For Quick Alerts
ALLOW NOTIFICATIONS  
For Daily Alerts

రూ.4.34 లక్షల కోట్లు అప్పుచేస్తాం: కేంద్రం, 'భారీ' ప్యాకేజీకి చెల్లు!

|

న్యూఢిల్లీ: ప్రస్తుత ఆర్థిక సంవత్సరం(2020-21) ద్వితీయార్ధంలో కేంద్ర ప్రభుత్వం రూ.4.34 లక్షల కోట్ల అప్పులు చేయనున్నట్లు ఆర్థిక శాఖ తెలిపింది. ఈ ఆర్థిక సంవత్సరంలో రూ.12 లక్షల కోట్ల రుణ లక్ష్యానికి కట్టుబడి ఉన్నట్లు ఆర్థిక వ్యవహారాల కార్యదర్శి తరుణ్ బజాజ్ తెలిపారు. సెప్టెంబర్‌లో ముగిసిన ప్రథమార్థంలో రూ.7.66 లక్షల కోట్ల రుణాలు తీసుకుంది. ప్రథమార్థంలో రూ.6.98 లక్షల కోట్లు సమీకరించాలని ప్రభుత్వం లక్ష్యంగా పెట్టుకోగా, ఏడున్నర లక్షల కోట్ల రుణాలు దాటాయి. మార్కెట్ నుండి రూ.12 లక్షల కోట్ల రుణాలు తీసుకుంటామని మే నెలలో ప్రభుత్వం ప్రకటించింది.

పండుగ చేసుకో! కస్టమర్లకు HDFC అదిరిపోయే ఆఫర్లు, రూ.7,000 వరకు క్యాష్‌బ్యాక్

రుణ లక్ష్యం 50 శాతం పెంపు

రుణ లక్ష్యం 50 శాతం పెంపు

ఫిబ్రవరిలో ప్రవేశపెట్టిన బడ్జెట్‌లో ఈ ఆర్థిక సంవత్సరానికి గాను రూ.7.8 లక్షల కోట్ల మార్కెట్ రుణాలను లక్ష్యంగా పెట్టుకుంది ప్రభుత్వం. అయితే కరోనా కారణంగా దీనిని 50 శాతం పెంచి రూ.12 లక్షల కోట్లకు పెంచవలసిన పరిస్థితి వచ్చింది. బుధవారం విడుదల చేసిన డేటా ప్రకారం ఆగస్ట్ చివరి నాటికి కేంద్ర ఆర్థిక ద్రవ్యలోటు రూ.8.7 లక్షల కోట్లుగా ఉంది. పూర్తి ఏడాదికి బడ్జెట్‌లో అందించిన రూ.7.96 లక్షల కోట్ల కంటే 9.3 శాతం ఎక్కువ. FY21లో ద్రవ్యలోటు రూ.14 లక్షల కోట్ల నుండి రూ.18 లక్షల కోట్ల మధ్య ఉండవచ్చునని నిపుణుల అంచనా. జూన్ నుండి ఆర్థిక కార్యకలాపాలు ప్రారంభమైనప్పటి నుండి ఆదాయంలో క్రమంగా మెరుగు కనిపిస్తోందని తరుణ్ బజాజ్ అన్నారు.

భారీ ప్యాకేజీ ఉండకపోవచ్చు

భారీ ప్యాకేజీ ఉండకపోవచ్చు

ఓ వైపు ప్రభుత్వానికి ఆదాయం లేదు. మరోవైపు రుణ లక్ష్యం రూ.12 లక్షల కోట్లకు కట్టుబడి ఉన్నట్లు చెబుతున్నారు. రుణాల్లో మార్పులేదని ప్రకటించిన నేపథ్యంలో ప్రస్తుతానికి కేంద్రం భారీ ఉద్దీపనకు ముందుకు వెళ్లకపోవచ్చునని నిపుణులు భావిస్తున్నారు. ఆర్థిక మద్దతు కోసం మరో భారీ ప్యాకేజీ ఆశలు సన్నగిల్లాయని అంటున్నారు. అదనపు ఖర్చులతో కూడిన ఉద్దీపన ఉండకపోవచ్చునని అంటున్నారు. అయితే ఎంతోకొంత ప్యాకేజీ రావడం మాత్రం ఖాయంగా కనిపిస్తోంది.

కేంద్రం రెండో అర్ధ సంవత్సరంలో రూ.4.34 లక్షల కోట్ల రుణాలు తీసుకోనుంది. పెట్టుబడుల ఉపసంహరణ లక్ష్యాన్ని రూ.2.1 లక్షల కోట్లను పెట్టుకుంది. కానీ కరోనా నేపథ్యంలో ఇది వెనుకబడింది.

ద్రవ్యలోటు పెరిగింది

ద్రవ్యలోటు పెరిగింది

కరోనా వైరస్ కారణంగా ప్రభుత్వానికి ఆదాయం భారీగా తగ్గింది. ఆదాయాల్లో కొరత నేపథ్యంలో ఆగస్ట్‌లో వరుసగా రెండో నెల కూడా ద్రవ్యలోటు పెరిగింది. ఏప్రిల్-ఆగస్ట్ నెలలమధ్య కాలంలో ద్రవ్యలోటు వార్షిక లక్ష్యంలో 109.3 శాతం ఉంది. గత ఏడాది మొత్తం మీద ద్రవ్యలోటు ఏడేళ్ల గరిష్ఠస్థాయి 4.6 శాతంగా నమోదయింది. కరెంట్ ఖాతా మిగులు జూన్ క్వార్టర్‌లో జీడీపీలో 3.9 శాతానికి పెరిగి 1,980 కోట్ల డాలర్లకు (రూ.1.49 లక్షల కోట్లు) చేరుకుంది.

English summary

Government to borrow Rs 4.34 lakh crore in second half of 2020-21

The government kept its gross borrowing target for FY21 unchanged at Rs 12 lakh crore, counting on a pick-up in tax revenues to meet any need for a stimulus to support the economy. In the second half of the fiscal, the Centre will borrow Rs 4.34 lakh crore, the balance left over from the revised Rs 12 lakh crore gross market borrowing announced in May.
Story first published: Thursday, October 1, 2020, 9:11 [IST]
Company Search