For Quick Alerts
ALLOW NOTIFICATIONS  
For Daily Alerts

ఇక 3 రోజుల్లోనే మొబైల్ నంబర్ పోర్టబులిటీ.. 16 నుంచి అమలు

|

ఇక మీదట ఎంఎన్‌పీ.. అంటే మొబైల్ నంబర్ మారకుండా, నెట్‌వర్క్ ఆపరేటర్‌ను మార్చుకునేందుకు వీలయ్యే మొబైల్ నంబర్ పోర్టబులిటీ మూడు రోజుల్లోనే పూర్తికానుంది. ఈ మేరకు ఈ ప్రక్రియకు సంబంధించి సవరించిన నిబంధనలను ప్రజల దృష్టికి తీసుకొచ్చేందుకు వీలుగా టెలికాం రెగ్యులేటరీ అథారిటీ ఆఫ్ ఇండియా(ట్రాయ్) ఒక పబ్లిక్ నోటీసు జారీ చేసింది.

ట్రాయ్ ఆదేశాల ప్రకారం.. ఈ నెల 16 నుంచి ఎంఎన్‌పీ కొత్త ప్రక్రియ అమలులోకి వస్తోంది. ఈ కొత్త విధానం ప్రకారం.. ఒకే సర్కిల్ ప్రాంతంలో ఎంఎన్‌పీకి దరఖాస్తు చేసుకుంటే, యూపీసీ కోడ్.. అంటే యూనిక్ పోర్టింగ్ కోడ్ విడుదలకు 3 రోజులు, వేర్వేరు సర్కిళ్ల పరిధిలో అయితే కోడ్ విడుదలకు 5 రోజులు గడువిస్తారు.

ఇక 3 రోజుల్లోనే ఎంఎన్‌పీ.. 16 నుంచి అమలు

అయితే ఈ కొత్త మొబైల్ నంబర్ పోర్టబులిటీ ప్రక్రియ గడువు కేవలం వ్యక్తులకు మాత్రమే వర్తిస్తుంది. కార్పొరేట్ కనెక్షన్లకు సంబంధించిన ఎంఎన్‌పీ గడువు సమయాలలో మార్పేమీ లేదు. ఇక మొబైల్ నంబర్ పోర్టబులిటీ కోసం దరఖాస్తు చేసుకున్నప్పుడు జారీ అయ్యే యూనిక్ పోర్టింగ్ కోడ్(యూపీసీ) నాలుగు రోజులపాటు పనిచేస్తుంది. అయితే జమ్మూ కశ్మీర్, అస్సోం, ఈశాన్య రాష్ట్రాల్లో మాత్రం ఈ యూపీసీ గడువు 30 రోజులపాటు ఉంటుంది.

ఏ నెట్‌వర్క్ యూజర్లయినా సరే.. ఎంఎన్‌పీకి దరఖాస్తు చేసుకోవచ్చు. కానీ ప్రస్తుతం ఉన్న నెట్‌వర్క్ ఆపరేటర్ వద్ద 90 రోజులకు మించి సేవలు పొందుతూ ఉండాలి. అలాగే ప్రస్తుత ఆపరేటర్ వద్ద ఎలాంటి బకాయిలు ఉండరాదు. బిల్లుకు సంబంధించి ఏదైనా బకాయి ఉన్నప్పుడు యూపీసీ సాధ్యపడదు. అలాగే సబ్‌స్క్రిప్షన్ అగ్రిమెంట్‌కు సంబంధించిన షరతులన్నీ నెరవేర్చి ఉండాలి.

15 వరకు ఎంఎన్‌పీ సేవలు నిలిపివేత...

మొబైల్ నంబర్ పోర్టబులిటీ ప్రక్రియలో మార్పులు చేస్తున్నందువల్ల పాత పద్ధతిని ఈ నెల 10 నుంచి 15 వరకు.. ఐదు రోజులపాటు నిలిపివేశారు. ఈ తేదీకి ముందుగా ఎంఎన్‌పీకి దరఖాస్తు చేసుకున్న వారికి సంబంధించి మాత్రమే ఈ ప్రక్రియ జరుగుతుంది. ఈనెల 16 నుంచి ఎంఎన్‌పీ కొత్త ప్రక్రియ మొదలవుతుంది.

English summary

New MNP Rules to Apply From 16 December, says TRAI

The new Mobile Number Portability (MNP) rules mandated by the Telecom Regulatory Authority of India (TRAI), Government of India will officially come into place from 16 December 2019. The rules will apply to all subscribers and service providers across India.
Story first published: Friday, December 13, 2019, 16:44 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more