For Quick Alerts
ALLOW NOTIFICATIONS  
For Daily Alerts

గుడ్ న్యూస్: హెచ్‌సిఎల్‌లో 15,000 కొత్త ఉద్యోగాలు!

|

ఐటీ రంగంలో స్థిరపడాలనుకునే వారికి ఇది గుడ్ న్యూస్. ఇంజనీరింగ్ టెక్నాలజీ దిగ్గజం హెచ్ సి ఎల్ టెక్నాలజీస్ ... 2020 లో భారీ స్థాయిలో ఉద్యోగాలు ఉవ్వబోతోంది. ముఖ్యంగా ఎక్కువ మంది ఫ్రెషర్స్ ను రిక్రూట్ చేసుకోవాలని ప్రణాళికలు రచిస్తోంది. గతేడాదితో పోల్చితే రెట్టింపు సంఖ్యలో కొలువులు ఇవ్వనున్నట్లు సమాచారం. ఇంజనీరింగ్ పూర్తిచేసిన వారు, లేదా చివరి సెమిస్టరు ఎగ్జామ్స్ రాస్తున్నవారికి ఇదొక వరమని చెప్పాలి. దేశంలో ఆర్థిక మందగమనం అలుముకుంటున్న సమయంలో ఉన్న ఉద్యోగాలే ఊడుతున్నాయి. అలాంటి సమయంలో వేలకొద్దీ కొత్త ఉద్యోగాలు రావటం, అది కూడా ఇన్ఫర్మేషన్ టెక్నాలజీ రంగంలో సాఫ్ట్ వేర్ ఇంజనీర్ గా కొలువు దొరకటం నిజంగా గుడ్ న్యూస్ అవుతుంది. హెచ్ సి ఎల్ టెక్నాలజీస్ మరో తీపి కబురును కూడా అభ్యర్థులకు పంచబోతోంది. అదేమిటంటే.... గతంలో కంటే మెరుగైన ప్యాకేజీలను ఆఫర్ చేయబోతోంది. ఈ ఏడాది నుంచి దీనిని అమలు చేయబోతోంది. ఇంకెందుకు ఆలస్యం, ఒకవైపు జాబ్ ఆఫర్, మరో వైపు బెటర్ శాలరీ... వెంటనే అప్లై చేయండి మరి!

రెట్టింపు ఉద్యోగాలు...

రెట్టింపు ఉద్యోగాలు...

ఇండియాలో వేగంగా అభివృద్ధి చెందుతున్న హెచ్ సి ఎల్ టెక్నాలజీస్... 2020-21 ఆర్థిక సంవత్సరంలో క్యాంపస్ రిక్రూట్మెంట్ ద్వారా 15,000 మందికి ఉద్యోగాలు ఇవ్వబోతోంది. గతేడాది ఈ సంఖ్య కేవలం 8,600 మాత్రమే కావటం గమనార్హం. అంటే, గతేడాదితో పోల్చితే ఈ ఏడాది దాదాపు రెట్టింపు సంఖ్యలో ఫ్రెషర్స్ ను అపాయింట్ చేసుకుంటోంది. అటు ఇంజనీరింగ్ విద్యార్థులతో పాటు, మానేజ్మెంట్ కోర్సులు చేసిన వారికి కూడా ఉద్యోగాలు ఇవ్వనుంది. మొత్తం 15,000 ఫ్రెషర్స్ లో ఒక 500 మందిని టాప్ బిజినెస్ స్కూల్స్ నుంచి హైర్ చేసుకోనుంది. వీరందరికీ మెరుగైన వేతనాలు అందించేందుకు సిద్ధంగా ఉంది. ఈ మేరకు ది టైమ్స్ ఆఫ్ ఇండియా ఒక కథనాన్ని ప్రచురించింది.

రూ 3.8 లక్షల వేతనం...

రూ 3.8 లక్షల వేతనం...

