For Quick Alerts
ALLOW NOTIFICATIONS  
For Daily Alerts

ITR filing: దగ్గరికొచ్చిన డెడ్‌లైన్..పోర్టల్ స్లో డౌన్: సోషల్ మీడియా షేక్

|

న్యూఢిల్లీ: కొత్త సంవత్సరం సమీపించింది. ఇంకొక్క రోజే మిగిలివుంది. డిసెంబర్ 31వ తేదీ నాటికి ప్రస్తుత ఆర్థిక సంవత్సరం మూడో త్రైమాసికం కూడా పూర్తవుతుంది. ఈ నేపథ్యంలో- కొన్ని డెడ్‌లైన్స్ కూడా ముగింపుకొచ్చేశాయి. ఇందులో కీలకమైనది.. కోట్లాదిమంది పన్ను చెల్లింపుదారులతో ముడిపడి ఉన్నదీ.. ఇన్‌కమ్ ట్యాక్స్ రిటర్నుల దాఖలు గడువు. శుక్రవారంలోగా ఐటీ రిటర్నులను దాఖలు చేయాల్సి ఉంది.

ఈ పరిస్థితుల్లో ఐటీఆర్ ఫైలింగ్స్‌కు సంబంధించిన పోర్టల్ ఒక్కసారిగా స్లో డౌన్ అయింది. సర్వర్ స్తంభించిపోయింది. ఐటీఆర్ ఫైలింగ్స్ అప్‌లోడ్ చేయలేకపోతోన్నారు పన్ను చెల్లింపుదారులు. తమ వివరాలను అప్‌లోడ్ చేసిన ప్రతీసారీ ఎర్రర్ అంటూ చూపిస్తోంది. ఐటీఆర్ ఫైలింగ్స్‌కు గడువు సమీపిస్తోండటం, పోర్టల్ స్తంభించిపోతుండటంతో ట్యాక్స్ పేయర్లు తీవ్ర ఆందోళనకు గురవుతున్నారు. తుది గడువును పొడిగించాలంటూ డిమాండ్ చేస్తోన్నారు.

తమ డిమాండ్‌ను సోషల్ మీడియా ద్వారా కేంద్ర ఆర్థికమంత్రిత్వ శాఖ దృష్టికి తీసుకెళ్లే ప్రయత్నం చేస్తోన్నారు. #Extend_Due_Date_Immediately అనే హ్యాష్‌ట్యాగ్ సోషల్ మీడియాలో ట్రెండ్ అవుతోంది. కేంద్ర ఆర్థికమంత్రిత్వ శాఖ అధికారులు తక్షణమే దీనిపై దృష్టి సారించాలని విజ్ఞప్తి చేస్తోన్నారు. వివరాలను అప్‌లోడ్ చేయడంలో గంటల కొద్దీ సమయం పడుతోందంటూ ఆవేదన వ్యక్తం చేస్తోన్నారు. దీనికి సంబంధించిన కంప్యూటర్ స్క్రీన్ షాట్లను తీసి సోషల్ మీడియాలో పోస్ట్ చేస్తోన్నారు.

దగ్గరికొచ్చిన డెడ్‌లైన్..పోర్టల్ స్లో డౌన్: సోషల్ మీడియా షేక

కొత్త ఐటీఆర్ ఫైలింగ్ పోర్టల్‌ను అందుబాటులోకి తీసుకొచ్చినప్పటి నుంచీ ఈ ఇబ్బందులు తలెత్తుతూనే వస్తోన్నాయి. ఇదివరకు అనేక ఎర్రర్‌లు చోటు చేసుకున్నాయి. ఫలితంగా- ఆర్థిక మంత్రిత్వ శాఖ అధికారులు ట్యాక్స్ పేయర్లపై విధించిన జరిమానాను వెనక్కి చెల్లించాల్సి వచ్చింది. సెంట్రల్ బోర్డ్ ఆఫ్ డైరెక్ట్ ట్యాక్సెస్ (సీబీడీటీ) అధికారులు ప్రతి నెల కూడా ఈ జరిమానాల రూపంలో విధించిన మొత్తాన్ని చెల్లిస్తూ వస్తోన్నారు.

కాగా ఇ-ఫైలింగ్ పోర్టల్‌లో ఎలాంటి ఇబ్బందులు తలెత్తట్లేదనే విషయాన్ని సీబీడీటీ స్పష్టం చేస్తోంది. ఈ మేరకు ఓ ట్వీట్ చేసింది. బుధవారం నాటికి 5,09,58,559 ఫైలింగ్స్ నమోదైనట్లు తెలిపింది. ఇందులో 23,24,253 ఫైలింగ్స్ ఈ ఆర్థిక సంవత్సరానికి సంబంధించిని. దీన్ని బట్టి చూస్తోంటే- ఐటీఆర్ ఫైలింగ్స్ గడువు పెంచకపోవచ్చనే అంచనాలు వ్యక్తమౌతున్నాయి. ఇంతకుముందే కేంద్ర ప్రభుత్వం జీఎస్టీ ఫైలింగ్స్ గడువును డిసెంబర్ 31వ తేదీ నుంచి ఫిబ్రవరి 28వ తేదీ వరకు పొడిగించింది.

English summary

ITR filing: Tax payers demand for extend the deadline for the FY 20-21

With the due date for filing the Income Tax Return (ITR) for the financial year 2020-21nearing, scores of taxpayers complained of technical problems with the ITR portal.
Story first published: Thursday, December 30, 2021, 14:32 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X