For Quick Alerts
ALLOW NOTIFICATIONS  
For Daily Alerts

వాల్‌మార్ట్ ఇండియాకు షాక్: తొలగించిన ఉద్యోగుల తిరుగుబాటు!

|

ప్రపంచంలోనే అతిపెద్ద రిటైల్ స్టోర్ల సంస్థ వాల్మార్ట్ కు ఇండియాలో చుక్కెదురైంది. ఇటీవల వాల్మార్ట్ ఇండియా కొంత మంది ఉద్యోగులను తొలగించిన విషయం తెలిసిందే. అందులో చాలా మంది ఉద్యోగులు కంపెనీ చర్యను తప్పుబడుతూ మాతృ సంస్థ ప్రధాన కార్యాలయానికి ఫిర్యాదు చేశారు. తమ తొలగింపు అన్యాయమని, అది పనితీరును ఆధారంగా చేసుకుని జరిగింది కాదని ఇటీవల ఉద్వాసనకు గురైన కొంత మంది ఉద్యోగులు వాల్మార్ట్ ఇండియా పై తిరగబడ్డారు.

కంపెనీలో లే ఆఫ్స్ ఉండబోవని, ఇటీవలే (గత డిసెంబర్ నెలలో) హామీ ఇచ్చి, అంతలోనే ఉద్యోగంలోంచి తొలగించటం ఏంటని వారు ప్రశ్నించారు. తొలగింపునకు గురైన వారిలో సుమారు 40 మంది అమెరికా లోని బెంటెంవిల్లా లోని వాల్మార్ట్ హెడ్ క్వార్టర్‌కు విడివిడిగా లేఖలు రాశారు. అలాగే ఒక గ్రూపుగా చేరి సంయుక్తంగానూ ఫిర్యాదు చేసారు. వాల్మార్ట్ ఇండియా ఇటీవలి కాలంలో చేసుకున్న రియల్ ఎస్టేట్ ఒప్పందాల్లోని లొసుగులను కూడా వారి ఫిర్యాదుల్లో వివరించినట్లు తెలిసింది. ఈ మేరకు ది ఎకనామిక్ టైమ్స్ ఒక కథనాన్ని ప్రచురించింది.

వేతనజీవులకు షాక్: మందగమనం ఎఫెక్ట్, ఆదాయపు పన్ను ఊరట లేనట్లే!

త్వరలోనే విచారణ....

త్వరలోనే విచారణ....

ఇటీవల ఎకనామిక్ టైమ్స్ లో ప్రచురితమైన ఒక ఆర్టికల్ లో వాల్మార్ట్ ఇండియా 100 మంది ఉద్యోగులను తొలగించినట్లు పేర్కొన్నారు. అది జనవరి 13న ప్రచురితమైంది. ఆ మరుసటి రోజే మరో 56 మందిని కూడా ఉద్యోగం వీడాలని కంపెనీ ఆదేశాలు వచ్చాయని సమాచారం. అయితే, తొలగింపునకు గురైన ఉద్యోగులు రాసిన ఉత్తరాలకు అమెరికా లోని వాల్మార్ట్ స్పందించినట్లు తెలిసింది. ఈ అంశంపై పూర్తిస్థాయిలో విచారణ జరిపేందుకు అమెరికా కంప్లియన్సు అండ్ ఎథిక్స్ డిపార్ట్మెంట్ కు చెందిన బృందం ఒకటి త్వరలోనే ఇండియాకు రానున్నట్లు వినికిడి. ఆ బృందం అన్ని విషయాలపై సమగ్ర విచారణ జరపనున్నట్లు సమాచారం. అది జరిగితే అసలు విషయం బయటకు తెలిసే అవకాశం ఉంటుందని భావిస్తున్నారు.

ఇండియాలో విస్తరణకు స్వస్థి ...

ఇండియాలో విస్తరణకు స్వస్థి ...

ఇండియాలో కార్యకలాపాలు పెద్దగా లాభసాటిగా లేకపోవటంతో వాల్మార్ట్ ఇక్కడి కార్యకలాపాలన పునర్వ్యవస్థీకరిస్తోంది. ఇందులో భాగంగా ఇప్పటికే ముంబైలోని తన అతిపెద్ద ఫుల్ ఫిల్మెంట్ సెంటర్ (వేర్ హౌస్) ను మూసివేసింది. అలాగే దేశంలో కొత్త స్టోర్ల విస్తరణ ను నిలిపివేసింది. రూ 1 లక్ష కోట్లకు పైగా వెచ్చించి కొనుగోలు చేసిన ఫ్లిప్కార్ట్ తో బ్యాక్ ఎండ్ కార్యకలాపాలను అనుసంధానం చేస్తోంది. తద్వారా ఇండియాలో వ్యయాలను కట్టడి చేయాలనీ కంపెనీ లక్ష్యంగా పెట్టుకుంది. ఈ నేపథ్యంలోనే వాల్మార్ట్ ఇండియాలో ఉద్యోగులను కూడా తొలగిస్తోంది. ఫ్లిప్కార్ట్ తాజాగా ఫుడ్ రంగంలోకి కూడా ప్రవేశిస్తున్న సమయంలోనే ఉద్యోగుల తొలగింపు జరుగుతుండటం గమనార్హం. ఫార్మర్ మార్ట్ పేరుతో ఫ్లిప్కార్ట్ త్వరలోనే స్థానికంగా పండించిన ఆహార పదార్థాలను ఆన్లైన్ లో విక్రయిచబోతోంది. ఆన్లైన్ తో పాటు స్టోర్ల నూ ఫుడ్ ఐటమ్స్ ను సేల్ చేయాలనీ ఫ్లిప్కార్ట్ భావిస్తున్నట్లు సమాచారం.

స్పందించిన కంపెనీ...

స్పందించిన కంపెనీ...

ప్రస్తుతం తొలగించిన ఉద్యోగుల అంశంపై వాల్మార్ట్ ఇండియా స్పందించింది. తమ కంపెనీ కంప్లియన్సు, కల్చర్, ఇంటెగ్రిటీ కు అనుగుణంగా పటిష్టమైన విధానాలు అమలు చేస్తామని తెలిపింది. ఎలాంటి ఆరోపణలు ఐనా తీవ్రంగానే పరిగణించి, అందుకు అనుగుణంగా వాటిని సమీక్షిస్తామని వెల్లడించింది. ఇండియాలో తాము వృద్ధి చెందేందుకు కట్టుబడి ఉన్నామని తెలిపింది. ఈ క్రమంలో ఉద్యోగులకు, వ్యాపారులకు, స్థానిక ప్రజలకు మేలు చేసే కార్యక్రమాలను అమలు చేస్తామని, అందులో భాగంగా స్థానిక చట్టాలను వారి ప్రయోజనం కలిగేలా అమలు చేయటానికి బద్ధులమై ఉంటామని పేర్కొంది. చూడాలి మరి ఇక ముందు వాల్మార్ట్ కార్యకలాపాలు ఇండియాలో ఎలా కొనసాగుతాయో, ఉద్యోగులతో నెలకొన్న వివాదం ఎప్పుడు సమిసిపోతుందో.

English summary

Fired Walmart executives write to headquarters

More than three dozen Walmart India executives who were recently laid off have written a letter to the US retailer’s headquarters in Bentonville, terming the layoffs unfair and unrelated to performance. ET reported on January 13 that nearly 100 employees at its local unit were terminated, with the American retailer saying the next day that 56 staff members had been asked to leave.
Story first published: Monday, January 27, 2020, 20:44 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more