ఫ్రెషర్స్ కు ఇచ్చే వేతన ప్యాకేజీలు కూడా పెరగబోతున్నాయి. ఈ ఏడాది నుంచి ఫ్రెషర్స్ కు 15-20% అధిక వేతనాలను ఆఫర్ చేస్తామని హెచ్ సి ఎల్ టెక్నాలజీస్ హ్యూమన్ రిసోర్సెస్ ఆఫీసర్ వీ వీ అప్పారావు వెల్లడించారు. దీంతో ప్రతి ఇంజనీరింగ్ అభ్యర్థికి కనీసం రూ 3.6 లక్షల నుంచి రూ 3.8 లక్షల వేతనం లభిస్తుంది. అదే సమయంలో ఇండియా లోని టాప్ బిజినెస్ అండ్ మానేజ్మెంట్ స్కూల్స్ నుంచి వచ్చే వారికి మరింత ఆకర్షణీయమైన ప్యాకేజీలు అందుతున్నాయి. ఐ ఐ ఎం - అహ్మదాబాద్, ఇండియన్ స్కూల్ ఆఫ్ బిజినెస్ (ఐ ఎస్ బి), ఐఐఎం బెంగుళూరు, ఐఐఎం కోల్కతా, ఎస్ పీ జైన్, ఎక్స్ ఎల్ ఆర్ ఐ వంటి సంస్థల్లో చదివిన వాటికి రూ 20 లక్షల నుంచి రూ 23 లక్షల వార్షిక ప్యాకేజీ లభిస్తోంది. ఐఐఎం ఇండోర్, లక్నో, కోజిఖోడ్ కాలేజీల విద్యార్థులకు రూ 15 లక్షల నుంచి రూ 18 లక్షల వేతనం ఆఫర్ చేస్తున్నారు. ఇక మిగిలిన మానేజ్మెంట్ కాలేజీల విద్యార్థులకు రూ 4.5 లక్షల నుంచి రూ 7 లక్షల వరకు వేతనం అందనుంది. ఇదిలా ఉండగా, ఐ ఐ టీ విద్యార్థులకు రూ 12 లక్షల నుంచి రూ 15 లక్షల వేతనం, ఎన్ ఐ టీ విద్యార్థులకు రూ 8 లక్షల నుంచి రూ 12 లక్షల శాలరీ నిర్ణయించారు.

అమెరికా లోనూ దూకుడే...

అమెరికా లోనూ దూకుడే...

ఇండియా తో పాటు అమెరికా లో కూడా హెచ్ సి ఎల్ టెక్నాలజీస్ పెద్ద ఎత్తున క్యాంపస్ హైరింగ్ చేపట్టనుంది. గతేడాది సుమారు 3,000 మంది అమెరికన్ ఫ్రెషర్స్ ను హైర్ చేసుకున్న కంపెనీ... ఈ ఏడాది మరో 10-15% అధిక సంఖ్యలో ఆఫర్స్ ఇవ్వబోతోంది. ప్రస్తుతం అమెరికాలో హెచ్ సి ఎల్ కు సుమారు 20,000 ఉద్యోగులు ఉన్నారు. వీరిలో 67% మంది అమెరికన్లే కావటం విశేషం. పెరుగున్న డిమాండ్ కు అనుగుణంగా అధిక సంఖ్యలో ఉద్యోగులను నియమిస్తున్నామని, ఆ మేరకు తమకు భారీ స్థాయిలో ప్రాజెక్టులు పైప్లైన్ లో ఉన్నాయని అప్పారావు వెల్లడించారు.

Read more about: hcl jobs employees america india
English summary

HCL Tech to double fresher hiring

HCL Technologies, one of the fastest growing IT companies in India, plans to nearly double its campus recruits to 15,000 in the financial year 2020-21, from 8,600 this fiscal. This will include hiring of 500 students from premier B-schools.
Story first published: Saturday, January 25, 2020, 10:15 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more