For Quick Alerts
ALLOW NOTIFICATIONS  
For Daily Alerts

ఆయిల్ కంపెనీల దండయాత్ర కంటిన్యూ: ఈ సారి మరింత తీవ్రం

|

న్యూఢిల్లీ: దేశంలో ఇంధన ధరలు మరోసారి భగ్గుమన్నాయి. కేంద్ర ప్రభుత్వ ఆధీనంలోని చమురు సంస్థలు మళ్లీ..మళ్లీ వాహనదారులపై భారాన్ని మోపుతూనే వస్తోన్నాయి..దండయాత్ర సాగిస్తోన్నాయి. కరోనా వైరస్ సంక్షోభ పరిస్థితుల్లో ఆర్థికంగా ఇబ్బందుల పాలైన కోట్లాది కుటుంబాలపై అదనపు భారం పడుతూనే ఉంది. ఏ మాత్రం కనికరం చూపట్లేదు ఆయిల్ కంపెనీలు. ఈ పెంపుదలలో కూడా కొత్త పుంతలను తొక్కుతోన్నాయి చమురు కంపెనీలు. రోజువారీ పెట్రోల్ రేట్ల పెంపుదల మొత్తాన్ని పైసా పైసా అధికం చేస్తోన్నాయి.

పెట్రో రేట్ల పెంపుదలను నిరసిస్తూ దేశవ్యాప్తంగా బీజేపీయేతర పార్టీలు నిరసన ప్రదర్శనలకు దిగుతోన్నప్పటికీ చమురు కంపెనీలు వాటిని ఏ మాత్రం పట్టించుకోవట్లేదనేది రోజువారీ పెంపుదలతో స్పష్టమౌతోంది. భారత్ పెట్రోలియం కార్పొరేషన్ లిమిటెడ్ తాజాగా చేసిన సవరణల ప్రకారం- పెట్రోల్‌పై 35 పైసలు, డీజిల్‌పై 26 పైసల మేర పెంపుదల కనిపించింది. దీనితో దేశ రాజధానిలో పెట్రోల్ లీటర్ రూ.100.91 పైసలకు చేరింది. డీజిల్ 89.88 పైసలుగా నమోదైంది.

ఆయిల్ కంపెనీల దండయాత్ర కంటిన్యూ: ఈ సారి మరింత తీవ్రం

దేశ ఆర్థిక రాజధాని ముంబైలో పెట్రోల్ రేటు 106 రూపాయలను దాటింది. లీటర్ ఒక్కింటికి రూ.106.93 పైసలు పలుకుతోంది. అక్కడ డీజిల్‌ ధర 97.46. చెన్నైలో పెట్రోల్ రూ.101.67, డీజిల్‌ ధర రూ.94.39 పైసలుగా నమోదైంది. తాజా పెంపుతో కోల్‌కతలో పెట్రోల్ ధర రూ.101.01 పైసలుగా నమోదైంది. డీజిల్‌ ధర రూ.92.97గా ఉంటోంది. బెంగళూరులో పెట్రోల్ రేటు రూ.104.29, డీజిల్ రూ.95.26 పైసలు, హైదరాబాద్‌లో పెట్రోల్ రూ.104.86, డీజిల్ రూ.97.96 పైసలు పలుకుతోంది.

భోపాల్‌లో పెట్రోల్ రూ.109.24 పైసలు, డీజిల్ రూ.98.67 పైసలుగా రికార్డయింది. పాట్నాలో పెట్రోల్ రూ.103.69 పైసలు, డీజిల్ రూ.95.94, లక్నోలో పెట్రోల్ రూ.98.02 పైసలు, డీజిల్ రూ.90.28 పైసలకు చేరింది. లక్నో వంటి ఒకట్రెండు నగరాలు మినహా దాదాపు అన్నీ వంద రూపాయలకు పైగా చేరాయి. తిరువనంతపురంలో పెట్రోల్ రూ.102.89 పైసలు, డీజిల్ రూ.96.47 పైసలు, జైపూర్‌లో పెట్రోల్ రూ.107.74 పైసలు, డీజిల్ రూ.99.02 పైసలు, చండీగఢ్‌లో పెట్రోల్ రూ.97.04 పైసలు, డీజిల్ రూ.89.51, భువనేశ్వర్‌లో పెట్రోల్ రూ.101.37, డీజిల్ రూ.97.67 పైసలకు చేరింది.

English summary

Petrol, diesel prices hiked again on July 7, 2021: Check rates your cities are here

On Saturday, petrol was hiked by 35 paise per litre, diesel by 26 paise across the country. Fuel prices are at an all-time high as consumers now have to shell out over Rs 100 for a litre of petrol in most Indian cities.
Story first published: Saturday, July 10, 2021, 9:52 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X