For Quick Alerts
ALLOW NOTIFICATIONS  
For Daily Alerts

ఇళ్లకు యమ డిమాండ్, రెండింతలు పెరిగిన హౌసింగ్ సేల్స్: హైదరాబాద్‌లో నాలుగు రెట్లు

|

దేశంలోని ఏడు ప్రధాన నగరాల్లో ఇళ్ల అమ్మకాలు రెండింతలు పెరిగినట్లు ప్రాపర్టీ కన్సల్టెంట్ అనరాక్ తెలిపింది. వివిధ కారణాలతో జూలై-సెప్టెంబర్ కాలంలో ఇళ్ల అమ్మకాలు భారీగా పెరిగాయని వెల్లడించింది. కరోనా వైరస్ మహమ్మారి నుండి ఆర్థిక రికవరీ వేగవంతం కావడం, కరోనా థర్డ్ వేవ్ ప్రభావం సన్నగిల్లడం, ఐటీ మరియు ఐటీ ఆధారిత రంగాల్లో నియామకాలు వేగంగా పెరగడం, హోమ్ లోన్ వడ్డీ రేట్లు పదిహేనేళ్ల కనిష్టానికి పడిపోవడం వంటి అంశాలు ఇళ్ల అమ్మకాలు పెరగడానికి దోహదపడినట్లు తెలిపింది. దేశ వ్యాప్తంగా జూలై - సెప్టెంబర్ మధ్య 62,800 యూనిట్లు అమ్ముడైనట్లు పేర్కొంది.

సగటు ధర చదరపు అడుగుకు రూ.5,600 నుండి రూ.5,760కి పెరిగినట్లు తెలిపింది. హైదరాబాద్‌లో 2020 జూలై - సెప్టెంబర్ కాలంలో 1,650 హౌసింగ్ యూనిట్లు అమ్ముడుపోగా, ఈ ఏడాది ఇదే కాలంలో నాలుగు రెట్లు అధికంగా 6,735 యూనిట్లు కొనుగోలు చేసినట్లు తెలిపింది. మూడో త్రైమాసికంలో కొత్తగా ఏడు నగరాల్లో దాదాపు 64,560 యూనిట్లు ప్రారంభమైనట్లు వెల్లడించింది.

కోలుకుంటున్న నిర్మాణ రంగం

కోలుకుంటున్న నిర్మాణ రంగం

దేశంలోని టాప్ 7 నగరాల్లో ఈ ఏడాది జూలై నుండి సెప్టెంబర్ కాలంలో నమోదైన ఇళ్ల అమ్మకాలే కరోనా ప్రభావం నుండి నిర్మాణ రంగం కోలుకుంటోందనడానికి నిదర్శనంగా చెబుతున్నారు. రెసిడెన్షియల్ ప్రాపర్టీ సేల్స్ గత ఏడాదితో పోలిస్తే 24,560 యూనిట్ల నుండి 29,520 యూనిట్లకు

పెరిగాయి. ఈ క్రమంలో గతంతో పోలిస్తే సేల్స్ వృద్ధిపరంగా హైదరాబాద్ 408 శాతంతో టాప్‌లో ఉంది. యూనిట్స్ పరంగా చూస్తే ముంబై మెట్రోపాలిటన్ రీజియన్ 20,965 యూనిట్లతో ప్రథమ స్థానంలో ఉంది. ఈ జూలై-సెప్టెంబర్ కాలంలో ఏడు ప్రధాన నగరాల్లో 64,560 కొత్త యూనిట్ల ప్రారంభం జరిగింది. గత ఏడాది 32,530గా ఉన్నాయి. అయినప్పటికీ అంచనాల కంటే తక్కువగా ఉన్నాయి. 2019లో ఈ నగరాల హౌజింగ్ సేల్స్ 2,61,358 యూనిట్లుగా ఉన్నట్లు తెలిపింది. కరోనాతో 2020లో అమ్మకాలు భారీగా క్షీణించాయి.

ఇళ్ల ధరలు పెరిగాయి

ఇళ్ల ధరలు పెరిగాయి

మొత్తం ఏడు ప్రధాన నగరాల్లో ఇళ్ల ధరలు సగటున మూడు శాతం పెరిగినట్లు అనరాక్ తెలిపింది. హోమ్ లోన్స్ వడ్డీ రేట్లు తగ్గడం హౌజింగ్ సేల్స్ పెరగడానికి దోహదం చేసినట్లు అనరాక్ చైర్మన్ అనుజ్ పూరీ అన్నారు. వర్క్ ఫ్రమ్ హోమ్ సైతం చాలామందిని సొంతింటి వైపు నడిపించిందని తెలిపారు. ఈ క్రమంలో పెద్ద ఇళ్లకు డిమాండ్ ఏర్పడిందని వివరించారు. వేగంగా జరుగుతున్న వ్యాక్సినేషన్‌తో కొనుగోలుదారులు రియాల్టీ సైట్లకు రావడం మళ్లీ పెరిగిందన్నారు.

ఏ నగరంలో ఎంత పెరిగాయంటే

ఏ నగరంలో ఎంత పెరిగాయంటే

బెంగళూరులో హౌసింగ్ సేల్స్ 58 శాతం పెరిగి 5400 యూనిట్ల నుండి 8550 యూనిట్లకు, పుణేలో వంద శాతం పెరిగి 4,850 యూనిట్ల నుండి 9,705 యూనిట్లకు, హైదరాబాద్‌లో 1,650 యూనిట్ల నుండి నాలుగు రెట్లు పెరిగి 6,735 యూనిట్లకు పెరిగాయి. చెన్నైలో రెండింతలు పెరిగి 1600 నుండి 3,405 యూనిట్లకు, కోల్‌కతాలో 99 శాతం పెరిగి 1,600 నుండి 3,220 యూనిట్లకు పెరిగాయి. ఢిల్లీలో 97 శాతం పెరిగి 5,200 నుండి 10,220 యూనిట్లకు, ముంబైలో 9,200 యూనిట్ల నుండి 20,965 యూనిట్లకు పెరిగాయి.

English summary

Housing sales rises over two fold in July to September: Anarock

Housing sales have jumped over two-fold during the July-September period at 62,800 units across seven major cities on better demand driven by low mortgage rates and hiring in the IT/ITeS sector, according to property consultant Anarock.
Story first published: Thursday, September 30, 2021, 13:18 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X