For Quick Alerts
ALLOW NOTIFICATIONS  
For Daily Alerts

Gold prices today: 4 ఏళ్లలో తొలిసారి బంగారం భారీ పతనం, ఈ నెలలో ఎంత తగ్గిందంటే?

|

ముంబై: కరోనా మహమ్మారి కారణంగా బంగారం ధరలు ఈ ఏడాది భారీగా పెరిగాయి. ఓ సమయంలో 40 శాతం వరకు పెరిగాయి. కరోనా కేసులు తగ్గడం, వ్యాక్సీన్ సానుకూల ప్రకటనల నేపథ్యంలో ధరలు అదేస్థాయిలో పతనమయ్యాయి. అంతర్జాతీయ మార్కెట్లో ఓ సమయంలో ఔన్స్ 2,072 పలికిన ధర ఇప్పుడు 1800 డాలర్ల దిగువకు వచ్చింది. దేశీయ ఫ్యూచర్ మార్కెట్లో ఆల్ టైమ్ గరిష్టం రూ.56,200 ఉండగా, ఇప్పుడు రూ.48,000 స్థాయికి వచ్చింది. గత నాలుగేళ్లలో ఈ స్థాయిలో తగ్గడం ఇదే మొదటిసారి.

డీబీఎస్ బ్యాంకుగా లక్ష్మీ విలాస్, రూ.25వేల కంటే ఎక్కువ విత్‌డ్రా చేసుకోవచ్చు

300 డాలర్లకు పైగా తగ్గిన పసిడి

300 డాలర్లకు పైగా తగ్గిన పసిడి

అంతర్జాతీయ ఫ్యూచర్ మార్కెట్లో పసిడి ధరలు ఈ రోజు మరింతగా క్షీణించాయి. ఔన్స్ గోల్డ్ ఫ్యూచర్స్ 8.95 (-0.50%) డాలర్లు క్షీణించి 1,779.15 డాలర్ల వద్ద ట్రేడ్ అయింది. 1,767.40 - 1,792.40 డాలర్ల మధ్య ట్రేడ్ అయింది. క్రితం సెషన్‌లో 1788 వద్ద ముగిసింది. ఏడాదిలో పసిడి 20 శాతం వరకు పెరిగింది. ఆల్ టైమ్ గరిష్టం (2072) నుండి బంగారం ధర ఏకంగా 300 డాలర్లకు పైగా తగ్గింది. మన కరెన్సీలో రూ.23వేలకు పైగా తగ్గింది. గత నాలుగేళ్లలో ఈ స్థాయిలో తగ్గడం ఇదే మొదటిసారి. మన వద్ద రూ.8వేలు తగ్గింది.

అంతర్జాతీయ మార్కెట్లో సిల్వర్ ధర కూడా 22 డాలర్ల స్థాయికి వచ్చింది. ఔన్స్ సిల్వర్ ఫ్యూచర్స్ 0.364 (-1.61%) డాలర్లు క్షీణించి 22.275 వద్ద ట్రేడ్ అయింది. 21.962 - 22.785 డాలర్ల మధ్య ట్రేడ్ అయింది. క్రితం సెషన్లో 22.639 డాలర్ల వద్ద ముగిసింది. ఏడాదిలో 30 శాతానికి పైగా పెరిగింది.

ఒక నెలలో భారీ క్షీణత

ఒక నెలలో భారీ క్షీణత

వ్యాక్సీన్ పైన సానుకూల ప్రకటనల నేపథ్యంలో నవంబర్ నెలలో పసిడి ధరలు 6 శాతం తగ్గాయి. 2016 నవంబర్ తర్వాత ఇదే భారీ క్షీణత. వెండి ధర 3.2 శాతం క్షీణించింది. నేడు ప్లాటినమ్ 0.9 శాతం క్షీణించి 954.64 డాలర్లు, పల్లాడియం 0.4 శాతం క్షీణించి 2,416.22 డాలర్లు పలికింది.

నేడు ఎంసీఎక్స్ క్లోజ్

నేడు ఎంసీఎక్స్ క్లోజ్

ఈ రోజు (నవంబర్ 30) గురునానక్ జయంతి. కాబట్టి ఈక్విటీ మార్కెట్లకు, కమోడిటీస్ మార్కెట్లకు సెలవుదినం. నేడు ఉదయం 9 గంటల నుండి సాయంత్రం 5 గంటల వరకు క్లోజ్ అవుతాయి. అయితే సాయంత్రం 5 గంటలకు ట్రేడింగ్ ప్రారంభమవుతుంది.

దేశీయ ఫ్యూచర్ మార్కెట్ ఎంసీఎక్స్‌లో డిసెంబర్ గోల్డ్ ఫ్యూచర్స్ క్రితం సెషన్లో రూ.48,106 వద్ద, ఫిబ్రవరి ఫ్యూచర్స్ రూ.రూ.48,114 వద్ద క్లోజ్ అయింది. డిసెంబర్ సిల్వర్ ఫ్యూచర్ కిలో రూ.59,100 వద్ద, మార్చి ఫ్యూచర్స్ రూ.60,333 వద్ద ముగిసింది.

English summary

Gold prices today set for biggest monthly fall in four years

Gold prices today slipped in global markets and remained on track for its worst month in four years as optimism over a coronavirus vaccine-led economic rebound took some off the safe-haven assets like gold. Spot gold fell 1.2% to $1,766.26 per ounce. For this month, gold was down about 6% - its biggest monthly decline since November 2016.
Story first published: Monday, November 30, 2020, 12:57 [IST]
Company Search