For Quick Alerts
ALLOW NOTIFICATIONS  
For Daily Alerts

Union Budget 2022: ఆదాయపు పన్నుపై ఊరట అనుమానమే!

|

2022-23 ఆర్థిక సంవత్సరంలో ఆదాయపు పన్నుకు సంబంధించి పలు ఊరటలు దక్కవచ్చునని ఉద్యోగులు, వ్యాపారవేత్తలు కోటి ఆశలు పెట్టుకున్నారు. అయితే ప్రస్తుత పరిస్థితుల్లో అలాంటి అదనపు ప్రయోజన ప్రసంగాలు కేంద్ర ఆర్థికమంత్రి నిర్మలా సీతారామన్ నుండి రాకపోవచ్చునని భావిస్తున్నారు ఆర్థిక నిపుణులు. ప్రస్తుత కరోనా క్లిష్ట పరిస్థితుల్లో ఆదాయం క్షీణించింది. మరోవైపు కేంద్ర ప్రభుత్వానికి ఖర్చులు పెరుగుతున్నాయి. ఇలాంటి పరిస్థితుల్లో బడ్జెట్‌లో వివిధ ఇన్‌కం ట్యాక్స్ రిలీఫ్స్ ఉండకపోవచ్చునని భావిస్తున్నారు.

పన్ను రేట్లు తగ్గించే అవకాశం లేదు

పన్ను రేట్లు తగ్గించే అవకాశం లేదు

పన్ను రేట్లు తగ్గించే అవకాశం కనిపించడం లేదని ఆర్బీఐ మాజీ గవర్నర్ దువ్వూరి సుబ్బారావు కూడా గురువారం నాడు అభిప్రాయపడ్డారు. విద్య, ఆరోగ్యం, మౌలిక సదుపాయాలపై వ్యయాలు పెంచవలసి ఉందని, ఇలాంటి పరిస్థితుల్లో పన్ను రేట్లు తగ్గించే అవకాశం లేదన్నారు సుబ్బారావు.

గత బడ్జెట్ లక్ష్యం కంటే వసూళ్లు పెరిగినట్లుగా తెలుస్తోందని, కానీ పెట్టుబడుల ఉపసంహరణ తగ్గుదల, ఆహారం, ఎరువుల సబ్సిడీ వ్యయాలు పెరగడంతో ద్రవ్యలోటు తగ్గడం లేదన్నారు. 2025-26 ఆర్థిక సంవత్సరానికి ద్రవ్యలోటు 4.5 శాతానికి తగ్గించుకోవాలన్నారు. వివిధ అంశాల నేపథ్యంలో పన్ను రేట్లు తగ్గించకపోవచ్చునని అంటున్నారు.

ఆర్థిక లోటు ఎఫెక్ట్

ఆర్థిక లోటు ఎఫెక్ట్

FY23లో ఏవైనా ఆదాయపు పన్ను సంబంధిత ప్రయోజనాలు ఉండటం అనుమానంగానే కనిపిస్తోందని రేటింగ్ ఏజెన్సీలు, ఆర్థిక నిపుణులు అంటున్నారు. ప్రభుత్వ ఆర్థిక లోటు ఉత్తమ పరిస్థితుల్లో లేదని, ఆర్థిక వ్యవస్థ పునరుద్ధరణ వేగవంతం చేయడానికి ఇన్ఫ్రా వ్యయం పెంచాలని, ఇదే కాకుండా సంక్షేమ, ఆరోగ్య సంరక్షణ చర్యలను ఆశ్రయించాల్సి ఉందని, దీనికి ప్రభుత్వం వైపు నుండి నిరంతర వ్యయం అవసరమని చెబుతున్నారు.

అనుమానమే..

అనుమానమే..

ఆదాయపు పన్ను సదుపాయాలు ఉంటాయన్నది అనుమానంగా ఉందని ఆర్థిక నిపుణులు అంటున్నారు. ఐతే స్టాండర్డ్ డిడక్షన్‌లో కొంత పెరుగుదల ఉండవచ్చునని మాత్రం అంటున్నారు. కామన్ మ్యాన్‌కు ఇన్‌కం ట్యాక్స్ రిలీఫ్ ఆశించలేమని కేర్ ఎడ్జ్ సర్వే వెల్లడించింది. సర్వేలో పాల్గొన్నవారిలో 53 శాతం మంది ఆదాయపు పన్నులో ఎలాంటి మార్పు చుడలేదు. ద్రవ్యోల్భణం దృష్ట్యా ప్రభుత్వం కూడా దీనిని పరిగణలోకి తీసుకోవాలని ఇండియా రేటింగ్స్ అభిప్రాయపడింది. అయితే ఇళ్లు, ఇంధనంపై కాస్త ఊరట ప్రకటనలు రావొచ్చునని అంటున్నారు.

English summary

Union Budget 2022: Income Tax Relief Remains Doubtful In The Union Budget

Most analysts, rating agencies and individuals remain skeptical that there would be any income tax related benefits in the Union Budget 2022. The fiscal deficit of the government is not in the best of shape and the infra expenditure would have to be boosted to revive the economy. Apart from this welfare and healthcare measures would have to be resorted to, which would further need sustained expenditure from the government side.
Story first published: Friday, January 28, 2022, 12:32 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X