For Quick Alerts
ALLOW NOTIFICATIONS  
For Daily Alerts

ముందుకే వెళ్తాం.. మా హక్కులు వినియోగించుకుంటాం: రిలయన్స్

|

సింగపూర్ ఆర్బిట్రేషన్ ప్యానల్ ఆదేశాలపై ముఖేష్ అంబానీ నేతృత్వంలోని రిలయన్స్ ఇండస్ట్రీస్ స్పందించింది. ఫ్యూచర్ గ్రూప్ వ్యాపారాలను, ఆస్తులను కొనుగోలు చేసేందుకు దేశీయ చట్టాలకు అనుగుణంగా ఒప్పందం కుదుర్చుకున్నట్లు వెల్లడించింది. ఈ ఒప్పందాన్ని ఎట్టి పరిస్థితుల్లో ముందుకు తీసుకు వెళ్తామని, ఏమాత్రం ఆలస్యం చేయకుండా తదుపరి ప్రక్రియ పూర్తి చేస్తామని రిలయన్స్ తేల్చి చెప్పింది. ఒప్పందం ప్రకారం దఖలుపడిన హక్కులను వినియోగించుకుంటామని స్పష్టం చేసింది.

ముఖేష్ అంబానీXజెఫ్ బెజోస్: రూ.1.92 లక్షల కోట్ల సంపద ఆవిరి!!

మరోవైపు, ఆర్బిట్రేషన్ ప్యానల్ ఆదేశాలను సవాల్ చేయనున్నట్లు ఫ్యూచర్ గ్రూప్ సంకేతాలు ఇచ్చింది. ఆర్బిట్రేషన్ ప్యానల్ విచారణ జరుపుతున్న ఒప్పందంలో ఫ్యూచర్ గ్రూప్ భాగస్వామిగా లేదని వెల్లడించింది. న్యాయ సలహాలు తీసుకున్న తర్వాత రిలయన్స్ రిటైల్‌తో ఒప్పందాలను కుదుర్చుకున్నామని, ఈ విషయంలో సంబంధిత నిబంధనలు పాటించామని, ఈ ఒప్పందాలు భారత చట్టానికి, ఇండియన్ ఆర్బిట్రేషన్ చట్టానికి లోబడి కుదుర్చుకున్నట్లు తెలిపింది.

ముందుకే వెళ్తాం.. మా హక్కులు వినియోగించుకుంటాం: రిలయన్స్

ఫ్యూచర్ గ్రూప్ రిటైల్ బిజినెస్ వ్యాపారాన్ని రిలయన్స్ రిటైల్ వెంచర్స్ లిమిటెడ్(RRVL)కు రూ.24,713 కోట్లకు విక్రయించడంపై అమెజాన్ ఆర్బిట్రేషన్‌కు వెళ్లిన విషయం తెలిసిందే. ఇక్కడ అమెజాన్‌కు ఊరట లభించింది. సింగపూర్ ఇంటర్నేషనల్ ఆర్బిట్రేషన్ సెంటర్ సానుకూలంగా స్పందించింది. ఈ ఒప్పందాన్ని నిలిపివేస్తూ మధ్యంతర ఉత్తర్వులు ఇచ్చింది. అమెజాన్‌కు తాత్కాలిక ఊరట లభించింది. ఆర్బిట్రేషన్ మధ్యంతర ఉత్తర్వులను స్వాగతిస్తున్నట్లు అమెజాన్ ప్రతినిధి తెలిపారు.

English summary

Intend to Enforce Rights: Reliance As Amazon Wins Order To Stall Deal

Reliance Retail said "it intends to enforce its rights and complete the transaction as per its agreement with the Future Group without any delay" after the US-based e-ecommerce major Amazon.com won an interim award against Kishore Biyani-owned group company for its deal with Reliance Retail Ventures Ltd (RRVL).
Story first published: Tuesday, October 27, 2020, 9:40 [IST]
Company Search