For Quick Alerts
ALLOW NOTIFICATIONS  
For Daily Alerts

జియో-ఫేస్‌బుక్ డీల్ ఎఫెక్ట్: అదే వ్యూహంతో అమెజాన్ దూకుడు, రూ.10వేల కోట్లతో పైలట్ ప్రాజెక్టు

|

రిలయన్స్ జియో-ఫేస్‌బుక్ ఇటీవల5.7 బిలియన్ డాలర్ల కీలక ఒప్పందం కుదుర్చుకున్న విషయం తెలిసిందే. స్థానిక దుకాణదారులు, కిరాణా స్టోర్స్‌కు ఊతమిచ్చేలా ఈ ఒప్పందం ఉంది. ఇది ఈ-కామర్స్ దిగ్గజాలు ఫ్లిప్‌కార్ట్, అమెజాన్‌లకు గట్టి దెబ్బ కానుంది. ఈ నేపథ్యంలో అమెజాన్ అప్రమత్తమైంది. ఫేస్‌బుక్ - జియో డీల్ అనంతరం అమెజాన్ స్థానిక కిరణా స్టోర్స్ నుండి అమ్మకాలు ప్రారంభించింది.

ఎక్స్‌క్లూజివ్ కాదు: రిలయన్స్ జియో-ఫేస్‌బుక్ కొత్త ట్విస్ట్, ఎవరికి ఎలా లాభం?

అమెజాన్ 6 నెలల పైలట్ ప్రాజెక్టు

అమెజాన్ 6 నెలల పైలట్ ప్రాజెక్టు

'లోకల్ షాప్స్ ఆన్ అమెజాన్' పేరుతో పైలట్ ప్రోగ్రామ్‌ను ప్రారంభించింది అమెజాన్. ఇది ఆరు నెలల పాటు కొనసాగుతుంది. దేశంలోని 100కు పైగా నగరాలలో 5వేల స్థానిక రిటైల్ షాపుల భాగస్వామ్యంతో కిరాణ్, ఇతర అవసరమైన సరుకులను వినియోగదారులకు అందించనుంది. కరోనా, లాక్ డౌన్ నేపథ్యంలో అత్యవసర వస్తువులతో పాటు ఇతర ఉత్పత్తుల విక్రయానికి కూడా అనుమతివ్వాలని రిటైలర్లు ప్రభుత్వాన్ని కోరుతున్నారు. ఈ సమయంలో అమెజాన్ తాజా వ్యూహంతో ముందుకు వచ్చింది.

ఇవన్నీ దొరుకుతాయి

ఇవన్నీ దొరుకుతాయి

వినియోగదారులు దగ్గరలోనే సాధ్యమైనంత ఎక్కువ సెలక్షన్, వేగవంతమైన డెలివరీ ఉంటుందని, స్థానిక దుకాణాలను ఇది డిజిటల్ స్టోర్స్‌గా మారుస్తుందని అమెజాన్ ఇండియా సెల్లర్ సర్వీసెస్ వైస్ ప్రెసిడెంట్ గోపాల్ పిళ్లై అన్నారు. అమెజాన్ లోకల్ షాప్స్ ద్వారా ఎలక్ట్రానిక్ ఐటమ్స్ నుండి మ్యాట్రెస్, కిచెన్ ఐటమ్స్, గ్రాసరీ, కన్స్యూమర్స్, అప్పారెల్, షూస్, గిఫ్ట్, తాజా పూవులు, కేక్స్ వంటి వివిధ వస్తువులను కొనుగోలు చేయవచ్చు.

ఈ నగరాల్లో..

ఈ నగరాల్లో..

టాప్ మెట్రోలు, టైర్ 1, టైర్ 2 నగరాలు బెంగళూరు, ముంబై, ఢిల్లీ, హైదరాబాద్, పూణే, జైపూర్, అహ్మదాబాద్, కోయంబత్తూర్, సూరత్, ఇండోర్, లక్నో, సహారాన్‌పూర్, ఫరీదాబాద్, కోటా, వారణాసి తదితర నగరాల్లో రిటైలర్స్ సిద్దంగా ఉన్నారని అమెజాన్ తెలిపింది. స్థానిక దుకాణాల నుండి తమకు కావాల్సింది ఎంపిక చేసుకోవడం, వేగవంత డెలివరీతో కస్టమర్లకు ప్రయోజనం, దుకాణదారులకు తమ ప్రాంతానికి మించి వ్యాపారం విస్తరించుకోవడానికి అవకాశం.. మొత్తానికి ఇది విన్ టు విన్‌గా ఉంటుందని తెలిపారు. ఈ పైలట్ ప్రాజెక్టు కోసం రూ.10 కోట్ల పెట్టుబడితో 100కు పైగా నగరాల్లో 5,000 మంది స్థానిక దుకాణాలను, రిటైలర్లను తన ప్లాట్ ఫాంలో చేర్చుకుంటామని తెలిపారు.

స్థానిక కిరాణాలతో జత

స్థానిక కిరాణాలతో జత

ప్రపంచంలో ఎక్కడైనా ఇండియాలోని స్థానిక షాప్స్ సరుకుల్ని ఆన్‌లైన్ ద్వారా విక్రయించుకోవడానికి తమ టెక్నాలజీని వినియోగించుకోవచ్చునని అమెజాన్ ఇండియా తెలిపింది. వినియోగదారులకు ఖచ్చితమైన డెలివరీ కోసం అమెజాన్ డెలివరీ యాప్‌ను ఉపయోగించాలని, అన్ని సరుకుల రవాణాను రోజూ ట్రాక్ చేస్తామని తెలిపింది. తాము స్థానిక కిరాణా దుకాణాలతో జత కడతామని అమెజాన్ ఇండియా తెలిపింది. ఐ హావ్ స్పేస్ ద్వారా డెలివరీ, పికప్ పాయింట్స్‌గా పని చేసి అదనపు ఆదాయం పొందవచ్చునని కూడా అమెజాన్ తెలిపింది. అలాగే వాకిన్ కస్టమర్లకు అమెజాన్ ఈజీని అందుబాటులోకి తెచ్చింది.

English summary

Jio Facebook deal: Amazon begins selling items from neighborhood stores in India

The race to win the ubiquitous neighborhood stores is on in India. A day after Facebook invested $5.7 billion in Reliance Jio Platforms to serve tens of millions of neighborhood stores in the country, the world’s largest e-commerce firm has launched “Local Shops on Amazon.
Story first published: Friday, April 24, 2020, 16:05 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more