For Quick Alerts
ALLOW NOTIFICATIONS  
For Daily Alerts

పదేళ్ల గరిష్టానికి ప్యాక్టరీ ఔట్‌పుట్, కానీ భారీగా ఉద్యోగాల కోత

|

కరోన అంతరాయాల నుండి ఆర్థిక వ్యవస్థ క్రమంగా కోలుకుంటుండటంతో డిమాండ్ పుంజుకొని, ఉత్పత్తి పెరుగుతోంది. దీంతో అక్టోబర్ నెలలో ఉత్పత్తి కార్యకలాపాలు వేగంగా విస్తరించి PMI (పర్చేజింగ్ మేనేజర్స్ ఇండెక్స్) ఆశాజనకంగా నమోదయింది. అయితే పలు సంస్థలు ఉద్యోగులను తొలగించినట్లు ఓ ప్రయివేటు సర్వే నివేదిక వెల్లడిస్తోంది. ఏప్రిల్-జూన్ త్రైమాసికంలో ఆసియా మూడో అతిపెద్ద ఆర్థిక వ్యవస్థ భారత్ వృద్ధి రేటు 23.9 శాతం క్షీణించింది. కరోనా వ్యాప్తిని నివారించేందుకు కేంద్రం లాక్ డౌన్ ప్రకటించింది. దీంతో ఆర్థిక కార్యకలాపాలు నిలిచిపోయి వృద్ధి ప్రతికూలత నమోదు చేసింది.

అమెరికా ఎన్నికలు, కరోనా: పెరిగిన బంగారం, వెండి ధరలు: ఈ వారం ఎలా ఉండనుంది?

పీఎంఐ జంప్.. దశాబ్దకాలంలో గరిష్టం

పీఎంఐ జంప్.. దశాబ్దకాలంలో గరిష్టం

IHS మార్కిట్ ప్రకారం పీఎంఐ సెప్టెంబర్ నెలలో 56.8 కాగా, అక్టోబర్ నెలలో 58.9గా నమోదయింది. మే 2010 నుండి ఇదే అత్యధికం కావడం గమనార్హం. దశాబ్ద కాలంలో ఇదే గరిష్టం. అంతేకాకుండా భారీ పతనం అనంతరం వరుసగా మూడు నెలల పాటు 50 స్థాయి దాటడం గమనార్హం. భారత ఉత్పత్తిదారులకు కొత్త ఆర్డర్స్ పెరుగుతున్నాయని, దీంతో ఉత్పత్తి పెరుగుతోందని, ఈ ఆర్థిక సంవత్సరం ప్రారంభంలో చూసిన కరోనా సంకోచం నుండి కోలుకుంటున్నట్లు IHS మార్కిట్ ఎకనమిక్ అసోసియేట్ డైరెక్టర్ పోలీయానా డి లిమా అన్నారు.

ఆర్థిక పునరుజ్జీవం.. కానీ ఉద్యోగులు పోయాయి

ఆర్థిక పునరుజ్జీవం.. కానీ ఉద్యోగులు పోయాయి

రాబోయే నెలల్లో అమ్మకాల్లో పునరుజ్జీవనం ఉంటుందని కంపెనీలు బలంగా నమ్ముతున్నట్లు తెలిపింది. ఉత్పత్తి, కొత్త ఆర్డర్లు దశాబ్ద కాలంలో భారీగా పెరిగాయని, ఫారెన్ డిమాండ్ 2014 డిసెంబర్ నుండి వేగవంతమైందని చెబుతున్నారు. కానీ పలు సంస్థలు వరుసగా ఏడో నెల ఉద్యోగులను తగ్గించుకున్నట్లు నివేదిక తెలిపింది. 2005లో సర్వే ప్రారంభమైనప్పటి నుండి ఇలా కనిపించలేదని వెల్లడించింది.

ఉద్యోగుల తొలగింతతో...

ఉద్యోగుల తొలగింతతో...

కంపెనీలు ఉద్యోగులను తొలగించడం వల్ల ఆర్థిక వ్యవస్థ వేగంగా కోలుకోవడం మరింత ఆలస్యం కావొచ్చునని భావిస్తున్నారు. ఇన్‌పుట్, ఔట్ పుట్ ధరలు గత నెలలో వేగంగా పెరిగాయి. ఈ ధరల ప్రభావం ఎక్కువగా కంపెనీలపై పడి, ఒత్తిడికి గురవుతున్నాయి. దీంతో రిటైల్ ద్రవ్యోల్భణం సెప్టెంబర్ నెలలో 8 నెలల గరిష్టం 7.34 శాతానికి పెరిగింది. ఏదేమయినప్పటికీ రానున్న 12 నెలల్లో వ్యాపార ఆశావాదం 2016 ఆగస్ట్ నుండి అత్యధిక స్థాయికి చేరుకుంటుందని అంచనా వేసింది.

English summary

Factory output hits decade high in October: PMI

India's factory activity expanded at its fastest pace in over a decade in October as demand and output continued to recover strongly from coronavirus related disruptions, but firms cut more jobs, a private survey showed.
Story first published: Monday, November 2, 2020, 18:26 [IST]
Company Search