For Quick Alerts
ALLOW NOTIFICATIONS  
For Daily Alerts

ప్రభుత్వరంగ బ్యాంకుల్లో అదే పెద్ద సమస్య: రఘురాం రాజన్, ప్రయివేటీకరణపై...

|

ప్రభుత్వరంగ బ్యాంకులను ఒకేసారి ప్రయివేటీకరించకపోయినప్పటికీ, ప్రయోగాత్మకంగా ఒకటి రెండింటిని ప్రయివేటీకరించి చూడాలని ఆర్బీఐ మాజీ గవర్నర్ రఘురాంరాజన్ అన్నారు. సీనియర్ జర్నలిస్ట్ తమల్ బందోపాధ్యాయ రచించిన 'పాండెమోనియం: ది గ్రేట్ ఇండియన్ బ్యాంకింగ్ ట్రాజెడీ' త్వరలో విడుదల కానుంది. ఈ పుస్తకంలో మాజీ గవర్నర్లు రఘురాం రాజన్, వైవీ రెడ్డి, దువ్వూరి సుబ్బారావు, సీ రంగరాజన్ హెచ్చరికలు జారీ చేశారు.

నరేంద్రమోడీ వల్లే అవుతుంది: బ్యాంకులపై దువ్వూరి సుబ్బారావు కీలక వ్యాఖ్య

ఎన్పీఏ సమస్యకు కారణమిదే... రఘురాం రాజన్

ఎన్పీఏ సమస్యకు కారణమిదే... రఘురాం రాజన్

కంపెనీలు అవసరానికి మించిపెట్టిన పెట్టుబడులు, ప్రాజెక్టులకు ఆర్థిక సహాయం అందించడంలో బ్యాంకులు ప్రదర్శించిన అత్యుత్సాహం, సత్వర స్పందన చర్యలు తీసుకోవడంలో వైఫల్యం ఎన్పీఏ సమస్య పెరగడానికి మూల కారణాలని రఘురాం రాజన్ అన్నారు. దేశీయ బ్యాంకుల ఎన్పీఏలు ఏ దేశంలోను లేనంత భారీస్థాయికి పెరిగాయన్నారు. కరోనాతో దెబ్బతిన్న ఆర్థిక వ్యవస్థకు బ్యాంకుల నిరర్థక ఆస్తులతో ముప్పు పొంచి ఉందన్నారు. ప్రభుత్వరంగ బ్యాంకులను ఒకేసారి కాకపోయినా ప్రయోగాత్మకంగా ఒకటి రెండింటిని ప్రయివేటీకరించి చూడాలన్నారు. ప్రభుత్వ రంగ బ్యాంకుల్లో ప్రభుత్వ జోక్యమే పెద్దసమస్య అన్నారు.

విదేశీ సంస్థల బ్యాంకుల ఆధిపత్యం పెరుగుతుంది

విదేశీ సంస్థల బ్యాంకుల ఆధిపత్యం పెరుగుతుంది

ప్రభుత్వరంగ బ్యాంకుల విలీనంతో సమస్య పరిష్కారం కాదని, ప్రధాన సమస్య పాలనాపరమైన లోపాలు అని వైవీ రెడ్డి అన్నారు. ప్రభుత్వం క్రమంగా తప్పకుండా మూలధనాన్ని సమకూర్చుతున్నప్పటికీ, ప్రభుత్వరంగ బ్యాంకులు తమ మార్కెట్ వాటాను కోల్పోతున్నాయన్నారు. ఇలాగే ఉంటే కొంతకాలానికి బ్యాంకింగ్ రంగంలో విదేశీ సంస్థలు అధిక వాటాదారులుగా ఉన్న ప్రయివేటు బ్యాంకుల ఆధిపత్యం పెరిగిపోతుందని ఆందోళన వ్యక్తం చేశారు. ప్రభుత్వం బ్యాంకుల మూలధనం కోసం ప్రజాధనాన్ని వినియోగించాల్సి వస్తోందన్నారు.

ఎస్బీఐ ప్రభుత్వ బ్యాంకుగా..

ఎస్బీఐ ప్రభుత్వ బ్యాంకుగా..

ప్రభుత్వ అజమాయిషీలో కొన్ని బ్యాంకులు ఉంటే సరిపోతుందని, ఎన్ని బ్యాంకులు ఉండాలనే అంశం ప్రభుత్వం ఆర్థిక సత్తా పైన ఆధారపడి ఉంటుందని డాక్టర్ రంగరాజన్ అన్నారు. ఎస్బీఐ ప్రభుత్వ బ్యాంకుగా ఉండాలని, ఇది కాక మరిన్ని ప్రభుత్వ బ్యాంకులు ఉంటే చాలునని చెప్పారు.

English summary

Raghuram Rajan blames excessive investments by companies and the exuberance of bankers

Raghuram Rajan blames excessive investments by companies and the exuberance of bankers, coupled with inability to act fast as the prime causes for NPAs (Non-Performing Assets).
Story first published: Tuesday, November 3, 2020, 14:19 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X