For Quick Alerts
ALLOW NOTIFICATIONS  
For Daily Alerts

టాప్ 10 కంపెనీల మార్కెట్ క్యాప్ రూ.1.2 లక్షలు డౌన్

|

ముంబై: గతవారం టాప్ 10 కంపెనీల్లోని ఎనిమిది కంపెనీల మార్కెట్ క్యాపిటలైజేషన్ రూ.1,23,670.47 కోట్లు నష్టపోయింది. గతవారం బీఎస్ఈ బెంచ్‌మార్క్ సెన్సెక్స్ 654.54 పాయింట్లు లేదా 1.26 శాతం ఎగిసింది. గతవారం కేవలం రిలయన్స్ ఇండస్ట్రీస్ లిమిటెడ్, ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా మాత్రమే లాభపడ్డాయి. భారీగా నష్టపోయిన కంపెనీల్లో దేశీయ రెండో అతిపెద్ద కంపెనీ టాటా కన్సల్టెన్సీ సర్వీసెస్ (TCS) ఉంది. బడ్జెట్ అనంతరం మార్కెట్లు వరుసగా లాభపడ్డాయి. దీంతో గతవారం ఇన్వెస్టర్లు ప్రాఫిట్ బుకింగ్‌కు మొగ్గుచూపారు.

నష్టపోయిన కంపెనీలు

నష్టపోయిన కంపెనీలు

భారీగా నష్టపోయిన కంపెనీల్లో ఐటీ దిగ్గజం టీసీఎస్‌తో పాటు హెచ్‌డీఎఫ్‌సీ, బజాజ్ ఫైనాన్స్, ఐసీఐసీఐ బ్యాంకు వంటివి ఉన్నాయి.

టాటా కన్సల్టెన్సీ సర్వీసెస్ మార్కెట్ క్యాపిటలైజేషన్ రూ.44,672.14 కోట్లు క్షీణించి రూ.11,52,770.11 కోట్లకు పడిపోయింది.

HDFC బ్యాంకు మార్కెట్ క్యాప్ రూ.23,964.99 కోట్లు పడిపోయి రూ.8,47,754.65 కోట్లకు పతనమైంది.

ICICI బ్యాంకు మార్కెట్ క్యాపిటలైజేషన్ రూ.16,146.38 కోట్లు పతనమై రూ.4,31,177.44 కోట్లకు తగ్గింది.

హిందూస్తాన్ యూనీలీవర్ మార్కెట్ క్యాప్ రూ.14,273.56 కోట్లు క్షీణించి రూ.5,12,473.46 కోట్లకు చేరింది.

HDFC మార్కెట్ క్యాప్ రూ.9,408.05 కోట్లు తగ్గి రూ.4,92,908.61 కోట్లు పడిపోయింది.

ఇన్ఫోసిస్ మార్కెట్ క్యాప్ రూ.7,735.21 కోట్లు తగ్గి రూ.5,50,100.64 కోట్లకు చేరింది.

బజాజ్ ఫైనాన్స్ మార్కెట్ క్యాప్ రూ.4,667.04 కోట్లు క్షీణించి రూ.3,31,365.79 కోట్లుగా నమోదయింది.

కొటక్ మహీంద్రా బ్యాంకు మార్కెట్ క్యాప్ రూ.2,803.1 కోట్లు తగ్గి రూ.3,83,777.06 కోట్లుగా ఉంది.

రిలయన్స్, ఎస్బీఐ జంప్

రిలయన్స్, ఎస్బీఐ జంప్

దేశీయ అతిపెద్ద కంపెనీ రిలయన్స్ ఇండస్ట్రీస్ మార్కెట్ క్యాప్ రూ.24,914 కోట్లు పెరిగి రూ.13,18,952.34 కోట్లకు చేరుకుంది.

ఎస్బీఐ మార్కెట్ క్యాప్ రూ.5,488.63 కోట్లు పెరిగి రూ.3,56,404.36 కోట్లకు చేరుకుంది. రిలయన్స్ ఇండస్ట్రీస్ మార్కెట్ క్యాప్ రెండు వారాలుగా పెరుగుతోంది. గతవారమే రిలయన్స్ షేర్ రూ.2000ను దాటింది.

టాప్ టెన్ కంపెనీలు

టాప్ టెన్ కంపెనీలు

టాప్ 10 మోస్ట్ వ్యాల్యూడ్ కంపెనీలు వరుసగా రిలయన్స్, TCS, HDFC బ్యాంకు, ఇన్ఫోసిస్, హిందూస్తాన్ యూనీలీవర్ లిమిటెడ్, HDFC, ICICI బ్యాంకు, కొటక్ మహీంద్ర బ్యాంకు, SBI, బజాజ్ ఫైనాన్స్ ఉన్నాయి. రిలయన్స్ ఇండస్ట్రీస్ మార్కెట్ క్యాప్ గతవారం రూ.13 లక్షలకోట్లను క్రాస్ చేయగా, టీసీఎస్ మార్కెట్ క్యాప్ రూ.12 లక్షల కోట్ల దిగువకు వచ్చింది.

English summary

Market cap of eight of top 10 most valued firms tumbles over Rs 1.2 trillion

Eight of the top 10 most-valued companies together witnessed an erosion of Rs 1,23,670.47 crore from market valuation last week, in-line with a bearish broader market trend.
Story first published: Sunday, February 21, 2021, 17:05 [IST]
Company Search