోగాలు చేసేది మనవారే.

మనవారికి ఇబ్బంది

మనవారికి ఇబ్బంది

కొన్ని కంపెనీలు మన దేశం నుండి ప్రొఫెషనల్ ఎక్స్‌ఫర్ట్స్‌ను H1B వీసాల ద్వారా అమెరికాలో ఉద్యోగం కల్పిస్తాయి. ప్రతి ఏడాది పెద్ద ఎత్తున అమెరికాకు వెళ్తుంటారు. అమెరికన్లతో పోలిస్తే మన వారికి వేతనాలు తక్కువ. కాబట్టి అక్కడి కంపెనీలు మనవాళ్లకే ప్రాధాన్యత ఇస్తాయి. అమెరికాలో చదివే విద్యార్థుల్లోను మన వారి సంఖ్య ఎక్కువగా ఉంటుంది. తాత్కాలికంగా వీసాలపై నిషేధం విధిస్తే అమెరికాలో చదువుకునే వారు ఇబ్బందులు ఎదుర్కోవాల్సి ఉంటుంది.

English summary

US to temporarily ban work based visas like H1B as unemployment levels peak

The US is working to temporarily ban the issuance of some work-based visas like H-1B, popular among highly-skilled Indian IT professionals, as well as students visas and work authorisation that accompanies them, amidst the high level of unemployment due to the coronavirus, according to a media report on Friday.
Story first published: Sunday, May 10, 2020, 15:35 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more