For Quick Alerts
ALLOW NOTIFICATIONS  
For Daily Alerts

చందా కొచ్చర్ కు ఊరట .. బెయిల్ మంజూరు చేసిన ముంబై కోర్టు .. కండీషన్స్ ఇవే !!

|

మనీలాండరింగ్ కేసులో ఐసిఐసిఐ బ్యాంక్ మాజీ సీఈవో చందా కొచ్చర్ కు ఊరట లభించింది . మనీలాండరింగ్ కేసులో ముంబై కోర్టు శుక్రవారం ఐసిఐసిఐ బ్యాంక్ మాజీ సిఈఓ చందా కొచ్చర్‌కు ₹ 5 లక్షల వ్యక్తిగత పూచీకత్తుపై బెయిల్ మంజూరు చేసింది. అనుమతి లేకుండా దేశం వదిలి వెళ్లొద్దు అని ఆదేశించింది .

మూడో త్రైమాసిక ఫలితాల్లో పుంజుకున్న టాటా స్టీల్స్ లిమిటెడ్ .. క్యూ3 లాభం రూ. 4,010.94 కోట్లు

ముంబై నగరంలోని సెషన్స్ కోర్టులో హాజరైన చందా కొచ్చర్

ముంబై నగరంలోని సెషన్స్ కోర్టులో హాజరైన చందా కొచ్చర్

నిబంధనలకు విరుద్ధంగా వీడియోకాన్ రుణాల కేసులో నిందితురాలైన ఐసిఐసిఐ బ్యాంక్ మాజీ ఎండి చందా కొచ్చర్ శుక్రవారం ముంబై నగరంలోని సెషన్స్ కోర్టులో హాజరయ్యారు. ప్రత్యేక న్యాయమూర్తి ఎ ఎ నంద్‌గోంకరాండ్ ముందు చందా కొచ్చర్ హాజరయ్యారు. 2009- 2011 సంవత్సరాలలో వీడియోకాన్ ఛైర్మన్ వేణుగోపాల్ దూత్, వీడియోకాన్ గ్రూప్ కంపెనీకి సంబంధించి 1875 కోట్ల రూపాయల రుణం మంజూరు చేసిన వ్యవహారంలో చందా కొచ్చర్ , ఆమె భర్త దీపక్ కొచ్చర్ అక్రమాలకు పాల్పడ్డారని వీరిపై ఎన్ ఫోర్స్ మెంట్ డైరెక్టరేట్ 2019లో కేసు నమోదు చేసింది.

 విదేఒకాన్ రుణాల కేసులో ఈడీ విచారణ ఎదుర్కొంటున్న చందా కొచ్చర్

విదేఒకాన్ రుణాల కేసులో ఈడీ విచారణ ఎదుర్కొంటున్న చందా కొచ్చర్

ఇక సిబిఐ దర్యాప్తులో వీడియోకాన్ కు మంజూరు చేసిన రుణాల వ్యవహారంలో చందాకొచ్చర్ ప్రమేయం ఉందని తేలింది. చందా కొచ్చర్ పదవిని దుర్వినియోగం చేశారని, క్విడ్ ప్రోకో కు పాల్పడ్డారని సీబీఐ కేసు నమోదు చేసింది. ఈ కేసులో చందాకొచ్చర్ ను కోర్టు విచారించింది. చందా కొచ్చర్, దీపక్ కొచ్చర్ , వేణుగోపాల్ ధూత్ మరియు ఇతరులపై సిబిఐ నమోదు చేసిన ఎఫ్ఐఆర్ ఆధారంగా మనీలాండరింగ్ క్రిమినల్ కేసు నమోదు చేసిన తరువాత 2020 సెప్టెంబర్‌లో దీపక్ కొచ్చర్‌ను ఈడీ అరెస్టు చేసింది.

వీడియోకాన్ కేసులో న్యుపవర్ రెన్యూవబుల్స్ లిమిటెడ్ కు నగదు బదిలీ

వీడియోకాన్ కేసులో న్యుపవర్ రెన్యూవబుల్స్ లిమిటెడ్ కు నగదు బదిలీ

చందా కొచ్చర్ నేతృత్వంలోని ఐసిఐసిఐ బ్యాంక్ కమిటీ వీడియోకాన్ ఇంటర్నేషనల్ ఎలక్ట్రానిక్స్ లిమిటెడ్‌కు మంజూరు చేసిన రూ .300 కోట్లలో 64 కోట్ల రూపాయలను వీడియోకాన్ ఇండస్ట్రీస్ న్యుపవర్ రెన్యూవబుల్స్ ప్రైవేట్ లిమిటెడ్ (ఎన్‌ఆర్‌పిఎల్) కు సెప్టెంబర్‌లో బదిలీ చేసినట్లు ఈడీ ఆరోపించింది. 2009లో రుణం పంపిణీ చేసిన ఒక రోజు తరువాత ఎన్‌ఆర్‌పిఎల్‌ను ఇంతకు ముందు న్యుపవర్ రెన్యూవబుల్స్ లిమిటెడ్ (ఎన్‌ఆర్‌ఎల్) అని పిలిచేవారు, దీనిని దీపక్ కొచ్చర్ సొంతం చేసుకున్నారని ఈడీ తెలిపింది.

 చందా కొచ్చర్ కు బెయిల్ మంజూరు చేసిన కోర్టు అనుమతి లేకుండా దేశం విడిచి వెళ్ళకుండా ఆదేశాలు

చందా కొచ్చర్ కు బెయిల్ మంజూరు చేసిన కోర్టు అనుమతి లేకుండా దేశం విడిచి వెళ్ళకుండా ఆదేశాలు

ఇదే కేసుకు సంబంధించి గత ఏడాది సెప్టెంబర్‌లో భర్త దీపక్ కొచ్చర్‌ను అరెస్టు చేసిన విషయం తెలిసిందే . చందా కొచ్చర్ కు బెయిల్ మంజూరు చేసిన కోర్టు అనుమతి లేకుండా దేశం విడిచి వెళ్ళకుండా ఆదేశించింది . కోర్టు అనుమతి లేకుండా ఆమె దేశం విడిచి వెళ్ళలేరు. వీడియోకాన్ కేసుతో పాటు ,చందా కొచ్చర్ పదవీకాలంలో ఐసిఐసిఐ బ్యాంక్ ఇచ్చిన రెండు ఇతర రుణాలను కూడా ఈడీ పరిశీలిస్తోంది . గుజరాత్ కు చెందిన ఔషధ సంస్థ స్టెర్లింగ్ బయోటెక్ మరియు భూషణ్ స్టీల్ గ్రూప్ కు ఇచ్చిన రుణాలపై కూడా మనీలాండరింగ్ ఆరోపణలపై విచారణ జరుపుతుంది .

English summary

Mumbai court grants bail to Chanda Kochhar, ordered not to leave country without permission

Former ICICI Bank CEO Chanda Kochhar has been granted bail - on a bond of ₹ 5 lakh - by a Mumbai court on Friday in connection with an alleged money laundering case. Ms Kochhar, whose husband Deepak Kochhar was arrested in September last year in connection with the same case, cannot leave country without the permission of the court.
Story first published: Friday, February 12, 2021, 15:12 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X