For Quick Alerts
ALLOW NOTIFICATIONS  
For Daily Alerts

గోఎయిర్ బంపర్ ఆఫర్... అతి తక్కువ ధరకే విమాన టికెట్... ఇవీ వివరాలు...

|

రిపబ్లిక్ డేని పురస్కరించుకుని ప్రముఖ విమానయాన సంస్థ గోఎయిర్ ప్రయాణికులకు 'ఫ్రీడమ్ సేల్' ఆఫర్‌ ప్రకటించింది. ఈ ఆఫర్ ప్రకారం... జనవరి 22 నుంచి జనవరి 29,2021 తేదీల్లో గోఎయిర్‌ విమాన టికెట్లు బుక్ చేసుకునేవారికి కేవలం రూ.859ని (all-inclusive) ప్రారంభ ధరగా నిర్ణయించింది. అలాగే 'జీరో చేంజ్ ఫీ'ని కూడా వర్తింపజేయనుంది. తద్వారా ప్రయాణికులు అదనపు చార్జీలేవీ చెల్లించకుండానే ట్రావెల్ రీ-ప్లాన్ చేసుకోవచ్చు. అయితే ఈ అవకాశం కేవలం దేశీ విమాన ప్రయాణికులకు మాత్రమే. అది కూడా వన్ వేకి మాత్రమే వర్తిస్తుంది.

'ఫ్రీడమ్ సేల్' ఆఫర్‌‌లో గోఎయిర్ విమాన టికెట్లు బుక్ చేసుకునే ప్రయాణికులు 1 ఏప్రిల్ నుంచి 31 డిసెంబర్ 2021 వరకూ ఎప్పుడైనా విమాన ప్రయాణ సదుపాయాన్ని పొందవచ్చు. ఈ ఆఫర్ కింద గోఎయిర్ 1మిలియన్ సీట్లను అందుబాటులోకి తీసుకొస్తుండటం విశేషం. ప్రయాణికులు తమ టికెట్లను గోఎయిర్ వెబ్‌సైట్ లేదా మొబైల్ యాప్ ద్వారా బుక్ చేసుకోవచ్చు. ఏవిధంగా బుక్ చేసుకున్నా ఈ ఆఫర్ వారికి వర్తిస్తుంది.

గోఎయిర్ బంపర్ ఆఫర్... అతి తక్కువ ధరకే విమాన టికెట్...

తాజా ఆఫర్‌పై గోఎయిర్ సీఈవో కౌశిక్ ఖోనా మాట్లాడుతూ... 'ప్రయాణికులకు గుర్తుండిపోయే అనుభవాలను అందించేందుకు గోఎయిర్ ప్రతీ అవకాశాన్ని అన్వేషిస్తుంది. ఈ ఆఫర్ ప్రయాణికులకు ఒకరకంగా మా తరుపున ధన్యవాదాలు చెప్పడం లాంటిది. దీని ద్వారా ప్రయాణికులకు టికెట్ డబ్బులు గణనీయంగా ఆదా అవుతాయి. ఈ ఆఫర్‌ భారత్‌లోని మా ప్రయాణికుల్లో ప్రాచుర్యం పొందుతుందన్న నమ్మకంతో ఉన్నాం.' అని పేర్కొన్నారు.

English summary

GoAir offers 1 million seats at fares starting at ₹859 for domestic flights

GoAir has announced a Republic Day sale on domestic flights. The no-frills budget carrier claims to offer low fares starting at ₹859 (all-inclusive) and zero change fees.
Story first published: Saturday, January 23, 2021, 18:54 [IST]
Company Search