For Quick Alerts
ALLOW NOTIFICATIONS  
For Daily Alerts

ఉద్యోగులు, వ్యాపారుల కష్టాలు: శాలరీ రాక రుణాలు ఎగవేత!! బెస్ట్-వరస్ట్ నగరాలు, రాష్ట్రాలివే

|

గత కొంతకాలంగా ప్రపంచవ్యాప్తంగా, దేశవ్యాప్తంగా ఆర్థిక మందగమనం కొనసాగుతోన్న విషయం తెలిసిందే. రెండు నెలల క్రితం నరేంద్ర మోడీ ప్రభుత్వం తీసుకున్న చర్యలతో ఆటో రంగం సహా ఇప్పుడిప్పుడే కాస్త కోలుకునే పరిస్థితులు కనిపిస్తున్నాయి. ఆటో, ఎఫ్ఎంసీజీ, రియాల్టీ తదితర రంగాలు వినిమయం లేక, ఉత్పత్తి తగ్గించిన పరిస్థితుల్లో ఉద్యోగాలు కూడా కోల్పోవాల్సిన పరిస్థితులు. ఈ నేపథ్యంలో తాజాగా పేటీఎం భాగస్వామ్య ఆర్థిక సాంకేతిక సేవల సంస్థ క్రెడిట్‌మేట్ ఓ నివేదికలో షాకింగ్ అంశాలు వెల్లడించింది. 54 శాతం మంది లేట్ పేయర్స్, నాన్-ఎన్పీయేలు అని క్రెడిట్‌మేట్ సర్వేలో తేలింది.

రూ.2,400 తగ్గినా బంగారం కొనుగోలుకు ఆసక్తి లేదు.. ఎందుకంటే?

శాలరీ లేక.. వ్యాపారంలో నష్టం వల్ల

శాలరీ లేక.. వ్యాపారంలో నష్టం వల్ల

శాలరీలు ఆలస్యం వల్ల చాలామంది ఉద్యోగులు లేదా వ్యక్తులు తమ రుణాలు తిరిగి చెల్లించలేకపోతున్నారని ఈ నివేదిక సారాంశం. అదే విధంగా మందగమనం కారణంగా వ్యాపారాల్లో నష్టం వస్తుండటంతో వ్యాపారులు కూడా కట్టలేకపోతున్నారని కూడా పేర్కొంది. గత ఆరు నెలల కాలంలో 30 రాష్ట్రాల్లో 40 రుణ సంస్థలు ఇచ్చిన 2 లక్షల రిటైల్ రుణ ఖాతాలను పరిశీలించింది. ఇందులో చాలా వరకు NBFCలు ఉన్నాయి.

రిటైల్ రుణాలకు ప్రాధాన్యత.. కానీ

రిటైల్ రుణాలకు ప్రాధాన్యత.. కానీ

ప్రపంచవ్యాప్తంగా ఉన్న మందగమనం మన దేశంలో కూడా రుణ వసూళ్లపై ప్రభావం చూపుతోందని ఈ నివేదిక పేర్కొంది. అలాగే దేశంలో నిరుద్యోగిత నాలుగు దశాబ్దాల కనిష్టానికి, వృద్ధి రేటు ఆరేళ్ల కనిష్టానికి పడిపోయింది. దీంతో పాటు కార్పోరేట్ రుణాల గిరాకీ తగ్గి రిటైల్ రుణాలకే బ్యాంకులు ప్రాధాన్యమిస్తున్నాయి. మందగమనం, రిటైల్ రుణాలకు బ్యాంకులు ప్రాధాన్యం ఇవ్వడాన్ని పరిగణలోకి తీసుకుంటే తాజా నివేదిక ప్రకారం ముందు ముందు రుణాల తిరిగి చెల్లింపుపై మరింత ప్రభావం పడే అవకాశముందని చెబుతోంది.

రుణ చెల్లింపుల్లో వైఫల్యం.. వేతనాల ఆలస్యం వల్లే ఎక్కువ

రుణ చెల్లింపుల్లో వైఫల్యం.. వేతనాల ఆలస్యం వల్లే ఎక్కువ

బ్యాంకులు ఎక్కువగా రిటైల్‌ రుణాలపై దృష్టి పెట్టడం, మందగమంతో రిటైల్ రుణాల వసూళ్లు కష్టంగా మారడం ఇబ్బందికరమేనని అంటున్నారు. రిటైల్ రుణాల వసూళ్లను కింది అంశాలు ప్రధానంగా దెబ్బతీస్తున్నట్లు క్రెడిట్‌మేట్ తెలిపింది.

- వేతనాల ఆలస్యం వల్ల 36 శాతం

- వ్యాపారాల నష్టం లేదా మూసివేత వల్ల 29 శాతం

- వైద్యపరమైన అత్యవసర ఖర్చుల వల్ల13 శాతం

- ఉద్యోగాలు పోవడం వల్ల 12 శాతం

- ఉపాధి కోసం వలసల వల్ల 10 శాతం ఉన్నట్లుగా పేర్కొంది.

పురుషుల కంటే మహిళలు బెట్టర్

పురుషుల కంటే మహిళలు బెట్టర్

రుణాల చెల్లింపుల్లో పురుషుల కంటే మహిళలు నయంగా కనిపిస్తున్నారు. బకాయిల చెల్లింపుల్లో మహిళలు ముందున్నారు. డిఫాల్టర్లలో 82 శాతం పురుషులే కావడం గమనార్హం. అంతేకాదు పేరుకుపోయిన రుణ బకాయిలను పురుషులతో పోలిస్తే మహిళలు 11 శాతం వేగంగా చెల్లిస్తున్నారు.

రుణాల చెల్లింపులో నగరాల పరిస్థితి..

రుణాల చెల్లింపులో నగరాల పరిస్థితి..

రుణాల చెల్లింపులో ముంబై, అహ్మదాబాద్, సూరత్ పట్టణాలు ముందున్నాయి. అలాగే, ఢిల్లీ, బెంగళూరు, పుణే నగరాలు అధ్వాన్నంగా ఉన్నాయి.

రుణాల చెల్లింపులో రాష్ట్రాల పరిస్థితి..

రుణాల చెల్లింపులో రాష్ట్రాల పరిస్థితి..

రుణాల చెల్లింపులో ఒడిశా, చత్తీస్‌గఢ్, బీహార్, గుజరాత్ రాష్ట్రాలు ముందున్నాయి. మధ్యప్రదేశ్, హర్యానా, ఢిల్లీ-ఎన్సీఆర్, తమిళనాడు రాష్టారులు వెనుకబడి ఉన్నాయి. బెస్ట్ పేమెంట్ రేట్‌లో గోవా కూడా ముందుంది.

English summary

Salary delays, biz downturn top reasons for EMI default

Salary delays are the biggest reason for loan defaults by individual borrowers, followed by business downturns, says a survey. The survey comes months after official data showed that unemployment is at a four-decade high, the pace of economic growth slipping to a six-year low, and banks increasingly rely on retail loans to expand books as corporate credit demand is a far cry.
Story first published: Tuesday, December 10, 2019, 7:41 [IST]
Company Search
Thousands of Goodreturn readers receive our evening newsletter.
Have you subscribed?
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more