For Quick Alerts
ALLOW NOTIFICATIONS  
For Daily Alerts

ఉద్యోగులకు స్పైస్‌జెట్ షాక్, 30 శాతం వేతనం కట్! ఆ ఉద్యోగులకు భారీ ఊరట

|

కరోనా మహమ్మారి కారణంగా భారీగా నష్టపోయిన రంగాల్లో పర్యాటకం, విమానయాన రంగాలు ఉన్నాయి. ఈ రంగాల్లో వ్యాపారాలు లేక ఉద్యోగులకు వేతనాలు ఇచ్చే పరిస్థితులు కూడా లేవు. జాతీయ, అంతర్జాతీయ విమానాలు పూర్తిగా నిలిచిపోయాయి. ఈ నేపథ్యంలో వరుసగా విమానయాన సంస్థలు వేతన కోత ప్రకటనలు చేస్తున్నాయి. ఇప్పటికే ఎయరిండియా, గోఎయిర్, ఇండిగో, ఈ ప్రకటన చేయగా తాజాగా స్పైస్ జెట్ కూడా శాలరీ కట్ ప్రకటన చేసింది.

Covid-19: GoAir ఉద్యోగుల ఉద్యోగులకు షాక్, శాలరీలో కోత, 24 రోజులు పని చేసినా...

వేతనం తక్కువగా ఉంటే ఊరట

వేతనం తక్కువగా ఉంటే ఊరట

తమ ఉద్యోగులకు మార్చి నెల శాలరీకి గాను 30 శాతం ఉద్యోగాల కోతను విధించనున్నట్లు స్పైస్ జెట్ తెలిపింది. అయితే తక్కువ వేతనం ఉన్న ఉద్యోగులకు మినహాయింపు ఇచ్చింది. ఈ మేరకు స్పైస్ జెట్ సీఎండి అజయ్ సింగ్ మాట్లాడుతూ... అధిక వేతనాలు ఉన్న వారికి శాలరీ కట్ ఉంటుందని తెలిపారు.

ఉద్యోగాల తొలగింత లేదు

ఉద్యోగాల తొలగింత లేదు

ఉద్యోగులకు భారీగా ఊరటనిచ్చే ప్రకటన కూడా స్పైస్ జెట్ చేసింది. ప్రస్తుత క్లిష్ట పరిస్థితుల్లో ఉద్యోగుల తొలగింపు ఉండదని స్పష్టం చేసింది. కేవలం వేతన కోత మాత్రమే ఉంటుందని తెలిపింది. శాలరీ కట్ 10 శాతం నుండి 30 శాతం అమలు చేస్తామని తెలిపింది. మిడ్ టర్మ్ ఉద్యోగుల నుండి టాప్ ఉద్యోగుల వరకు ఈ కట్టింగ్ అమలు చేస్తామని పేర్కొంది.

అత్యధికంగా 30 శాతం

అత్యధికంగా 30 శాతం

తక్కువ వేతనం ఉన్న ఉద్యోగులపై ఈ ప్రభావం ఉండదని స్పైస్ జెట్ హామీ ఇచ్చింది. కరోనా సంక్షోభం నేపథ్యంలో కంపెనీ ఎండీ అజయ్ సింగ్ వేతనం అత్యధికంగా 30 శాతం తగ్గించాలని నిర్ణయించినట్లు కంపెనీ ఓ ప్రకటనలో తెలిపింది.

లీవ్ వితౌట్ పే

లీవ్ వితౌట్ పే

మార్చి 25వ తేదీ నుండి 31వ తేదీ వరకు లాక్ డౌన్ నేపథ్యంలో ఉద్యోగులకు వేతనాలు లేని లీవ్ ఇవ్వవలసిన పరిస్థితులు వచ్చాయని, అన్ని పాసింజర్ విమానాలు కూడా నిలిపివేశామని తెలిపింది. అయితే కార్గో, గ్రౌండ్ స్టాఫ్, క్రూ వంటి కొందరు ఉద్యోగులు ఈ సమయంలోను పని చేశారని, వారిపై ప్రభావం ఉండదని తెలిపింది. వారి వేతనాలు క్రెడిట్ అవుతాయని చెప్పింది.

కఠిన నిర్ణయాలు..

కఠిన నిర్ణయాలు..

కరోనా మహమ్మారి వ్యాప్తిని నిరోధించేందుకు స్పైస్ జెట్ కొన్ని కఠినమైన నిర్ణయాలు తీసుకోవాల్సి వచ్చిందని స్పైస్ జెట్ తెలిపింది. ఆర్థిక ప్రభావాన్ని తగ్గించుకునేందుకు ప్రభుత్వం నుండి విమానయాన సంస్థలు కొంత సాయం కోరాయని తెలిపింది. స్వదేశీ, అంతర్జాతీయ విమానయాన సంస్థలు ప్రస్తుతం అత్యంత కఠిన పరిస్థితులు ఎదుర్కొంటున్నాయని తెలిపింది.

English summary

SpiceJet announces 30 percent pay cut for employees

No frills carrier SpiceJet on Tuesday said that it will implement up to 30 per cent pay cut for its employees. This will be barring the lowest pay grades for the month of March. Ajay Singh, CMD, Spicejet will take the highest salary cut. The airline, however, has assured that there will be no job losses.
Story first published: Wednesday, April 1, 2020, 12:41 [IST]
Company Search